1 Corinthians16
1अखनी हम ऊ धन के बारे में बात करे के ओर बढ़ते ही जे हम परमेश्वर के पवित्र लोगवन जे यहूदी हे उनका लागी इकट्ठा कर रहलन हे। हम चाहऽ ही कि तूँ भी ऊहें करऽ जे हमनी गलातिया के कलीसिया में रहे वाला विश्वासियन के झुण्डवन के करे के निर्देश देली हल।2सभे सप्ताह के पहिला एतवार के, तोहनी में से सभे के जे कुछ भी तूँ कमईलऽ हे ओकरा में से कुछ धन निकास के रखे के चाही। ई रीति से, जखनी हम तोरा से मिले आयेम तऽ हमरा धन जमा करे के जरुरत नऽ पड़त।3अपन झुण्ड से कुछ परखल गेल लोगवन के चुन लऽ। जखनी हम तोरा से मिले आयेम, तऽ जे तूँ जमा करलऽ हल हम ओकरा से ही भेंट यरूशलेम नगर ले जायला कहम। साथही, हम उनका चिट्ठियन भी देम जेकरा में लिखल हे कि हम उनका अधिकृत करली हे।4तूँ आउर हम तय कर सकली हे कि हमरा भी यरूशलेम जाय के चाही। ऊ मामला में, ओखनी जिनका तूँ चुन हऽ हमरा साथे यात्रा करतन।5मकिदुनिया प्रान्त से होके यात्रा करे के बाद जे हमर राह में हथन, हम तोरा से मिले ला आ रहली हे।6सच में, हम तोहनी साथे कुछ समय, शायद पूरा जाड़ा बितायेम। ई रीति से, तूँ हमरा आगे कहीं भी जायला फईसला करे लागी यात्रा करे में हमर मदत कर सकलऽ हे।7हम ई योजनावन येहिगुने बना रहली हे काहेकि हम अखनी थोड़ा समय ला तोरा भीर आवे के बजाय तोहनी साथे लम्बा समय बितावे के इंतजार करम। हमरा विश्वास के साथ अईसन करे के उम्मीद तब तक हे जब तक कि ई ओही काम हे जे प्रभु चाहऽ हथन कि हम करीयई।8अखनी ला, हम पिन्तेकुस्त के परव तक ई इफिसुस शहर में रहे के योजना बना रहली हे।9हम ईहाँ येहिगुने रह गेली हे काहेकि परमेश्वर हमरा असरदार ढंग से आउर आजाद होके शुभ समाचार के प्रचार करे के अनुमति देलन। एकर अलावे, हमरा ढेर संख्या में अईसन लोगवन के विरोध करे पड़त जे हमर विरोधी काम कर रहलन हे, काहेकि ऊहाँ एगो हमरा ला एगो बड़का दुआरी खुलल हे।10जब कभी तीमुथियुस तोहर शहर में अईतन, तऽ तय करऽ कि जखनी ऊ तोहनी साथे रहतन तऽ ऊ सुरक्षित महसूस करतन। तोर ई येहिगुने करे ला हे काहेकि ऊ शुभ समाचार के प्रचार करे के द्वारा प्रभु के सेवा करऽ हथन, ठीक ओईसहीं जईसे हम करऽ ही।11येहिगुने उनका साथे अपमान से भरल वर्ताव नऽ करिहऽ। बजाय एकरा, हमरा भीर वापस यात्रा करे में उनका मदत कर के एगो शान्तिपूर्ण तरीका से काम करिहऽ। तोरा ई येहिगुने करे के चाही काहेकि हमरा आशा हे कि ऊ दोसर साथी विश्वासियन के साथे जे हमरा से मिले ला यात्रा कर रहलन हे हमरा भीर वापस अईतन।12अखनी हम अपन साथी विश्वासी अपुल्लोस के बारे में बात करे के ओर बढ़ रहली हे। हम उनका से मजबूती से निवेदन करली कि ऊ दोसर विश्वासियन के साथे जे तोरा से मिले ला यात्रा कर रहलन हल तोहनी भीर जईतन। काहेकि, ऊ मजबूती से फईसला लेलन कि ई तोरा से मिले के सही समय नऽ हे। बजाय एकर, जखनी उनका लगत कि ई सही समय हे तऽ ऊ तोहनी से मिले अईतन।13जे गलत हे ओकर बारे में सावधान रहऽ! मजबूती से शुभ समाचार पर विश्वास करऽ! हिम्मतगर बनऽ! मजबूत इरादा रखऽ 14जखनी भी तूँ कुछ सोचिहऽ चाहे करिहऽ तऽ तोरा दोसर से प्रेम करे पर धियान देवे के चाही।15तूँ जान हऽ कि स्तिफनास के घरे में रहे वाला आदमी अखाया प्रान्त में सभे से पहिले शुभ समाचार पर विश्वास करे वाला लोग हलन। ओखनी परमेश्वर के पवित्र लोगवन के सेवा करे लागी चुनल गेलन हे। हे हमर साथी विश्वासियन, हम तोरा से विनती कर ही16कि उनका आउर उनकर जईसन दोसर लोगवन के सम्मान करऽ आउर उनकर आज्ञा के पालन करऽ। सही में, हमर साथे शुभ समाचार के प्रचार करे लागी कड़ा मेहनत करे वाला सभे आदमी के तोरा सम्मान करे के चाही आउर उनकर आदेश पालन कर के चाही।17हम खुश ही कि स्तिफनास, फूरतूनातुस आउर अखइकुस ईहाँ पहुँच गेलन हे। अईसन येहिगुने हे काहेकि ओखनी हमरा तोहनी के साथे जुड़े के अनुमति देलन हे, भले ही तूँ हमरा साथे नऽ हऽ।18ओखनी हमरा आउर तोरा दूनो के आत्मा के प्रोत्साहित आउर शक्तिशाली करलन। येहिगुने, तोरा उनका आउर उनकर जईसन दोसर लोगवन के सम्मान करे के चाही।19ईहाँ आसिया प्रान्त के विश्वासियन के झुण्ड तोहनी के नमस्कार कहऽ ही। अक्विला आउर प्रिस्किल्ला, ऊ लोगवन के रूप में जिनका परमेश्वर प्रभु के साथे एक जगह करलन हे, प्रेमपूर्वक तोरा नमस्कार कहऽ ही। जे विश्वास करे वाला उनकर घर में जमा होवऽ हथन ओहू तोरा नमस्कार करऽ हथन।20प्रभु के सभे साथी विश्वासी जे हमरा साथे हथन तोरा नमस्कार कहऽ ही। एक दोसर के प्रेम से पवित्र चुम्बन से स्वागत करिहऽ।21हम, पौलुस, तोरा नमस्कार कहऽ ही। हम ई अंतिम शब्द के बजाय अपन लेखक से ओकरा लिखवावे के, खुद लिख रहली हे।22परमेश्वर ऊ सभे के श्राप देतन जे प्रभु से प्रेम नऽ करतन। हम प्रार्थना कर ही कि प्रभु जल्दी वापस अईतन। 23हम प्रार्थना कर ही कि प्रभु यीशु तोरा पर अनुग्रह करतन।24हम तोहनी सभे से प्रेम रखऽ ही, काहेकि परमेश्वर हमरा यीशु मसीह के साथे एक जगह कर देलन हे। अईसने होवे!
Bridge Connectivity Solutions Pvt. Ltd.