1 Corinthians15
1हे साथी विश्वासियन, एकरा बाद, हम तोरा ऊ शुभ संदेश के बारे में सूचित कर रहली हे जे हम तोरा बतईली हल। तूँ ई शुभ समाचार हमरा से जानलऽ, आउर तूँ एकरा पर मजबूती से विश्वास कर हऽ।2जखनी तूँ ऊ संदेश पर मजबूती से विश्वास करे ला जारी रख हऽ जे हम तोरा सुनईली, तऽ परमेश्वर ऊ शुभ संदेश के प्रचार के जरिये तोरा उद्धार भी कर हथन। नऽ तऽ, तूँ बिना कोई कारण के ऊ सन्देश पर विश्वास कर लेलऽ।3पहिला बात जे हम तोरा बतईली, आउर जे हम प्रभु से जानली ऊ ई हे: जईसन कि पवित्रशास्त्र के लेखकवन लिखलन हे कि मसीह हमनी के पापवन से दूर करे ला क्रूस पर मरलन।4लोगवन उनका गाड़ देलन, बाकि ओकरा बाद तिसरका दिन, परमेश्वर उनका फिनो से जिलावल गेलन, जईसन कि पवित्रशास्त्र में लिखलन हे। 5ऊ पतरस के आउर फिन यीशु के बचल 12 गो नजदीकी चेलवन के देखाई देलन। 6ओकरा बाद, ऊ एक बार में 500 से जादे साथी विश्वासियन के देखाई देलन। जबकि एखनी में से कुछ लोगवन के मौत हो गेल हे, बाकि लगभग सभे के सभे अखनी भी जीवित हथन।7ओकरा बाद, ऊ याकूब के आउर फिनो ओखनी सभे प्रेरित के देखाई देलन, जिनका ऊ अपन अगुवाई करे ला भेजलन हल।8अंतिम में, जखनी ऊ ओखनी सभे के देखाई दे चुकलन, ओकर बाद ऊ हमरा भी देखाई देलन। येहिगुने काहेकि हम ऊ आदमी बन गेली जेकरा यीशु बाकि सभे के बाद अपन अगुवाई करे ला भेजलन हल, हम ऊ बालक के समान ही जे असाधारण तौर से जनम लेलन हल।9सचमुच में, हम हर ऊ प्रेरित के तुलना में कम महत्व आउर इज्जत के लायक ही जेकरा मसीह अपन अगुवाई करे ला भेजलन हे। सचमुच में, जबकि हम ऊ आदमियन के नाश करे के कोशिश करली जे मसीह पर विश्वास करऽ हथन, येहिगुने हम एकर योग्य नऽ ही, काहेकि हम परमेश्वर के कलीसिया के सतईली हे, जब दोसर आदमी हमरा ऊ कह के पुकार हे जेकरा मसीह उनकर अगुवाई करे लागी भेजलन हे।10जबकि, परमेश्वर अनुग्रह कर के हमरा अईसन आदमी बनईलन जेकरा मसीह अपन अगुवाई करे ला भेजलन। एकरा अलावे, ऊ हमरा जे कुछ सौंपलन, ऊ बेकार नऽ होल ओकर नतिजतन बड़का-बड़का काम होल। सचमुच में हम दोसर सभे जिनका मसीह अपन अगुवाई करे ला भेजलन ओकर बराबरी में सभे से बढ़ के कड़ा मेहनत करली। बेशक, ई सचमुच में हम नऽ हली जे एतना मेहनत करली। बजाय एकर, ई परमेश्वर ही हलन जे एतना कुछ करलन जे कृपा से भर के हमर माध्यम से काम रहलन हल।11अंतिम में, हम आउर दोसर प्रेरित, दूनो ऊ शुभ समाचार के प्रचार कर ही जेकरा चर्चा हम करली, आउर तूँ ऊ शुभ समाचार पर विश्वास करलऽ हे।12काहेकि सभे विश्वासियन के प्रचार करऽ कि परमेश्वर मसीह के फिनो से जिन्दा करलन, येहिगुने तोर झुण्ड में कोई भी ई दावा नऽ कर रहलन होत कि जे आदमी मर गेलन हे ओखनी फिनो से जिन्दा नऽ होतन।13सोचऽ कि जे आदमी मर गेल हे ओखनी के पुनरुत्थान नऽ होत। ऊ मामला में, तऽ परमेश्वर भी मसीह के फिनो से जिन्दा नऽ करलन।14सोचऽ कि ई सच हे कि परमेश्वर मसीह के फिनो से जिन्दा नऽ करलन। ऊ मामला में, हम बेकार में शुभ समाचार के प्रचार करली आउर तूँ ओकरा पर विश्वास करलऽ।15एकर अलावे, हमनी अईसन आदमी बन जायेम जे परमेश्वर के बारे में झूठ गवाही ही, काहेकि हम परमेश्वर के सामने प्रचार करली कि ऊ मसीह के फिनो से जिन्दा करलन, जबकि ऊ सच में अईसन नऽ करलन। ई सभे तखनी सच होत जदि परमेश्वर उनका फिनो से जिन्दा नऽ करतन जे मर गेलन हे।16तूँ कहऽ सकलऽ हे कि ई सच हे जखनी तूँ सोचऽ हऽ कि जे आदमी मर गेलन हे उनका परमेश्वर फिनो से जिन्दा नऽ करतन। ऊ मामला में, परमेश्वर मसीह के भी फिनो से जिन्दा नऽ करलन।17विचार करऽ कि ई सच हे कि परमेश्वर मसीह के फिनो से जिन्दा नऽ करलन। तऽ ऊ मामला में, तूँ बिना कोई भी कारण के शुभ समाचार पर विश्वास करलऽ हे तऽ ई बेकार हे, आउर पाप तोरा काबू करे ला जारी रखऽ हे।18फिनो से ऊ मामला में, जे विश्वासी मसीह में मर गेलन ओखनी फिनो कहियो जिन्दा नऽ होतन।19जदि खाली येही जिनगी में हमरा मसीह में उम्मीद हे, तऽ सभे लोग में से हम सभे से जादे अभागा ही।20बाकि जे सच हे ऊ ई हे: परमेश्वर मसीह के फिनो मुरदा में से जीवित करलन, आउर ऊ ओखनी लोगवन में से पहिला हथन जे मर गेलन हल जिनका परमेश्वर फिनो से जिन्दा करतन।21तूँ कहऽ सकऽ हऽ कि ई सच हे, काहेकि एगो आदमी आदम जे करलन, उनका जरिये से लोग मरऽ हथन। ओईसहीं जे लोग मर गेलन हे, ऊ एगो आदमी यीशु के जरिये से फिनो से जी उठतन।22हमरा कहे के मतलब ई हे कि जे तरह से सभे आदमी मर के येहिगुने खतम हो जा हथन काहेकि परमेश्वर उनका आदम के साथे एक साथे कर देलन, ओही रीति से सभे विश्वास करे वाला फिनो से येहिगुने जिन्दा हो जईतन काहेकि परमेश्वर उनका मसीह के साथे एकजूट करऽ हथन।23अब, ओखनी सभे आदमी जे फिनो से जिन्दा हो जईतन बारी-बारी से अईसन करऽ हथन: पहिले मसीह आउर फिनो ओखनी जे मसीह के हथन, जखनी ऊ फिनो से वापस अईतन।24ओकरा बाद, जे कुछ भी परमेश्वर बनईलन हे, जेकर मसीह प्रतीक्षा कर रहलन हे ऊ घटित होत। ऊ समय, मसीह हर ऊ आदमी आउर हर ऊ बात से छुटकारा देलईतन जे शासन करऽ हे आउर अधिकार करऽ हे आउर सामर्थ खतम करके। फिनो, ऊ परमेश्वर के, जे हमनी के पिता हथन राज के साथे पेश करतन ताकि परमेश्वर सभे पर शासन करतन। 25जईसन ई काम करऽ हथन ऊ ई हे: परमेश्वर फईसला लेलन कि मसीह तखनी तक शासन करतन जखनी तक कि ऊ ओखनी सभे पर विजय पा नऽ लेतन जे उनकर बैरी हथन। 26अंतिम बात जे मसीह के बैरी हे, जेकरा से ऊ छुटकारा पईतन, ऊ ई हे कि लोग मरतन। 27अब, शास्त्र कहऽ हे, “ऊ उनका ऊ हर बात पर विजय दिला देलन जे उनकर विरोध कर हे।” बेशक, “हर ऊ बात” में परमेश्वर शामिल नऽ हथन, जे ऊहें हे जे “उनका सभे ऊ बात पर विजय दिला देलन।” 28येहिगुने जखनी ऊ हर बात पर विजय पा लेलन हे, तब परमेश्वर के बेटा ओकर अधीन हो जईतन जे उनका सभे ऊ बात पर विजय देला देलक। ई रीति से, परमेश्वर सभे बात पर विजय प्राप्त करतन आउर शासन करतन।29अखनी, ऊ लोगवन पर धियान दऽ जे ऊ लोगवन के मदत करे ला दोसरा के बपतिस्मा दे हथन जे मर गेलन हे। एकर अलावे, फिनो से सोचऽ कि जे आदमी मर गेलन हे उनका कहियो परमेश्वर फिनो से जी उठे में मदत नऽ करतन। ऊ मामला में, लोगवन भीर मरलकन लोगवन के मदत करे लागी दोसरा के बपतिस्मा देवे के कोई भी कारण नऽ हे।30आउर भी बढ़ के, ऊ मामला में, हमरा ला जे शुभ समाचार के प्रचार कर हे लगातार खुद के खतरा में डाले के कोई भी कारण नऽ हे जईसन कि हम करऽ ही।31सचमुच, हम बड़ी बार मरे के खतरा उठावऽ ही। हे साथी विश्वासियन, जईसन हम तोरा पर घमण्ड कर ही ओकर द्वारा हम किरिया खा ही कि ई सच हे, जे हम येहिगुने करऽ ही काहेकि परमेश्वर हमनी सभे के मसीह के साथे जे हमर प्रभु यीशु हथन एकजूट करलन।32सोचऽ कि हम ऊ घड़ी खाली मानवीय बात के बारे में सोच रहली हल, जखनी हम ऊ लोगवन के खिलाफ संघर्ष कर रहली हल जे इफिसुस नगर के दौरा करते घड़ी हमर विरोध करलन हल। ऊ मामला में, उनकर खिलाफ संघर्ष करे से हमरा एकदम फायदा नऽ होते हल। एक बार फिनो से सोचऽ करऽ कि जे लोग मर गेलन हे उनका परमेश्वर फिनो से जिन्दा नऽ करतन। ऊ हालत में, हमरा ओही करे के चाही जे केतना लोग हमरा करे ला कहऽ हथन: खाना खा, आउर दाखरस पियऽ, काहेकि हम बड़ी जल्दी मर जायेम। 33जे गलत हे ओकरा पर तोरा विश्वास नऽ करे के चाही। ई चर्चित कहावत सच हे: “गलत दोस्त बढ़ियाँ आदमी के भटका देतन जे साधारण रूप से सही काम करऽ हथन।”34हम चाहऽ ही कि तूँ धार्मिक होके सही तरीका से काम करे ला शुरु करऽ। जे पाप हे ऊ तोरा करते नऽ रहे के चाही। हम ई बात के आदेश येहिगुने दे ही काहेकि तोहनी झुण्ड के कुछ लोग परमेश्वर के नऽ जानऽ हथन। हम तोरा लाज महसूस करवावे लागी ई कहऽ ही।35अब कोई भी आदमी ई बारे में पूछ सकलन हे कि जे आदमी मर गेलन हे ओखनी फिनो से कौन देह के साथे जी उठतन आउर ई बारे में कि ओखनी कौन सा रूप धारण करतन।36जदि तूँ ऊ सवाल के जबाब नऽ जानऽ हऽ, तऽ तूँ सही ढंग से विचार नऽ कर रहल हे! खाली ई बारे में विचार करऽ: जे बिच्चा तूँ जमीन में रोपऽ हऽ, ओकरा जिन्दा रहे से पहिले ओकरा मरे पड़त।37आउर जौन तूँ रोप हऽ, ऊ देह नऽ, जे होत, बाकि नंगा बिच्चा रोप हऽ, चाहे गेहूँ चाहे कुछ आउर।38बाकि परमेश्वर अपन इच्छा के मुताबिक उनका देह दे हथन; आउर हरेक एगो बिच्चा के उनकर खास देह हे। 39अलग-अलग प्राणियन के देह के अंग अलग-अलग होवऽ हे। उदाहरण लागी, आदमी, पशु, पक्षी आउर मछली सभे के अलग-अलग तरह के अंग होवऽ हे।40कुछ चिजवन के अस्तित्व स्वर्ग में हे, आउर दोसर चिजवन के अस्तित्व धरती पर हे। स्वर्ग के चिजवन के रूप एक देह से महिमामय हे, जबकि धरती पर के चिजवन के रूप दोसर तौर से महिमामय हे।41एकर आगे, सूरज, चाँद आउर तरेगन अलग-अलग तौर से महिमामय हे। सचमुच में, सभे तरेगन अपन विशेष तरीका से महिमामय हे।42ऊ तरीका ई हे जे पूरा तौर से ई बात पर लागू होवऽ हे कि जे लोग मर चुकलन हे फिनो से कईसे जी उठतन। लोग एगो सड़ रहल देह के जमीन में गाड़ दे हथन बाकि परमेश्वर ओकरा फिनो से जीवित कर दे हथन ताकि ऊ कहियो मर नऽ सकतन।43आदमी ऊ देह के जमीन में दफना दे हथन, जिनका कोई भी इज्जत नऽ कर हे, बाकि परमेश्वर उनका जिन्दा करऽ हथन जेकरा से सभे उनका इज्जत करे। लोगवन एगो देह के जमीन में गाड़ दे हथन, बाकि परमेश्वर उनका फिन से शक्ति में जिन्दा कर दे हथन। आदमी एगो निर्मल देह के जमीन में गाड़ देतन, बाकि परमेश्वर उनका फिनो से जीवित कर देतन ताकि ऊ बलवन्त होतन।44आदमी ई संसार के स्वभाविक देह के जमीन में गाड़ दे हथन, बाकि परमेश्वर ओकरा फिनो से आत्मिक देह जिन्दा कर दे हथन जेकरा से ऊ ई संसार के हो जाय जेकरा परमेश्वर नया करतन। जईसे कुछ देह ई दुनियाँ के हे, ओईसहीं कुछ देह ऊ दुनियाँ के हे जेकरा परमेश्वर नया करतन।45तूँ कह सकलऽ हे कि ई सच हे काहेकि मूसा लिखलन, “परमेश्वर पहिला आदमी, आदम के एगो जीवित प्राणी के रूप में सृष्टि करलन जे ई संसार के हलन।” दोसर तरफ, यीशु, जे दोसर आदम के समान हथन, अखनी ऊ संसार के हे जिनका परमेश्वर नया करतन आउर ऊ आत्मा दोसरा के जिनगी दे हथन।46अखनी पहिला आदम के देह जे ई स्वभाविक के हे, पहिले बजूद में आयेल, आउर ओकर बाद ही अंतिम आदम के देह बजूद में आयेल जे ऊ स्वभाविक के हे जेकरा परमेश्वर आत्मिक करतन।47आदम, जे पहिले तरह के आदमी के अगुवाई करऽ हे, धरती के हल। सचमुच में परमेश्वर उनकर रचना मट्टी से करलन। दोसर ओर, यीशु जे दोसर तरह के आदमी का अगुवाई कर हथन, ऊ स्वर्ग के हे। 48धरती पर रहेवालन सभे लोग आदम के समान हथन। स्वर्ग में रहेवालन सभे आदमी यीशु मसीह के समान हथन।49वर्तमान में हमर देह आदम के प्रतिरूप देह जईसन हे जे ई संसार के हे। ऊ रीति से, हमनी के ई तरह से जिनगी बितावे के चाही कि हमर देह अंतिम में यीशु के स्वर्गीय देह के समान हो जायेत, जे ऊ संसार के हे जेकर परमेश्वर नया करतन। 50हे हमर साथी विश्वासियन, ई सुनऽ: मानवीय देह आउर लहू जईसन ऊ मौजूद में बजूद में हे, ऊ परमेश्वर के राज में भाग नऽ ले सकत जे हमेशा तक बनल रहऽ हे, जबकि ऊ नाश हो जायेत आउर मर जा हे।51गौर कर! हम तोरा कुछ अईसन बतावे जा रहली हे जेकरा अखनी परमेश्वर परकट करलन हे। हमनी सभे नऽ मरम, बाकि परमेश्वर हमनी सभे के बदल देतन।52एक क्षण में ऊ हमरा बदल देतन, जेतना तेजी से कोई भी आदमी पलक झपकावऽ हे। ई तखनी घटित होत जब एगो स्वर्गदूत ऊ तुरही के फूँकतन जे संकेत दे हे कि ई संसार खतम हो रहल हे। जखनी एगो स्वर्गदूत ऊ तुरही के फूँकऽ हे, तऽ परमेश्वर उनका फिनो से जिन्दा कर देतन जे मर गेलन हे जईसे अविनाशी हे, आउर ऊ ओखनी सभे के बदल देतन जे अखनी जिन्दा हे।53येहिगुने, जे देह नाश होके मर जा हे, उनका अईसन देह में बदल जाय के जरुरत हे जे हमेशा तक बनल रहऽ हे आउर कभी नऽ मर सकतन।54जखनी हमर देह जे नाश होके मर जा हे, ऊ देहवन में बदल जईतन जे हमेशा तक बनल रहतन आउर कहियो नऽ मर सकऽ हथन, ऊ घड़ी अंतिम में ओही घटित होत जेकरा बारे में भविष्यद्वक्तावन शास्त्र में लिखलन हल: “परमेश्वर एकर सृष्टि करलन हे जेकरा से लोगवन अखनी नऽ मरतन।” 55एकर आगे, “जखनी आदमी मरऽ हथन, तऽ ई उनका नाश नऽ करतन चाहे चोट नऽ पहुँचईतन।” 56आदमी येहिगुने मर हथन काहेकि पाप के कारण उनका मृत्यु होवऽ हे, आउर अईसन येहिगुने घटित होवऽ हे काहेकि पाप के शक्ति व्यवस्था के रूप में मौत के देखावऽ हे।57जबकि, हम परमेश्वर कि धन्यवाद येहिगुने करऽ ही काहेकि ऊ हमरा जईसे हम पाप करऽ ही आउर जईसे हम मरऽ ही, ओकरा पर जीत हासिल करे में सक्षम बनईलन हे। ऊ ई ओही काम के द्वारा करलन हे जे हमनी के प्रभु यीशु मसीह करलन हे58येहिगुने फिनो, हे हमर साथी विश्वासियन जिनका हम प्रेम करऽ ही जे तूँ जानऽ हऽ ऊ सच हे। हमेशा जादे से जादे प्रभु के सेवा बेगर कोई भी कारण के करऽ। तोरा ई काम के येहिगुने करे के चाही काहेकि तूँ जानऽ हऽ कि तूँ प्रभु के सेवा करे ला जे कुछ कर हऽ ओकर नतीजा बेकार नऽ बाकि महान बात में हासिल होत, बाकि परमेश्वर तोरा प्रभु के साथे इकट्ठा करलन हे।
Bridge Connectivity Solutions Pvt. Ltd.