1 Corinthians14
1तोरा हमेशा दोसरा से प्रेम करे ला खोजते रहे के चाही। साथही तोरा, हौसला के साथे आत्मिक वरदान के खोज करे के चाही कि पवित्र आत्मा खास रूप से तोरा भविष्यद्वाणी करतन, ताकि तूँ परमेश्वर द्वारा कहल गेल वचन के प्रचार करे के लायक हो जा।2तोरा ई इच्छा येहिगुने करे के चाही काहेकि जे लोग अन्य भाषा में बात करऽ हथन, ऊ दोसर लोगवन से नऽ, बाकि परमेश्वर से बात करऽ हथन। अईसन येहिगुने हे काहेकि कोई भी नऽ जान पावे कि ऊ का कर रहलन हे। बलुक, जखनी पवित्र आत्मा उनका मजबूत करऽ हे तऽ गड़ल बात बोलऽ हथन।3दोसरका तरफ, जे लोग परमेश्वर द्वारा कहल गेल वचन के भविष्यद्वाणी कर हथन, ओखनी दोसर आदमी से बात करऽ हथन। ओखनी दोसर विश्वासियन के मजबूत होवे में सहायता करतन, येहिगुने दोसर विश्वासियन से सही तरीका से वर्ताव करे के निवेदन करऽ हथन, आउर दोसर विश्वासियन के दिलासा दे हथन4अन्य भाषा में उपदेश देवे वाला लोग अपने आप के ही मजबूत होवे में सहायता करऽ हथन। दोसरका तरफ, जे आदमी परमेश्वर द्वारा कहल गेल बात के भविष्यद्वाणी करऽ हथन, ओखनी विश्वासियन के झुण्ड के मजबूत होवे में मदत करऽ हथन।5हम चाहऽ ही कि तूँ सभे अन्य भाषा में उपदेश करऽ। काहेकि, जे हम आउर भी जादे चाहऽ ही, ऊ हे कि तूँ परमेश्वर द्वारा कहल गेल बात के भविष्यद्वाणी करऽ। अन्यभाषावन में बात करे के तुलना में परमेश्वर द्वारा कहल गेल वचन के प्रचार करे ला जादे महत्वपूर्ण आउर सहायक हे। बेशक जदि कोई अन्य भाषा के बखान करऽ हथन, तऽ ई भी कलीसिया के मजबूत आउर विश्वासी के सहायता कर सकल हे।6हे हमर साथी विश्वासी भईवन, ईहाँ जे हम कहे के कोशिश करऽ ही ऊ ई हे: उदाहरण लागी, विचार करऽ कि हम तोरा से मिले ला अईली, आउर हम अन्य भाषा में बात करली। तखनी हम तोर मदत एकदम नऽ कर पायेम। सचमुच में तोरा मदत करेलागी, हमरा ऊ बात के तोरा पर परकट करे ला होत, ऊ बात के जाने में तोहर मदत करे पड़त, चाहे तोहरा सिखावे पड़त।7ईहाँ तक कि अईसन चिजवन भी जे बेजान हे बाकि जेकर इस्तेमाल हमनी आवाज निकासे ला करऽ ही ओहू ओकर बखान करऽ हे जे हम कह रहली हे। जखनी कोई आदमी बाँसुरी चाहे वीणा बजावऽ हे तऽ ऊ बाजा अलग-अलग बढ़ियाँ आवाज निकासऽ हे। नऽ तऽ कोई नऽ समझ पईतन कि ऊ आदमी बाँसुरी चाहे वीणा पर का बजा रहलन हे, काहेकि सभे आवाज एक जईसन ही होत।8एकर अलावे, विचार करऽ कि जखनी कोई आदमी एगो तुरही के इस्तेमाल दोसर के चेतौनी देवे ला करऽ हथन तऽ ऊ तुरही से साफ आवाज नऽ निकलत। तऽ केकरो नऽ पता चलत कि उनका दुश्मन से लड़े ला तईयार होवे के जरुरत हे।9जब कभी तूँ बात करते समय अईसन बात के इस्तेमाल नऽ करऽ हऽ जेकरा दोसर लोग पछानऽ हथन, तऽ तूँ एक अईसन बाजा के समान होवऽ हऽ जे साफ आवाज नऽ दे हे। तूँ जे कह रहलऽ हे, ओकरा कोई भी नऽ समझ पईतन आउर तूँ एगो अईसन आदमी के समान ठहरवऽ जे कोई से भी बात नऽ करऽ हथन।10ई बात सच लग रहल हे कि संसार में केतनो भाषा हे ओकर अलग अस्तित्व हे। ओकरा में से सभे साफ रूप से बातचीत करऽ हे।11येहिगुने उदाहरण लागी, जब हम ई नऽ समझऽ ही कि कोई भाषा कईसे विचरण करऽ हे, तऽ हम ऊ सभे लागी परदेशी ही जे ऊ भाषा बोलऽ हथन, आउर ओखनी हमरा ला अनजान हलन।12येहिगुने, जे तोरा करे के चाही ऊ ई हे: काहेकि तूँ चाहऽ हऽ कि पवित्रात्मा तोरा खास रूप से उत्साहित करतन, येहिगुने तोरा विश्वासियन के झुण्ड के मजबूत करे में मदत करे लागी जादे से जादे कोशिश करे के चाही ताकि तूँ ओकर इस्तेमाल करऽ जेकरा ला पवित्र आत्मा तोरा उत्साहित करऽ हथन।13येहिगुने, जे आदमी अन्य भाषा में बात करऽ हथन, उनका परमेश्वर से प्रार्थना करे के चाही कि ऊ उनका ओकर बखान करे के भी लायक बनईतन जे ऊ कह रहलन हे।14उदाहरण ला, जब हम कोई भी अन्य भाषा में परमेश्वर से प्रार्थना कर ही, तऽ हमरा खाली आत्मा प्रार्थना कर रहल हे काहेकि हम जे कहऽ रहली हे ओकरा बारे में समझ नऽ रहली हे।15येहिगुने, तोरा आउर हमरा जे करे के चाही ऊ ई हे। हमनी के खाली अपन आत्मा के साथे ही नऽ बलुक हमनी के ऊ बारे में विचार कर के भी परमेश्वर से प्रार्थना करे के चाही कि हम का कह रहली हे। हमरा खाली अपन कुछ भाग के साथही नऽ बाकि हमनी के ओकरा बारे में विचार कर के भी गीत गावे के चाही कि हमनी का गा रहली हे।16विचार करऽ सच में कि जे लोग अन्य भाषा के नऽ समझऽ हथन, आउर ऊ तोरा परमेश्वर के स्तुति करते सुनऽ हथन जखनी तूँ अपन आत्मा के इस्तेमाल कर रहलऽ होत, आउर तूँ ऊ बारे में विचार नऽ कर रहलऽ हे जे तूँ कह रहलऽ हे। जखनी तूँ परमेश्वर के स्तुति करऽ हऽ तऽ ऊ लोग ओकरा में भाग येहिगुने नऽ ले पईतन काहेकि ऊ, ऊ अन्य भाषा के नऽ समझतन जेकरा तूँ बोल रहलऽ हे।17ई हालत में, तूँही सही रूप से परमेश्वर कि स्तुति करऽ हऽ। जबकि, तूँ दोसर लोगवन के मजबूत होवे में मदत नऽ कर पावऽ हऽ।18हम परमेश्वर के धन्यवाद करऽ ही कि हम तोहनी सभे से जादे अन्य भाषा में बात करऽ ही।19जबकि जखनी हम कलीसिया में परमेश्वर कि आराधना करे ला साथी विश्वासियन के साथे इकट्ठा होवऽ ही, तऽ हम खाली ऊ कुछ ही शब्दवन के बोले ला चाहऽ ही जेकर बारे में विचार करऽ ही। ई रीति से, हम खाली अपने आप के ही नऽ बाकि दोसर विश्वासियन के भी सिखा सकली हे। अन्य भाषा में लाखो बात बोले के तुलना में हमरा ला अईसन करे ला बेहतर हे।20हे हमर साथी विश्वासियन, हम नऽ चाहऽ ही कि तूँ ई बात के बारे में जरिगो लईकवन के जईसन मूरख रहऽ। बलुक तोरा ई बात के बारे में एगो पूरा विकसित जवान के जईसन बड़ी कुछ पता होवे के चाही। जे बात गलत हे खाली ओकरा नऽ करे में तोरा छोटकन लईकवन के जईसन होवे के चाही।21जे प्रभु कहऽ हथन ऊ भविष्यद्वक्ता यशायाह व्यवस्था में लिखलन हे, “हम अपन प्रजा इस्राएल से ऊ लोगवन के द्वारा बात करम जे अन्य भाषा बोलऽ हथन। जबकि, ई तरीका से ऊ हमर नऽ सुनऽ।” 22येहिगुने अन्य भाषा विश्वासी लागी नऽ, बाकि अविश्वासी सभे लागी चिन्ह हे; आउर भविष्यद्वाणी अविश्वासी सभे लागी नऽ, बाकि विश्वासी सभे लागी हे।23येहिगुने, विचार करऽ कि विश्वासियन के पूरा झुण्ड परमेश्वर के आराधना करे लागी एक साथे मिल के जमा होलन, आउर तोहनी सभे अन्यभाषावन में बात करलऽ। आगे विचार करऽ कि जे अन्य भाषा के नऽ समझतन चाहे जे अविश्वासी हे, ऊ आदमी तोहनी के झुण्ड में आवऽ हथन। तखनी ओखनी दोसरा के बतईतन कि तोहनी पागल हऽ।24दोसरा तरफ, सोचऽ कि तूँ सभे परमेश्वर द्वारा कहल गेल वचन के भविष्यद्वाणी करली। आगे सोचऽ कि कोई भी आदमी जे मसीह पर विश्वास नऽ करतन चाहे जे अनजान भाषा के नऽ समझतन, ऊ तोहर झुण्ड में आवऽ हे। तूँ जे कुछ भी बोलवऽ, ओखनी ऊ बात के ओखनी पर परकट करतन आउर ओखनी ऊ बात से उनका जाँच करतन जे गलत काम ओखनी करलन हल।25ई रीति से सभे आदमियन के ऊ बात पता चल जाय जे ई आवे वाला दोसर से अपन मन में छिपावऽ हथन। जबाब में, ओखनी ठेहुनियाँ मार के परमेश्वर के आराधना करतन। ओखनी दोसर के ई बात के प्रचार करतन कि सचमुच परमेश्वर तोरा साथे हे।26हे हमर साथी विश्वासियन, जे हमरा कहे के मतलब हे ऊ ई हे। जखनी कहियो तूँ परमेश्वर के आराधना करे लागी। एक साथे जमा होवऽ हऽ, तऽ सभे विश्वासी के कुछ करे ला होवऽ हे। कुछ गीत गावऽ हथन, दोसर आदमी सिखावऽ हथन, दोसर आदमी बात के परकट करऽ हथन, दोसर आदमी अन्य भाषा में बोलऽ हथन, दोसर आदमी अन्य भाषा के अनुवाद करऽ हथन। दोसर विश्वासियन के मजबूत होवे में मदत करे ला विश्वास करे वालन के ई सभे कामवन के करे के चाही।27जखनी विश्वासी अन्य भाषा में बात कर हलन होत, तऽ अधिकतर दू चाहे तीन आदमी ही बोलतन। ओखनी एगो के बाद एगो बोलतन, आउर कोई भी जन ई व्याख्या करतन कि ओखनी का कहऽ हथन।28दोसरा तरफ, जखनी विश्वासी परमेश्वर के आराधना करे ला एक कलीसिया में जौरे जमा होतन आउर अन्य भाषा के व्याख्या करे वाला कोई भी आदमी ऊहाँ नऽ हथन, तऽ जे कोई भी अन्य भाषा में बात करऽ हथन, ऊ शान्त रहतन। जोर से बोले के बजाय, ओखनी मन ही मन में अन्य भाषा में परमेश्वर से बात करतन।29ई रीति से, ओखनी लगभग दू चाहे तीन आदमी ही बोलतन जे परमेश्वर के भविष्यद्वक्तावन के काम करऽ हथन। काहेकि सभे ई तय करतन कि जे ओखनी कहऽ हथन भेद ऊ सही हे कि गलत।30अब, जब कभी परमेश्वर कोई भी आदमी पर कुछ परकट करऽ हथन जखनी विश्वास करे वाला एक साथे जमा होतन तऽ जे कोई भी दोसर आदमी के परमेश्वर द्वारा कहल गेल वचन के प्रचार करते सुन रहलन हे, तऽ जे आदमी बोल रहलन हे उनका बोले ला बंद कर देवे के चाही।31तोरा अईसन येहिगुने करे ला चाही जेकरा से हर कोई भी के एक के बाद एक, परमेश्वर भविष्यद्वाणी करे के अवसर मिलत। ई रीति से, हर कोई के कुछ नऽ कुछ सीखे ला हे, आउर हर कोई सीखे आउर शान्ति पावे।32जे परमेश्वर के भविष्यद्वक्तावन के आत्मा काम करऽ हथन, ओखनी ई वश में करऽ हथन कि ओखनी एकरा कईसे आउर कखनी प्रचार करतन।33ई येहिगुने सच हे काहेकि जे शान्तिपूर्ण आउर सही ढंग से हे, ओही परमेश्वर के गुण परकट करऽ हथन, नऽ कि ऊ जे सही ढंग से नऽ हथन। हम चाहऽ ही कि तूँ भी ओईसने बर्ताव करऽ जईसन ओखनी बाकि सभे पवित्र आदमी व्यवहार करऽ हथन जिनका परमेश्वर अपना ला अलग करलन, जखनी ओखनी परमेश्वर के आराधना करे ला कलीसिया में जमा होवऽ हथन।34जखनी विश्वासी एक साथे कलीसिया में जमा होवऽ हथन आउर जखनी उनकर मरद बोल रहलन हे तऽ औरतियनो के चुप रहे के चाही। उनका बात नऽ करे के चाही बाकि अपन पतियन के सम्मान करे के चाही। उनका अईसन येहिगुने करे के चाही काहेकि हमनी परमेश्वर के व्यवस्था में एही पावऽ ही। 35अखनी, जखनी मेहरारूवन जे उनकर मरद बोल रहलन हल उनकर बारे में जादे जाने ला चाहऽ हथन, तऽ उनका अपन घर में अपने मरद से सवाल पूछे के चाही। ओखनी के अईसन येहिगुने करे के चाही काहेकि जखनी विश्वास करे वाला एक साथे कलीसिया में जमा होवऽ हथन आउर जखनी उनकर मरद बोल रहलन होत तऽ जे औरत बात करऽ हथन ओखनी अपने आप के आउर अपन परिवार के लज्जित करऽ हथन।36जदि तूँ हमरा द्वारा कहल गेल वचन के पसन्द नऽ करवऽ, तऽ याद रखऽ कि परमेश्वर द्वारा कहल गेल वचन के स्रोत तूँ नऽ हऽ। आउर जे सुनलन हे आउर जे परमेश्वर द्वारा कहल गेल वचन पर विश्वास करलन अईसन लोग खाली तूँही नऽ हऽ37ओखनी सभे आदमी जे अपने आप के अईसन मान हथन जे परमेश्वर के भविष्यद्वक्तावन के काम करऽ हथन चाहे जिनका पवित्र आत्मा खास रूप से आत्मिक करलन हल, उनका ई समझे के चाही कि जे कुछ हम तोरा ई चिट्ठी में लिख रहली हे, ऊ प्रभु के आज्ञा हे।38दोसरा ओर, तोरा अईसन कोई भी आदमी के आधिकारिक तौर से नऽ पछाने के चाही जे ई नऽ समझऽ हथन कि प्रभु के हमरा द्वारा कहल गेल बात के जरुरत हे।39अंतिम में, हे हमर साथी विश्वासियन, उत्साहपूर्वक भविष्यद्वाणी करे में लगल रहऽ। एकर अलावे, आदमी के अन्य भाषा बोले से मत रोकऽ।40अंतिम में जखनी तूँ परमेश्वर के आराधना करे लागी एक साथे जमा होवऽ हऽ तऽ तोरा हमेशा इज्जत से आउर सही ढंग से वर्ताव करे कर चाही।
Bridge Connectivity Solutions Pvt. Ltd.