1 Corinthians3
1हे हमर साथी विश्वासियन, जहिया हम तोरा भीर अईली हल, तऽ हम तोरा ऊ रीति से सिखावे में असमर्थ रहली जौन रीति से हम ऊ लोगवन के सिखावऽ हली जिनका पास परमेश्वर के आत्मिक लोग हे। बलुक, हमरा तोरा ऊ रीति से सिखावे ला हल जेकरा से हम ऊ लोगवन के सिखायेम जे खाली शारीरिक तरीका से सोचऽ हथन। हमरा ई येहिगुने करे पड़ल काहेकि तूँ कमजोर तरीका से मसीह पर विश्वास करल हे।2हम तोरा अईसन बात के बारे सिखईली। हम तोरा मुश्किल बात के बारे नऽ सिखईली। हम ई येहिगुने करली काहेकि तूँ मुश्किल शिक्षावन लागी तईयार नऽ हलऽ। सचमुच में तूँ अखनियो भी मुश्किल शिक्षा लागी तईयार नऽ हऽ।3तूँ मुश्किल शिक्षा लागी तईयार नऽ हऽ, ई हम येहिगुने जानऽ ही काहेकि तूँ अखनियो अईसन लोग हऽ जेकरा में जिनगी नऽ खाली शारीरिक तरीका से सोचऽ हथन। तोहनी में से कुछ एक दोसरा में से जलन रखऽ हथन, आउर तोहनी में से कुछ एक दोसरा से लड़ रहलन हे। जखनी तूँ ई कामवन के करऽ हऽ, तऽ एकरा से ई साबित होवऽ हे कि तूँ अईसन लोग हऽ जे खाली शारीरिक तरीका से सोच हऽ। आउर जे खाली शारीरिक तरीका से काम करऽ हथन।4एकर अलावे, तोहनी में से कुछ लोग दावा कर रहलन हे कि उदाहरण लागी, तूँ पौलुस के झुण्ड वाला हऽ, चाहे ई कि तूँ अपुल्लोस के झुण्ड वाला हऽ। जखनी तूँ ई तरह के दावा करऽ हऽ, तऽ एकरा से ई साबित होवऽ हे कि तूँ खाली शारीरिक तरीका से सोच रहलऽ हे आउर काम कर रहलऽ हे।5हमरा तोरा ई समझावे के जरुरी हे कि अपुल्लोस आउर हम, मतलब कि पौलुस, खाली अईसन लोग हथन जे मसीह के सेवक हथन। हमनी में से सभे ओही काम करऽ ही जेकरा करे ला प्रभु हमनी के खड़ा करलन हे। जखनी हम तोरा मसीह के बारे में बतईली, तखनी तूँ उनका पर विश्वास करलऽ हल, हमरा पर नऽ।6परमेश्वर हमरा सभे से पहिले तोरा सुसमाचार के सुनावे लागी खड़ा करलन। हम तऽ ऊ आदमी के जईसन हली जे बिच्चा बुनऽ हे। परमेश्वर अपुल्लोस के तोरा शुभ समाचार के बारे में आउर भी जादे प्रचार करे लागी खड़ा करलन हे। ऊ, ऊ आदमी के जईसन हथन जे बिच्चवन के पटावऽ हथन ताकि ऊ बढ़े। जबकि, परमेश्वर तोहनी के खुद शुभ समाचार पर विश्वास करे ला आउर ओकरा समझे के लायक बनईलन हे। ओही रीति से, पौधवन के बढ़ावे वाला आदमी ओही हथन।7तूँ देख सकलऽ हे कि जौन आदमी सभे से पहिले लोगवन के शुभ समाचार सुनावऽ हथन, ऊ महत्वपूर्ण नऽ हथन। ऊ आदमी जे लोगवन के शुभ समाचार के बारे में आउर भी जादे प्रचार करऽ हथन, ओहू भी महत्वपूर्ण नऽ हथन, ई लोग ऊ लोग के जईसन हथन जे बिच्चा बुन हथन आउर जे पौधा के पटावऽ हथन, तईयो ऊ महत्वपूर्ण नऽ हथन। बजाय एकर, ऊ परमेश्वर ही हथन जे महत्वपूर्ण हथन, काहेकि ऊ लोगवन के शुभ समाचार पर विश्वास करे आउर समझे के काबिल बनावऽ हथन। ओही रीति से, ऊ येहिगुने भी महत्वपूर्ण हथन काहेकि ओही पौधवन के बढ़ावऽ हथन।8सचमुच में जे आदमी सभे से पहिले लोगवन के शुभ संदेश सुनावऽ हथन आउर जे आदमी लोगवन के, शुभ संदेश के बारे में आउर जादे प्रचार करऽ हथन, उनकर मकसद एक जईसन ही होवऽ हे। ऊ, ऊ आदमी के जईसन हथन जे बिच्चा रोपऽ हथन आउर जे पौधा पटावऽ हथन, उनकर मकसद भी एक जईसन ही होवऽ हे। परमेश्वर ऊ लोगवन के इनाम देतन जे ई दूनो में से कोई भी काम करऽ हथन। ऊ ओखनी ई रीति से इनाम देतन जे ऊ काम ला ठीक हथन जे ओखनी करलन हे।9हमनी सभे कोई जे शुभ संदेश सुनावऽ ही परमेश्वर लागी सहकर्मी के काम करऽ ही, बाकि तूँ परमेश्वर के हऽ। ई अईसन हे कि जईसे तूँ खेत के जमीन हऽ जेकर मालिक परमेश्वर हथन जेकरा में हमनी बिच्चा बुनली आउर पटईली। सचमुच में, ई अईसन हे कि जईसे तूँ एगो अईसन घर हऽ जेकर मालिक परमेश्वर हथन।10परमेश्वर हमरा सभे से पहिले तोरा अनुग्रह के साथ शुभ संदेश सुनावे के कला देलन। हम ऊ मकान बनावे वाला राजमिस्त्री के जईसन ही जे मकान बनावे से पहिले जमीन में नींव खनऽ हे। अपुल्लोस जईसन दोसर लोग, तोरा शुभ संदेश के बारे में आउर जादे प्रचार करऽ हथन। ऊ दोसरा राजमिस्त्रियन के जईसन हथन जे ऊ दावा के ऊपरे एगो मकान के बनावऽ हथन। अन्त में ओखनी सभे लोग जे शुभ संदेश के बारे में आउर जादे प्रचार कर हथन, उनका ई तय करे के चाही कि ऊ सही रीति से एकर प्रचार करतन उनका ऊ राजमिस्त्रियन के जईसन होवे के चाही जे दावा के ऊपरे सही तरीका से मकान बनावऽ हथन।11कोई भी आदमी तब ऊ जमीन में नींव खन नऽ सकतन जदि कोई दोसरा आदमी पहिलहीं ऊ जमीन पर दावा खनलन हे। ओईसहीं, कोई भी दोसरा लोग सभे से पहिले तोरा शुभ समाचार येहिगुने सुना नऽ सकतन, काहेकि हम तोरा पहिले ही अईसन कर चुकली हे। हम तोरा से जे प्रचार करली हे ऊ ओही हे जे यीशु मसीह पूरा कर देलन हे यीशु के बारे में ई समाचार कोई मकान के दावा के जईसन हे। 12राजमिस्त्री जखनी कोई मकान के नींव पर बनावऽ हथन तऽ ऊ बड़ी अलग-अलग निर्माण के सामान के इस्तेमाल कर सकलन हे। ऊ जादे टिकाऊ सामान जईसे सोना, चाँदी, आउर जवाहरात आउर कम टिकाऊ सामान जईसे लकड़ी, घास आउर पोरा, के इस्तेमाल कर सकलन हे। ओईसहीं, जे लोग शुभ संदेश के बारे में आउर जादे प्रचार करऽ हथन, ओखनी में से कुछ लोग अईसन बात सिखावऽ हथन जे परमेश्वर के जादे खुश करऽ हे। दोसरा लोग अईसन बात सिखावऽ हथन जे परमेश्वर के कम खुश करऽ हे।13जौन दिन मसीह सभे के न्याय करे लागी लौटतन, तहिया ऊ परखतन कि सभे आदमी कईसन तरीका से काम करलन हे। महल में आग लगला पर राजमिस्त्री द्वारा महल बनावे में इस्तेमाल करल जाय वाला समान के टिकाऊपन साफ होवऽ हे। ओही रीति से, जहिया मसीह वापस अईतन ऊ दिन आग के जईसन न्याय होत। ई न्याय ऊ बात के टिकाऊपन के प्रकट करत जे शुभ संदेश के बारे में आउर जादे प्रचार करे वालन सिखईलन हे।14कोई भी राजमिस्त्री जे आग से बचेवाला महल के निर्माण करलन उनका इज्जत आउर धन मिलऽ हे। ओही रीति से, परमेश्वर ऊ सभे के सम्मान आउर इनाम देतन जे शुभ संदेश के बारे में ऊ तरह से आउर जादे सिखावऽ हथन, जेकरा से सभे के न्याय करे के समय परमेश्वर सकार करऽ हथन।15कोई भी राजमिस्त्री जे अईसन महल के निर्माण करलन होत जेकरा आग भसम कर देत, तऽ ऊ सम्मान आउर धन गवाँ दे हथन। जबकि, ऊ राजमिस्त्री आग में नऽ मरऽ हथन, बलुक आग के चपेट से बच जा हथन। ओही रीति से, जखनी परमेश्वर सभे के न्याय करऽ हथन, तऽ ऊ ओखनी सभे के सम्मान चाहे इनाम नऽ देतन जे शुभ समाचार के बारे में ऊ तरह से आउर जादे सिखावऽ हथन, जेकरा परमेश्वर सकार नऽ करऽ हथन। जबकि, परमेश्वर अखनियो ई शिक्षकवन के उनका द्वारा सिखावल गेल गलत बात के बावजूद स्वीकार करतन।16तोरा याद रखे के जरुरत हे कि तूँ यरूशलेम में स्थित परमेश्वर के मन्दिर जईसन हऽ काहेकि परमेश्वर तोहनी के बीच में ओईसहीं मौजूद हथन जईसे ऊ मन्दिर में मौजूद हलन। तोरा याद रखे के जरुरत हे कि तूँ ऊ घर के जईसन हऽ जेकरा में परमेश्वर के आत्मा वास करऽ हे काहेकि ऊ हमेशा तोहनी जौरे मौजूद हथन।17जे कोई उनकर भवन के खिलाफ काम करतन, परमेश्वर ऊ आदमी के खिलाफ काम करतन। अईसन येहिगुने हे काहेकि परमेश्वर के भवन खाली उनकर हे। कि तूँ परमेश्वर के पवित्र मन्दिर के जईसन हऽ, येहिगुने परमेश्वर तोरा खिलाफ काम करे वाला कोई आदमी के खिलाफ काम करतन।18जे बात तोरा बारे में सच नऽ हे ओकरा पर विश्वास नऽ करिहऽ। तूँ जे खुद के सांसारिक आंकड़ा के जईसन बुद्धिमान समझऽ हऽ, शारीरिक आंकड़ा के जईसन मूरख बन जाय के चाही। ई रीति से, तूँ सचमुच में बुद्धिमान आदमी बन जईवऽ।19हम ई बात येहिगुने बोलऽ ही काहेकि जे बात के संसार के लोग बुद्धिमानी समझऽ हथन, ऊ अईसन बात हे जेकरा परमेश्वर मूर्खता मानऽ हथन। तूँ जानऽ हऽ कि ई सच हे काहेकि अय्यूब के किताब के लेखक लिखलन हे, “ऊ परमेश्वर ही हथन जे ऊ बड़ी चलाकी से रोक दे हथन जेकर योजना बुद्धिमान लोग बनावऽ हथन।” 20एकर अलावे, एगो भजनकार लिखलन, “प्रभु हर ऊ बात से परिचित हथन जेकर विचार बुद्धिमान लोग बनावऽ हथन, आउर ऊ जानऽ हथन कि ई विचार बेकार के हे।” 21येहिगुने, तोहनी में से कोई के भी ई बात पर घमण्ड नऽ करे के चाही कि तूँ दोसरा लोग के अनुशरण कईसे करऽ हऽ। हम येही से कहऽ ही काहेकि तोरा भीर सभे कुछ हे येहिगुने दोसरा आदमियन के अनुशरण करलऽ पर घमण्ड करे ला मूर्खता हे22तोहनी भीर का पौलुस, का अपुल्लोस, का कैफा, का संसार, आउर पतरस जईसन अगुवा हथन। तोहनी भीर ऊ सभे कुछ हे जे परमेश्वर बनईलन हे तूँ जिनगी जीते भर में नऽ डेरईलऽ आउर जखनी तूँ मर जा हऽ तऽ तूँ शान्ति पा सकलऽ हे। तोरा भीर ऊ सभे कुछ हे जे अखनी अस्तित्व में हे आउर ऊ सभे कुछ भी जे भविष्य में अस्तित्व में आवत। सचमुच में, तोहनी भीर सभे कुछ हे। 23एकर अलावे, मसीह भीर तूँ हऽ, आउर परमेश्वर भीर मसीह हथन।
Bridge Connectivity Solutions Pvt. Ltd.