1 Corinthians11
1जे हम करऽ ही ओही करऽ, ठीक ओईसहीं जईसे हम ओही करऽ ही जे यीशु मसीह करलन हल।2हम तोहनी के बड़ाई येहिगुने करली काहेकि तोहनी हमेशा ओकरा पर विचार करऽ हऽ जे हम सिखावऽ आउर करऽ ही आउर काहेकि तोहनी धियानपूर्वक विश्वास करलऽ आउर ऊहें करऽ हऽ जे शिक्षा हम तोरा विश्वास करे आउर वर्ताव करे ला देली।3हम तोरा से कहऽ ही कि हर एगो मरद मसीह के ओर से आवऽ हे। एगो औरत अपन मरद के ओर से आवऽ हे। आखिर में, मसीह परमेश्वर के ओर से आवऽ हथन।4शायद पुरुष लोग सार्वजनिक प्रार्थना करते घड़ी चाहे परमेश्वर के कहल वचन के भविष्यद्वाणी करते घड़ी अपन माथा झाँकऽ हथन। जे अईसन करऽ हथन ओखनी ऊ आदमी के लज्जित करऽ हथन जिनका ओर से ओखनी आवऽ हथन: मतलब कि मसीह के।5अखनी शायद औरतियन प्रार्थना करे समय चाहे भविष्यद्वाणी करते समय अपन माथा उघारे रखऽ हे। जे अईसन करऽ हे ओखनी ऊ लोगवन के लज्जित करऽ हे जिनका ओर से ओखनी आवऽ हथन: मतलब कि अपन मरद के। तोहनी कह सकलऽ हऽ कि ई सच हे, काहेकि जे औरत अपन माथा उघारे रखऽ हे ओखनी ऊ औरत के सामान होवऽ हे जेकर बाल कोई मुड़ देलन हे। 6काहेकि जदि कोई औरत अपन माथा नऽ झाँके, तऽ ऊ अपन बाल भी कटवा लेवे। बाकि जदि कोई औरत लागी अपन बाल कटवा लेवे लागी चाहे मुड़वा लेवे लागी शर्म के बात हे, तऽ ऊ अपन माथा झाँक लेवे।7एकर बदले, एक ओर तऽ मरद के अपन सिर के येहिगुने नऽ झाँके के चाही, काहेकि ऊ परमेश्वर स्वरूप आउर प्रतिनिधित्व करऽ हथन आउर उनकर इज्जत करऽ हथन। दोसरका तरफ, मेहरारूवन के अपन माथा येहिगुने झाँके के चाही, काहेकि ऊ अपन मरद के महिमा करऽ हथन।8तोहनी कह सकलऽ हे कि ई सच हे काहेकि परमेश्वर मरद आदम के औरत हव्वा से नऽ बनईलन। एकर बदले, ऊ हव्वा औरत के मरद आदम से बनईलन। 9एगो आउर तरीका जेकरा से तोहनी बता सकलऽ हे कि ई सच हे काहेकि परमेश्वर औरत हव्वा लागी मरद आदम के नऽ बनईलन। एकर बदले, ऊ पुरुष आदम लागी औरत हव्वा के बनईलन। 10काहेकि मेहरारूवन अपन मरदवन का इज्जत करऽ हे येहिगुने, औरतियन के ओकरा पर अधिकार रखे के चाही जे ओखनी अपन माथा में पेहनऽ हे। शक्तिमान स्वर्गदूतवन के कारण उनका अईसन करे के भी चाही। 11ई सभे के बावजूद, जखनी प्रभु आदमियन के मसीह के साथे एक साथे कर हथन तऽ औरतियन के वजूद मरद के बेगर नऽ हे। आउर मरद के वजूद औरतियन के बेगर नऽ हे।12सही में, जबकि औरत हव्वा पुरुष आदम से निकललन, तऽ मरद के बुनियाद खाली येहिगुने हे काहेकि औरतियन उनका जनम देलन काहेकि, मरद आउर औरतियन के साथ, जे कुछ वजूद हे ऊ परमेश्वर के ओर से आवऽ हे।13तोहनी खुद फईसला करऽ कि जे औरत अपन माथा के झाँकले बेगर परमेश्वर से प्रार्थना करऽ हे, ओखनी सही काम करऽ हे कि नऽ। 14जईसे हालत हे ओकरा देखे के तोहनी सीखे सकलऽ हे कि आदमियन के लम्बा बाल रखे ला अपमानजनक हे।15जबकि, तोहनी चिजवन के देखे के तौर तरीका से भी पता कर सकलऽ हे कि औरतियन ला लम्बा बाल रखे ला महिमा के बात हे। अईसन येहिगुने हे काहेकि परमेश्वर औरतियन के ओकरा बाल देलन हे, जे ओकर माथा के ओढ़नी के काम करऽ हे।16अखनी जदि कोई आदमी हमरा द्वारा कहल गेल बात के बारे में चर्चा करे ला सोचऽ हे, नऽ तऽ हम आउर नऽ परमेश्वर के कलीसिया औरतियन के उनकर माथा के, जखनी ओखनी प्रार्थना चाहे भविष्यद्वाणी करऽ हे, खुलल रखे के इजाजत दे हथन।17अखनी हम तोरा एगो दोसर विषय के बारे में निर्देश देवे जा रहली हे, आउर हम ई क्षेत्र में तोहनी के बड़ाई नऽ कर सकली हे हम तोहनी के बड़ाई येहिगुने नऽ कर सकली हे, काहेकि जखनी तोहनी साथी विश्वासियन के जौरे जमा होवऽ हऽ तऽ तूँ ओकरा मदत करे के बदले साथी विश्वासियन के हानि पहुँचावऽ हऽ।18पहिला बात जेकरा बारे में हम बात करम ऊ ई हे कि: कुछ लोग हमरा से कहलन हे कि जखनी तोहनी परमेश्वर के आराधना करे ला साथी विश्वासियन के रूप में कलीसिया में जमा होवऽ हे तऽ तोहनी विरोधी में बँट जा हऽ। हम विश्वास करऽ ही कि ई थोड़ा बड़ी सच हे।19हम एकरा पर येहिगुने विश्वास करऽ ही काहेकि तोहर समाज में गुटबन्दी होवे ला जरुरी हे। ई रीति से, सभे लोग पर ई साफ हो सकली हे कि तोहर समाज में से परमेश्वर अपना ला केकरा स्वीकारयोग्य मानऽ हथन।20ई बँटवारा के चलते, तोहनी सचमुच में ऊ समय प्रभु भोज नऽ खा रहलऽ हे जखनी तोहनी साथी विश्वासियन के जौरे एकरा खाय लागी एक साथे जमा होवऽ हऽ।21तोहनी के भोज के दौरान, कुछ आदमी दोसरा के कुछ पावे से पहिले ही अपन खुद के भोजन खा जा हे। अईसहीं कुछ आदमी के खाय के लागी भर पेट नऽ मिल हे, जबकि कुछ आदमी नशा में धुत्त हो रहलन हे।22तोहनी अपन घरे में भी भोजन खा सकलऽ हे आउर दाखमधु पी सकलऽ हे, एकरा बावजूद भी तोहनी ई तरीका से व्यवहार करऽ हऽ। एकर बदले तोहनी परमेश्वर के कलीसिया के तिरस्कार करे ला चाहऽ हऽ। खास तौर से, तोहनी ऊ आदमी के लज्जित करऽ हऽ जिनका भीर तोरा से कम हे। तोरा पहिले से ही पता होवे के चाही कि हम तोरा से का कहम। हम ई काम के करे ला तोहर बड़ाई नऽ करे जा रहली हे। हम जरुर अईसन नऽ करम!23जखनी यहूदा प्रभु यीशु के ऊ अधिकारियन के हाथ में सौंपलन, जिनका ऊ मार देलन, ऊ रात के बारे में जे कुछ हम प्रभु से जानली, ऊ हम तोरा पहिले ही बता देली हे। ऊ रात, यीशु एगो रोटी लेलन।24ओखनी ऊ ऊ रोटी लागी परमेश्वर के धन्यवाद देलन, आउर फिन ओकरा टुकड़ा-टुकड़ा तोड़लन जेकरा से उनकर चेलवन खा सकतन। फिन ऊ कहलन, “ई रोटी हमर देह हे, जेकरा हम तोरा लागी सौंप रहली हे। हम जे करली हे ओकरा याद करिहऽ जेकरा से तोरा याद रहत कि हम खुद के तोरा ला कईसे सौंप रहली हे।”25जईसे ऊ रोटी लेलन ओईसहीं ऊ ओकर भोज खा लेवे के बाद दाखरस के कटोरा भी लेलन। ऊ कहलन, “ई दाखरस के कटोरा हमर लहू में नया वाचा हे जेकरा हम शुरु कर रहली हे। जखनी भी तोहनी ई दाखरस के कटोरा में से पियहऽ, तऽ जे हम करली ओकरा याद करिहऽ, जेकरा से तोरा याद रहे कि हम खुद के तोरा ला कईसे अरपन कर रहली हे।” 26एकर मतलब ई हे कि जहिया ला प्रभु वापस नऽ अईतन, ऊ समय ला जब कभी भी ई रोटी के खईहऽ आउर ई कटोरा से दाखरस पीके तोहनी प्रभु भोज में भाग ले हऽ, तऽ तोहनी ऐलान करऽ हऽ कि प्रभु के मौत हो गेल।27येहिगुने फिनो, प्रभु भोज में शामिल होते घड़ी, शायद ई तरीका से रोटी खईतन चाहे कटोरा से दाखरस पियतन जेकरा से मसीह के अपमान होल। परमेश्वर एकरा ला उनका जबाबदेह ठहरईतन जईसे ओखनी प्रभु के देह आउर उनकर लहू के खिलाफ काम करलन हे।28एकरा से बचे ला, विश्वासियन के सावधानी से जाँचे समझे के चाही कि ओखनी कईसन बर्ताव कर रहलन हे। ओकरा बाद, ओखनी रोटी खा सकलन हे हथन आउर कटोरा से दाखरस पी सकलन हे।29तोरा होशियारी से सोचे के चाही कि तोहनी कईसन भेद भाव कर रहल हे, काहेकि कुछ आदमी प्रभु भोज के दौरान खा पियऽ तऽ हथन जबकि ई नऽ पछान हथन कि परमेश्वर भक्त विश्वासी के प्रभु के साथे एतना करीब से एकजूट करलन हे कि जईसे ऊ प्रभु के देह हथन। प्रभु भोज के दौरान लोग जईसन खा आउर पियऽ हथन, एकरा नतिजतन परमेश्वर उनका सजा देतन।30काहेकि तोहर समाज के लोग अईसन गलत तरीका से ई काम करलन हे कि, ओखनी में से बड़ी सा तऽ बेमार पड़ गेलन आउर ओखनी में से कुछ के मौत हो गेल हे।31येहिगुने हम विश्वासियन के सचमुच में सावधानी से फईसला करे के चाही कि प्रभु भोज में भाग लेवे से पहिले हमनी कईसन भेद भाव कर रहली हे। तऽ परमेश्वर हमनी के दण्ड नऽ देतन।32जबकि जखनी प्रभु हमनी के दंड देतन तऽ ऊ हमरा प्रशिक्षित करे ला अईसन करऽ हथन। ई रीति से, जखनी परमेश्वर संसार के साथे दोषी ठहरावऽ हथन जे मसीह में विश्वास नऽ करऽ हथन, तखनी परमेश्वर ओकरा में हमरा शामिल नऽ करऽ हथन।33अन्त में हे हमर साथी विश्वासियन, जखनी तोहनी प्रभु भोज खाय ला जमा होवऽ हऽ, तऽ तोरा तब तक खाय ला शुरु नऽ करे के चाही जब तक कि सभे कोई के खाय पिये ला नऽ मिल जाय।34कोई भी आदमी जे एतना भूखायेल हथन कि सभे के खाय पिये ला मिले से पहिले ही खायला शुरु कर दे हथन उनका अपन घरे में ही खा लेवे के चाही। अईसे, जब तोहनी अपन साथी विश्वासियन के साथे में एक जगह होवऽ हऽ, तऽ परमेश्वर तोरा सजा नऽ देतन। हम ऊ सभे कुछ नऽ कहली जे हमरा कहे के जरुरत हे। काहेकि, जब कभी हम तोहनी से मिले आयेम, तऽ हम ऊ बात के बारे में सलाह देम।
Bridge Connectivity Solutions Pvt. Ltd.