1 Corinthians12
1अखनी हम ई बारे में बात करे के ओर बढ़ रहली हे कि कईसे परमेश्वर के आत्मा विश्वासियन के खास रूप से मजबूत करऽ हे। हे हमर साथी विश्वासियन, हम तोरा ई आत्मिक वरदान के बारे में बतावे ला चाहऽ ही।2तोरा याद होत कि जखनी तोहनी अन्यजाति हलऽ तऽ तोहनी ऊ घड़ी का करते रहऽ हलऽ। तोहनी दोसर मूर्तियन के उपासना करलऽ। ई दोसर देऊता बोल भी नऽ सकल हे, बाकि ई दोसर मूर्तियन के उपासना करे लागी जे भी गलत काम आदमियन तोरा करे ला कहे तोहनी उनका करलऽ।3येहिगुने हम तोरा बतावऽ ही कि जे कोई यीशु के श्राप दे हे, ऊ परमेश्वर के आत्मा के सामर्थ से नऽ बोलऽ हे। दोसरका तरफ, एगो आदमी जे कहऽ हे कि यीशु ही प्रभु हथन, जरुर ही पवित्र आत्मा के सामर्थ से बात कर रहलन होत।4वरदान तऽ बड़ी सा अलग-अलग तरीका से आदमियन के मजबूत करऽ हे बाकि आत्मा खाली एक्केगो गो हे। 5लोग बड़ी अलग-अलग तरीका से प्रभु के सेवा कर हथन, बाकि प्रभु खाली एक्केगो गो हथन।6लोग बड़ी अलग-अलग तरीका से परमेश्वर के लागी काम करऽ हथन, बाकि परमेश्वर खाली एक ही हथन। बाकि ओही हथन जे सभे लोगवन के ई सभे तरीका से काम करे लागी मजबूत कर हथन।7सभे विश्वासी परमेश्वर से बड़ी खास तरीका प्राप्त करऽ हे जेकरा में परमेश्वर के आत्मा उनकर माध्यम से साथी विश्वासियन के सहायता करे ला काम करऽ हथन।8उदाहरण ला, परमेश्वर के आत्मा कुछ विश्वासियन के बुद्धिमानी से बोल के मजबूत करऽ हथन। दोसर विश्वासी ज्ञान के साथे बात कर सकलन हे, आउर ओही आत्मा उनका अईसन करे ला मजबूत करऽ हे।9ओही परमेश्वर के आत्मा कुछ विश्वासियन के खास तरीका से परमेश्वर पर विश्वास करे लागी वरदान दे हथन। ओही आत्मा से दोसर विश्वासियन के चंगा करे ला वरदान दे हथन।10दोसर विश्वासी भी सामर्थी कामवन कर सकऽ हथन। दोसर विश्वासी भी परमेश्वर के ओर से मिलल संदेश के बोल सकऽ हथन। दोसर विश्वासी भी ई परख सकलन हे कि कोई बात परमेश्वर के आत्मा के ओर से आयेल हे कि नऽ। कुछ विश्वासी अन्य भाषा भी बोल सकलन हे। कुछ विश्वासी चमत्कार कर सकलन हे। दोसर विश्वासी ऊ अन्य भाषा के अनुवाद भी कर सकलन हे।11ओही परमेश्वर के आत्मा विश्वासियन के ई सभे काम के करे ला मजबूत करे के काम करऽ हे। खाली एक ही गो पवित्र आत्मा हथन, आउर ओही फईसला ले हथन कि सभे विश्वासी के द्वारा खास तौर से कईसे काम करे ला हे।12हम मानऽ ही कि एगो आदमी के देह एक साथे, मिल के बनल हे बाकि देह में बड़ी सा अंग होवऽ हे। येहिगुने, ओखनी सभे देह के अंग, एक साथे मिल के एगो देह के निर्माण कर हे, ई मायने नऽ रखऽ हे कि ऊ केतना हे। येही रीति से हम मसीह के बारे में सोच सकली हे।13अखनी परमेश्वर हमरा एतना करीबी से एक साथे जोड़लन हे कि जईसे हम एक्केगो गो देह ही। ई तब घटित होल जखनी लोग हमरा बपतिस्मा देलन आउर ओकर फलस्वरूप हमरा परमेश्वर के आत्मा मिल गेल। हमनी ई एगो देह के निर्माण कर ही जबकि हमनी में से कुछ यहूदी लोग हथन आउर बाकि गैरयहूदी लोग हथन आउर जबकि हमनी में से कुछ दास हथन आउर कुछ आजाद लोग हथन। ओकर अलावे, हमनी सभे ई एक्केगो गो आत्मा में अईसन सहभागी होली जईसे कि हमनी सभे एक्केगो गो कटोरा में से पियली हे।14जईसन कि तोहनी जान हऽ कि देह के कोई एगो अंग ही देह के निर्माण नऽ कर हे। बाकि, देह के निर्माण करे ला एकरा में देह के केतना अंग लगऽ हे।15जला सोच-विचार कर कि तोर गोड़ तोरा से बात करऽ हे, आउर बोलऽ हे, कि ऊ हाथ नऽ हे, काहेकि ऊ तोर देह से जुड़ल नऽ हे। ई कारण ओकरा तोर देह से जुड़ल होवे से अलग नऽ करत।16फिनो से, विचार करऽ कि तोर कान तोरा से बात करऽ हे, आउर ऊ बोलऽ हे कि ऊ आँख नऽ हे, काहेकि ऊ तोहर देह से जुड़ल नऽ हे। ई कारण ओकरा तोहर देह से जुड़ल होवे से अलग नऽ करऽ हे।17जला विचार करऽ कि खाली आँख ही तोर देह के बनावऽ हे। तऽ तोहनी कुछ भी सुन नऽ पईवऽ! विचार करऽ कि खाली कान ही तोर देह के बनावऽ हे। तऽ कुछ भी सूँघ नऽ पईवऽ!18बाकि जे देह के बारे में सच्चाई हे ऊ ई हे: कि परमेश्वर ई तय करलन कि देह के सभे अंग के कईसे काम करे ला हे, आउर ऊ एगो खास कारण से देह के सभे अंग के देह से जोड़लन।19विचार करऽ कि तोर देह के सभे अंग देह के एक ही किसीम के अंग होत। तब तोरा भीर देह नऽ होत हल!20बाकि जे देह के बारे में सच्चाई हे ऊ ई हे: देह के ढेरमनी अलग-अलग अंग होवऽ हे। जबकि, एक साथे मिल के ओखनी एगो देह के बनावऽ हे।21फिनो से विचार करऽ कि तोर देह के अंग बात कर सकल हे। आँख कभी भी हाथ से नऽ कहऽ हे, “हमरा तोर जरुरत नऽ हे।” येही रीति से, मुड़ी कभी गोड़ से नऽ कहतन, “हमरा तोर जरुरत नऽ हे।”22बलुक, जे सच हे ऊ ई हे कि देह के जौन अंग के हमनी नाजुक समझ ही ओही सचमुच में जरुरी होवऽ हे।23एकर बाद, हम देह के ऊ अंग के जादे इज्जत दे ही जेकरा हम कम कीमती समझ ही। हम अपन देह के बेकार अंगवन के साथे जादे कोमलता से बर्ताव करऽ ही,24बाकि हमनी अपन देह के कोमल अंगवन के साथे कोई खास तरह से बर्ताव नऽ करऽ ही। अंतिम में, ऊ परमेश्वर ही हथन जे देह के सभे अंग के एक देह में एक साथे रखलन हे, आउर ऊ कम कीमती अंगवन के जादे बेसकीमती बनावऽ हथन।25परमेश्वर अईसन येहिगुने करलन जेकरा से कि जेकरा से देह अलग-अलग अंग में बँट नऽ जाय। बदले एकर, देह के अंग के देह के दोसर अंग पर विशेष अधिकार नऽ दे हथन।26येहिगुने देह के एक अंग में दरद होवे पर देह के सभे अंग में दरद होवऽ हे। जखनी कोई देह के कोई अंग के बड़ाई कर हे तऽ देह के सभे अंग बड़ी खुशी मनावऽ हे।27हम ई सभे येहिगुने कहऽ ही काहेकि तोहनी सभे मसीह के देह के जईसन हे। तोहनी में से सभे ऊ देह में देह के अंग के जईसन हऽ।28ओकरे जईसन, परमेश्वर ऊ लोगवन के खास रूप से वरदान देलन हे जे उनकर आराधना कर हथन। पहिले कुछ लोग ऊ हथन जिनका परमेश्वर मसीह का प्रेरित करे ला भेजलन हे। दोसर कुछ लोग ओखनी हे जे भविष्यद्वक्ता हे। तिसरका कुछ लोग ऊ हे जे दोसरा विश्वासियन के शिक्षा दे हथन। एकर अलावे, कुछ लोग चमत्कार के काम करऽ हथन। कुछ लोग दोसरा के चंगा कर सकलन हे, कुछ विश्वासियन के मदत कर सकलन हे, विश्वासियन के झुण्ड के मार्गदर्शन कर सकलन हे चाहे अन्य भाषा बोल सकलन हे।29खाली कुछ ही अईसन विश्वासी हथन जिनका परमेश्वर मसीह के प्रेरिताई के काम करे ला भेजलन हे। जबकि कुछ ही परमेश्वर भविष्यद्वक्ता के काम करऽ हथन। कुछ ही दोसरा विश्वासियन के शिक्षा दे हथन। खाली कुछ ही चमत्कार के काम के करऽ हथन।30कुछ ही लोग के चंगा करे के वरदान। आउर कुछ लोग के अन्य भाषा बोल हथन। खाली कुछ ही ऊ अन्य भाषा का अनुवाद करऽ हथन।31अखनी हम चाहऽ ही कि तूँ खुशी से सभे से जादे फायदेमंद वरदान के खोज करऽ। एकर बाद, हम तोरा सभे से बढ़ियाँ काम के बारे में बतायेम जेकरा तूँ कर सकलऽ हे।
Bridge Connectivity Solutions Pvt. Ltd.