1 Corinthians2
1हे हमर साथी विश्वासियन, हमहूँ येही तरीका के मुताबिक ऊ बखत काम करली हल जहिया हम तोरा से मिले ला अईली हल आउर तोरा ओकर बारे में बतईली हल जे परमेश्वर अखनी हमनी पर परकट करलन हे। हम दोसरा के तुलना में जादे शक्तिशाली रीति से बात नऽ करली। हम दोसरा के तुलना में जादे बुद्धिमानी से बहस नऽ करली। 2हम अईसन येहिगुने करली काहेकि हम बोले ला आउर काम करे ला, मानऽ कि खाली ओही बात के ही चुनली हल जे हम तब समझली हल जखनी हम तोरा जौरे हली, कि कईसे तूँ यीशु मसीह के जौरे हलऽ आउर क्रूस पर उनकर मौत कईसे होल हल।3जखनी हम तोहनी जौरे रह रहली हल तऽ देह से कमजोर हली हमहूँ ई तरीका के मुताबिक जिनगी बितईली। हम बेमार हली, हम डेरायेल हली, आउर हम बार-बार काँपऽ आउर थरथरा हली।4जब हम तोरा से बात करली आउर अपन संदेश तोहनी जौरे बाँट देली तऽ हम बुद्धिमानी से आउर प्रेरक रूप से मानवीय आंकड़ा के मुताबिक बात नऽ करली। एकर बदले, हम साबित करली कि जखनी हम अपन संदेश बाँट देली तऽ हमरा माध्यम से परमेश्वर के आत्मा सामर्थी रूप से काम करऽ हे।5हम अपन संदेश ई रीति से बाँट देली ताकि तूँ परमेश्वर पर विश्वास करऽ काहेकि ऊ सामर्थी रूप से काम करऽ हथन, येहिगुने नऽ कि आदमियन तोरा से बुद्धिमानी के बात करलन।6हम जे कहली हे, ओकर बावजूद हमनी जे शुभ संदेश के प्रचार करऽ ही ऊ घड़ी बुद्धिमानी के साथ बोलऽ ही जखनी आत्मिक रूप से समझदार लोग के जौरे होवऽ ही। जबकि, जे लोग खाली सांसारिक रीति से सोचऽ हथन आउर जे शासक ई घड़ी शासन करऽ हथन, ओखनी के ई नऽ लगऽ हे कि हमनी बुद्धिमानी से बात करऽ ही। तुरन्त, ई लोग आगे से शासन नऽ करतन।7नऽ, हम बुद्धिमानी के साथ बात येहिगुने करऽ ही काहेकि हम ऊ बात के ऐलान करऽ ही जे परमेश्वर हमरा पर प्रकट करलन हे। परमेश्वर ई बात के अखनी ला छिपईले रखलन हल, जबकि ऊ दुनियाँ कोई भी चीज के बनावे से पहिले ऊ बात के करे के फईसला कर लेलन हल। ऊ ई सभे ई लागी करलन ताकि ऊ हमनी के महिमा करतन।8जे लोग ई घड़ी शासन करऽ हथन, ओखनी ई ज्ञान के बात के बारे में नऽ जानलन। तूँ बता सकलऽ हे कि ऊ येहिगुने नऽ जानलन, काहेकि ई संसार के शासक हमर महिमामय प्रभु के क्रूस पर चढ़ा के मार देलन। 9बजाय एकर, जे नियम से ओखनी काम करलन ऊ यशायाह भविष्यद्वक्ता शास्त्रवन में जे लिखलन हे ओकर जौरे सही बईठऽ हे: “जे लोग परमेश्वर से प्रेम करऽ हथन, ऊ, ऊ लोगवन लागी अईसन बात के तईयार करलन हे जेकरा पहिले कोई नऽ देखलन आउर अईसन बात जेकर बारे में पहिले कोई नऽ सुनलन आउर अईसन बात जेकरा कोई आदमी पहिले कहियो अपन मन में सोचलन भी नऽ हल।” 10परमेश्वर ई बात हमरा परमेश्वर के आत्मा के सामर्थ से बतईलन हे। परमेश्वर अपन आत्मा के सामर्थ से येहिगुने काम करऽ हथन काहेकि परमेश्वर के आत्मा सभे लोगवन आउर बात के खोज करऽ हथन। ऊ परमेश्वर के बारे में अईसन बात के खोज करऽ हथन जेकरा समझे ला बड़ी जादे मुश्किल हे।11परमेश्वर के आत्मा परमेश्वर के बारे में सभे बात के खोजऽ हथन तूँ येहिगुने बता सकलऽ हे, काहेकि सभे कोई जानऽ हथन कि हर एक आदमी ही खाली अपन बारे में सभे कुछ समझऽ हथन। ओही रीति से, खाली परमेश्वर के आत्मा ही परमेश्वर के बारे में सभे कुछ समझऽ हथन। 12हमनी सचमुच में ऊ आत्मा पा लेली हे जे परमेश्वर के तरफ से मिलऽ हे। हमरा अईसन आत्मा नऽ मिलल जेकर आज के दुनियाँ से लगाव हे। हम परमेश्वर के आत्मा येहिगुने पा लेली ताकि हम ऊ सभे कुछ समझ सकम जे परमेश्वर हमरा ला देलन हे।13हम भी ई बात के बारे में बात करऽ ही। हम ऊ बात के इस्तेमाल नऽ कर के जिनका आदमी बुद्धिमानी के साथ सिखावऽ हथन। एकर बदले, हम ऊ बात के इस्तेमाल करऽ ही जे आत्मा सिखावऽ हे, जेकरा से हम आत्मिक बात के साथ आत्मिक सच्चाई के विस्तार कर सकतन।14अब जौन स्वभाविक आदमी भीर परमेश्वर के आत्मा नऽ हे, ओखनी ऊ बात के इंकार कर दे हथन जेकरा परमेश्वर के आत्मा दे आउर सिखावऽ हे। ऊ ई बात के येहिगुने इंकार कर दे हथन, काहेकि ऊ सोचऽ हथन कि ऊ मूर्खता के बात हे। ऊ, ऊ लोगवन के बारे में नऽ जानऽ सकतन जिनका परमेश्वर के आत्मा हे आउर सिखावऽ हथन, काहेकि जिनका भीर परमेश्वर के आत्मिक हे, खाली ऊ लोग ही उनकर बारे में सही न्याय कर सकलन हे।15दोसरका तरफ, जौन लोगवन के पास परमेश्वर के आत्मिक लोग हे, ऊ सभे बात के बारे में सही न्याय कर सकलन हे जेकरा से, कोई भी दोसरा आदमी उनकर बारे में सही न्याय नऽ कर सकलन हे।16पवित्रशास्त्र जे कहऽ हे ऊ ओकरा जौरे सही बईठऽ हे: “कोई आदमी नऽ जानऽ हथन कि प्रभु कौची सोच रहलन हे। कोई भी आदमी उनका कोई बात के बारे में नऽ सिखा सकलन हे।” जबकि, हमनी ऊ बात के सोच सकली हे जेकरा मसीह सोच रहलन हे।
Bridge Connectivity Solutions Pvt. Ltd.