1 Corinthians7
1तूँ जे हमरा से पूछलऽ ओकर बारे में आगे बढ़ते घड़ी, तूँ अपन चिट्ठी में लिख लऽ कि एक-दोसर के साथ शारीरिक सम्बन्ध बनावे ला सही नऽ हे। 2दोसर तरफ, लोग जादेतर व्यभिचार करे के इच्छा रखऽ हथन। ई कारण से, एगो मरद के एक्केगो ही औरत से वियाह करे के चाही आउर एगो औरत के एक्केगो ही मरद से वियाह करे के चाही।3पतियन के नियम के रूप में अपन मेहरारूवन जौरे पति धरम निमाहे के चाही। ओईसहीं कर के मेहरारूवन के भी नियम के रूप में अपन पति के जौरे मेहरारू धरम निमाहे के चाही।4मेहरारूवन के देह ओकर नऽ, बाकि ओकर पति के होवऽ हे। ओईसहीं, पतियन के देह ओकर नऽ, बाकि ओकर मेहरारूवन के होवे हे।5तोहनी के नियम से अपन अपन धरम निमाहेला तबहिये बंद करे के चाही जब तोहनी दूनो कुछ समय ला अईसन करे ला राजी हऽ। तोरा अईसन तबहिये करे के चाही जखनी तूँ परमेश्वर से प्रार्थना करे लागी मन लगावे ला चाहऽ हऽ, फिन ओकर बाद तोहनी के नियम अपन अपन धरम निमाहेला शुरु कर देवे के चाही जदि तोहनी अईसन नऽ करऽ हऽ तऽ शैतान तोहनी के असयंम ला लोभा के शारीरिक सम्बन्ध बनावे के तोर इच्छा के इस्तेमाल करत।6हम तोरा प्रार्थना में मन लगावे लागी नियम से शारीरिक सम्बन्ध बनावे ला बंद करे के आज्ञा नऽ दे ही। येहिगुने, हम तोरा खाली अईसन करे ला सलाह दे रहली हे।7जदि ई हमरा पर होत, तऽ सभे आदमी हमरा जईसन होतन आउर बिन वियाह कईले रहतन। येहिगुने परमेश्वर के तरफ से हर आदमी के जिनगी बितावे लागी अपन वरदान देलन हे। कुछ आदमी एक तरीका से जिनगी बितावल करऽ हथन, जबकि दोसर आदमियन दोसर तरीका से जिनगी बितावल करऽ हऽ।8ईहाँ हम ऊ आदमियन से बात कह रहली हे जिनकनी सभे वियाह नऽ करलन हे आउर ऊ औरतियन से भी जेकर मरद के मौत हो गेल हे। ई लोगवन लागी हमरा जईसन बेगर वियाहल रहे लागी सभे से निमन बात हे।9हालाँकि कुछ लोगवन के एकरा पर काबू पावे ला बड़ी लड़ाई लड़े पड़त जे लोग शारीरिक सम्बन्ध बनावे के इच्छा रखऽ हथन। अईसन लोग के ई लागी वियाह कर लेवे के चाही, काहेकि लगातार शारीरिक सम्बन्ध बनावे के इच्छा रखे से अच्छा उपाय एही हे।10ईहाँ हम ऊहें कह रहली हे जे प्रभु खुद ऊ लोगवन से कहलन जिनकर वियाह हो चुकल हे। हम चाहऽ ही कि औरत अपन मरद के जौरे रहतन।11अखनी जदि ऊ अपन मरद जौरे नऽ रहऽ हथन, तऽ ओखनी के फिनो से वियाह नऽ करे के चाही, चाहे ओखनी के अपन मरद भीर वापस चल जाय के चाही। एकर अलावे, पतियन के भी अपन मेहरारूवन के जौरहीं रहे के चाही।12अखनी तोहनी में से ऊ बचलकन लागी जिनका भीर अईसन जिनगी साथी हे जे विश्वासी नऽ हे प्रभु एकरा बारे में नऽ कहलन हे, येहिगुने हम ओकरा कह रहली हे जेकरा हम खुद आदेश दे ही। कुछ साथी विश्वासियन के मेहरारूवन अविश्वासी हथन, आउर शायद ऊ मेहरारूवन अपन विश्वासी पतियन के जौरे रहे ला चाहऽ होतन। ई हालत में, ऊ पतियन के अपन मेहरारूवन के जौरे ही रहे के चाही। 13येही रीति से, कुछ साथी विश्वासीनियन के पति अविश्वासी होतन, आउर शायद ऊ पतियन अपन विश्वासी मेहरारूवन के जौरे रहे ला चाहऽ होतन ई हालत में, ऊ मेहरारूवन के अपन पति जौरे ही रहे के चाही।14काहेकि अविश्वासी मरद मेहरारू के चलते पवित्र ठहरऽ हे, आउर अविश्वासी मेहरारू भाई के द्वारा पवित्र ठहरऽ हे। नऽ तऽ तोर लईकन अशुद्ध हल, बाकि अब ऊ पवित्र हे।15दोसर तरफ, शायद कुछ अविश्वासी पति चाहे मेहरारू अपन विश्वास करे वाला जिनगी साथी के छोड़े ला चाहतन। ई हालत में, विश्वास करे वाला जिनगी साथी के उनका जाय देवे के चाही। अईसन मामला में कोई मसीह भाई चाहे मसीह बहिन गुलाम नऽ हे। में विश्वास करे वाला जिनगी साथी के अपन अविश्वासी पति चाहे मेहरारू के जौरे रहे के जरुरत नऽ हे। ई तरह के कोई भी हालत, याद रखऽ कि परमेश्वर चाहऽ हथन कि लोग शान्तिपूर्ण लोग रहे।16तोरा एगो अविश्वासी जिनगी साथी के ई लागी जाय देवे के चाही काहेकि सभे मेहरारू ई नऽ जानऽ हथन कि ऊ अपन पति के यीशु में उद्धार करे में सहायता कर सकलन हे कि नऽ। सभे पति भी ई नऽ जानऽ हथन कि ऊ अपन मेहरारू के यीशु पर उद्धार करे में सहायता कर सकलन हे कि नऽ।17साधारण रूप से, सभे लोगवन के ऊ तरीका से बर्ताव करे के जरुरत होवऽ हे जेकरा करे लागी प्रभु ओखनी के नियुक्त करलन हे आउर जौन तरह से परमेश्वर ओखनी के व्यवहार करे के आशा करऽ हथन। हम चाहऽ ही कि लोग विश्वासियन सभे झुण्ड में जिनका भीर हम जा ही ई शिक्षा के पालन करतन।18कुछ अईसन लोग भी हथन जिनका यीशु पर विश्वास करे से पहिले दोसरा लोग खतना करलन हल। ई लोग के फिनो से खतनारहित बने के कोशिश नऽ करे के चाही। अईसन दोसर आदमी भी हे जेकरा यीशु पर विश्वास करे से पहिले दोसरा खतना नऽ करलन हल। ई लोगवन के भी खतना करवावे ला कोशिश नऽ करे के चाही।19कोई आदमी ओखनी के खतना करवईलन हे कि नऽ ई हमनी लागी आउर परमेश्वर लागी कोई मायने नऽ रखऽ हे। दोसर तरफ, जे परमेश्वर हमनी के आज्ञा दे हथन ऊ करे ला हमनी लागी आउर परमेश्वर लागी मायने रखऽ हे।20सभे लोग के परमेश्वर जे हालत में बोलईलन ओकरे में बनल रह के चाही, ऊ साधारण कामवन के करते भर में जेकरा ऊ पहिलहीं से कर रहलन हल जहिया से परमेश्वर उनका बोलईलन हल।21कुछ लोग ऊ घड़ी दास हलन जहिया ओखनी यीशु पर विश्वास करलन हल। ई लोग के अपन दास होवे के चिंता नऽ करे के चाही। दोसर तरफ, ओखनी के आजाद होवे ला कोई भी मौका के इस्तेमाल करे के चाही।22अपन सामाजिक हालत के बारे में चिंता नऽ करिहऽ काहेकि जे लोग गुलाम हलन, जखनी ऊ उनका पर विश्वास करलन तऽ अखनी प्रभु ऊ सभे लोगवन के आजाद आदमी मानऽ हथन। ई रीति से, मसीह ओखनी सभे लोगवन के जे आजाद आदमी हलन, जखनी ओखनी उनका पर विश्वास करलन तऽ अईसन मान हथन कि ओखनी अब उनकर गुलाम हथन।23जब यीशु तोहनी लागी मरलन तऽ अईसन लगल कि मानऽ परमेश्वर तोहनी के मोल खरीदे लागी दाम देलन हे। ई कारण से तोहरा दोसर लोग के दास नऽ बनऽ, बाकि एगो मात्र परमेश्वर के सेवा करे के चाही।24हे हमर साथी विश्वासियन, सभे लोगवन के परमेश्वर के सेवा विश्वासयोग्यता से करे के चाही, ऊ साधारण कामवन के करते भर में जेकरा ओखनी पहिलहीं से कर रहल हल जहिया परमेश्वर ओखनी के बदललन हल।25अखनी हम ऊ लोगवन के बारे में बात करे के तरफ बढ़ रहली हे जे वियाह नऽ करलन हे। ई मुद्दा पर हमरा भीर अईसन कुछ भी नऽ हे जे प्रभु तोरा से कहे लागी बोललन हे। जबकि, हम तोरा ओही बतायेम जे हमरा सभे से निमन लगऽ हे। हम ई येहिगुने करऽ ही काहेकि परमेश्वर हमरा एगो विश्वासयोग्य शिक्षक बना के हमरा पर दया के काम करलन हे।26हमर सलाह हे कि लोगवन के अपन जिनगी बितावे के तरीका के नऽ बदले के चाही। हम अईसन येहिगुने कहऽ रहली हे काहेकि हम जानऽ ही कि तुरन्त भयानक बात होवे वाला हे।27कुछ लोग मँगनी कर लेलन हे। उनका अलग नऽ होवे के चाही। दोसर लोगवन जे अखनी मँगनी नऽ करलन हे। उनका मँगनी करे ला कोशिश भी नऽ करे के चाही।28जबकि एगो अकेले मरद चाहे अकेले कुँवारी जे वियाह करऽ हे ऊ पाप नऽ करऽ हे। हम तोरा खाली वियाह करे के खिलाफ सलाह येहिगुने दे ही काहेकि जे लोग वियाह कर हथन उनका जिनगी बतावे में परेशानी के अनुभव होत।29हे हमर साथी विश्वासियन, जे हम तोहनी के बतावे वाला ही ऊ जरुरी हे अन्त के समय दूर नऽ हे। येहिगुने, तखनी तक हर आदमी जेकर भीर मेहरारू हे, ओखनी के अईसन आदमी के जईसन जिनगी बितावे के चाही जेकरा भीर मेहरारू नऽ हे।30रोवे वाला हर आदमी के ऊ आदमी के जईसन जिनगी बितावे के चाही जे रोवऽ नऽ हे। हर आदमी जे खुश हथन, उनका अईसन आदमी के जईसन जिनगी बितावे के चाही जे ऊ खुश नऽ हथन। सभे आदमी जिनका भीर कुछ हे उनका अईसन आदमी के जईसन जिनगी बितावे के चाही जिनका भीर कुछ भी नऽ हे।31सभे आदमी जे सांसारिक चिजवन के इस्तेमाल कर हथन, उनका अईसन आदमी के जईसन जिनगी बितावे के चाही जे ई चिजवन के इस्तेमाल नऽ करऽ हथन। तोहनी के ई तरीका से येहिगुने व्यवहार करे के चाही काहेकि परमेश्वर तुरन्त काम करे के तरीका के खतम कर देतन।32हम चाहऽ ही कि तोहनी कुछ बात के चिंता करऽ। बिन-वियाहल आदमी ई बारे में चिंता करतन कि ऊ प्रभु के सेवा करे लागी का कर सकलन हे।33दोसरका तरफ, शादीशुदा आदमी संसार के बात के चिंता करऽ हे, खास कर के ओखनी अपन मेहरारूवन के सेवा कईसे कर सकलन हे। ई कारण से, ओखनी दूगो अलग-अलग बात के बारे में चिंता करऽ हे: अपन मेहरारूवन के सेवा करिहऽ आउर प्रभु के सेवा करिहऽ। बिन शादीशुदा औरतियन आउर अईसन औरतियन जे कहियो शादी नऽ करलन34कुँवारी ई बारे में चिंता करऽ हे कि ऊ प्रभु के सेवा करे लागी का कर सकलन हे। उनकर मकसद पूरा तौर देह आउर आत्मा दूनो से पवित्र होवे के चाही। दोसरका तरफ, शादीशुदा। औरतियन संसार के बात के बारे में चिंता करऽ हे, खास कर के ऊ अपन पतियन के सेवा कईसे कर सकलन हे।35हम ई बात ई लागी बोलली हे काहेकि हम सोचे ही कि ई बात तोहनी लागी मदतगार हे। हम खाली तोरा एक ही तरह के व्यवहार करे लागी दबाब नऽ देवे के चाहे ही। बजाय एकर, हम चाहऽ ही कि तूँ सम्मान पूर्वक व्यवहार करे में सक्षम बनऽ आउर अच्छा रीति से आउर धियानपूर्वक प्रभु के सेवा करऽ।36कुछ मामला में, एगो मँगनी करल आदमी ई सोच सकलन हे कि ऊ अपन कुँवारी के जौरे यौन सम्बन्ध के गलत तरीका से व्यवहार कर सकलन हे। एकर अलावे, ओकर मंगेतर पूरा तौर से होशियार हो सकऽ हे आउर यौन सम्बन्ध बनावे लागी तईयार हो सकऽ हे। ई मामला में, ईहाँ का करे के चाही ऊ आदमी के अपन मंगेतर से वियाह कर लेवे के चाही। जखनी ऊ अईसन करऽ हे तऽ ऊ पाप नऽ करे हे आउर ओखनी दूनो के वियाह कर लेवे के चाही। 37दोसर मामला में, शायद मँगनी करल आदमी अपन मन बना लेलन हे, आउर कोई भी आदमी चाहे फिनो ई बात ओकरा वियाह नऽ करे लागी हे रुकावट डालऽ हे। ऊ अपन इच्छा पर अधिकार कर सकऽ हे, आउर ऊ वियाह नऽ करे के फईसला खुद ले हे। ई मामला में, ऊ फईसला मुताबिक अपन कुँवारी से वियाह नऽ करे के चुनाव कर सकऽ हे।38येहिगुने हम, कोई भी आदमी जे कुँवारी से वियाह करऽ हे, एक अच्छा काम करऽ हे। एकर अलावे, कोई भी आदमी जे अपन मंगेतर से वियाह नऽ करऽ हे एगो अच्छा काम करऽ हे।39मेहरारूवन के अपन मरद जौरे तहिया तक वियाहल रहे के चाही जहिया तक ओखनी के पतियन जिन्दा हथन। ओकरा ला, ओखनी कोई भी अईसन प्रभु में विश्वास करे वाला आदमी से वियाह कर सकऽ हे जेकरा से ओखनी वियाह करल चाहऽ हे।40येहिगुने हम सोचऽ ही कि अईसन कोई भी औरत जेकर पति के मौत हो गेल हे, जदि ऊ दूबारा वियाह नऽ करऽ हे तऽ जादे खुश रहत। जबकि ई हमर सलाह हे, ई लागी हम सोचऽ ही कि परमेश्वर के आत्मा हमरा द्वारा बोलऽ हथन।
Bridge Connectivity Solutions Pvt. Ltd.