1 Timote6
1Pimiikan pa púlooŋ kéeyinane ka, kañaŋaa hítuulu ñíhampaatiin ña pakateyii meemak. Ancuk an timpi ateñal caacaw ca citi Pútuun pa, niŋ eeha nuukalaŋanaa ha pakan paka.2Pimiikan pa keetaake ka ñíhampaatiin kéeyinane ti Eenucee ya, kañaŋutii káawiiniyan, kamma nkayem kéeyinane. Pale kañaŋii páhin pihaŋ toko, kaatuko payenka nkáhine ka nafaa kéeyinane, apan kálafiyiilafi meemak. Kincaam niŋ hisaanumate hiti pánipani
Eehuu aññaŋe kakalaŋan pakan paka iŋŋiino ho.3Taakaataako pakan payenka nkakalaŋan heekufut niŋ eehe, apan nkapook kilim ka kiti tooñaa ya kéefulii ka ti Ateeteyo Yéesu Krista ati unaa, niŋ pakalaŋanal pa peenapoole pa niŋ pítin pa piti Pútuun pa.4Payenkuu kéeseepinooliye apan kámiit waah. Píñakalool niŋ pílaacinool piti kilim umpa teyii samat nii káakuuñu. Eehuu níhicoopii pasowe, páhaŋool, pisaan niŋ pámiiloolal peenaput ti pakakee paka.5Píñakalool pa piteyii niŋ pakan paka pipayantoo múk. Kunuuwii keepaana, apan nkápuul tooñaa ya. Cukiicuk nii káyinan ti Pútuun pa káasiiŋuma keenape kiti hitaaku hícump mañ.6Pale pánipani káyinan ti Pútuun pa niŋ hilehu ti aŋa antaake ya, hitaaku henfakat.7Kaatuko úkeyyootaa ti púlunta pe niŋ waah cántum, apan uyinaataa lompo kaacoopool waah niŋ uketaa.8Ooto niŋ utaakaa paliyal niŋ pásooliyal, aŋuu efomaa.9Pale kéelafiye ka hisaanumate ha hiteyii hipifom, nkáluuŋoluuŋo nkanow ti hikuucu niŋ ti hícump pálafi peesoŋiye apan mpukuum, empa mpútunk pakan ti púpuco niŋ épucaloolo.10Kaatuko pálafi mañ ayem hínkonk hiti heenaput óo heenaput. Pakakee paka nkahiliikan-hiliikan ti mañ fo nkalinco ti káyinan ka, fiye nkawasoolo hícump kúnuul.11Pale awe Timote, awe áyiin ati Pútuun pa, tey waah wa weenaput ewwuu púlooŋ. Ŋes piyeno an eecoonoole, wen samat nii fa Pútuun pa mpílafiye fa, taak káyinan, láfi pakan paka, mukut, apan ínsuumanani.12Kam hikam ha heenape ha hiti káyinan ka. Cok kíp ti eloŋ ya eepayantoo ya, kaatuko teyyo Pútuun pa mpiyonkaluu, apan áakupaakup pinap kiti eloŋ ya eepayantoo ya eyyuu hátikin hícump pakan.13Inci oopa ti hisokuyi eehe hátikin Pútuun pa, empa mpuwufan pa waah óo waah eloŋ, niŋ hátikin Yéesu Eenucee ya éekupe ya pinap kiti káyinan ka kiteyoo hátikin Pons Pilaat:14túul hilim ha hiti Pútuun pa pántoon, ancuk an timpi awatani ti waah fo ta Ateeteyo Yéesu Krista ati unaa áfaañohoonii ta.15Pútuun pa éfipiñahaniyoo ti caanak enca mpucoke ca. Pikina peesampanee pa mpíyemi kóŋ ati Hikaw ha, Amansa ya ati pumansa pa niŋ Ahámpaatiin a ati ñíhampaatiin ña.16Pikina lamma piketantoo. Mpikin ti ecaaŋ eyya an naayinaat hilohu. An ataapala acuk po, an lompo ayinaat po hicuku. Pútuun pa éfipimakiyanee, apan sempe etempo efisiyeno fo cancowiyaaw! Amíini.17Sok kusaanum ka pakati púlunta empe timpi káseepinoolo, timpi lompo kanaŋ cíki ya eteyii ti hisaanumate eeha ammeya nii etihikelan, pale kanaŋ cíki ya eteyii ti Pútuun pa, peewufane pa unaa waah óo waah pihaŋ toko ancuk kati utaakaa pásuuma.18Sokii káhin heenape, nkayeno kusaanum ti pawenal peenape, nkayeno pakan kéelafiye kawun niŋ káapaacinool waah wa uteyii niŋ pakakee paka.19Niŋ káhinaa eehuu, efikaconcenool faŋii hisaanumate, níhiyemi émankuma eenape eti kacom, ancuk nkáyini hitaaku eloŋ eti páni.20Timote, faas eeha Pútuun pa mpuñomanuu ha. Láaŋ kilim keetaakut nafaa, keenapoolut niŋ hítuulu Pútuun pa. Kucukaacuk nii keecohatiye pale kineetaat.21Pakakee paka kayesanaayesan pusonii káyinan ka ti kanapan kilim enkuu.
Alímaati Pútuun pa pisampan aluu púlooŋ.
Eehuu aññaŋe kakalaŋan pakan paka iŋŋiino ho.3Taakaataako pakan payenka nkakalaŋan heekufut niŋ eehe, apan nkapook kilim ka kiti tooñaa ya kéefulii ka ti Ateeteyo Yéesu Krista ati unaa, niŋ pakalaŋanal pa peenapoole pa niŋ pítin pa piti Pútuun pa.4Payenkuu kéeseepinooliye apan kámiit waah. Píñakalool niŋ pílaacinool piti kilim umpa teyii samat nii káakuuñu. Eehuu níhicoopii pasowe, páhaŋool, pisaan niŋ pámiiloolal peenaput ti pakakee paka.5Píñakalool pa piteyii niŋ pakan paka pipayantoo múk. Kunuuwii keepaana, apan nkápuul tooñaa ya. Cukiicuk nii káyinan ti Pútuun pa káasiiŋuma keenape kiti hitaaku hícump mañ.6Pale pánipani káyinan ti Pútuun pa niŋ hilehu ti aŋa antaake ya, hitaaku henfakat.7Kaatuko úkeyyootaa ti púlunta pe niŋ waah cántum, apan uyinaataa lompo kaacoopool waah niŋ uketaa.8Ooto niŋ utaakaa paliyal niŋ pásooliyal, aŋuu efomaa.9Pale kéelafiye ka hisaanumate ha hiteyii hipifom, nkáluuŋoluuŋo nkanow ti hikuucu niŋ ti hícump pálafi peesoŋiye apan mpukuum, empa mpútunk pakan ti púpuco niŋ épucaloolo.10Kaatuko pálafi mañ ayem hínkonk hiti heenaput óo heenaput. Pakakee paka nkahiliikan-hiliikan ti mañ fo nkalinco ti káyinan ka, fiye nkawasoolo hícump kúnuul.11Pale awe Timote, awe áyiin ati Pútuun pa, tey waah wa weenaput ewwuu púlooŋ. Ŋes piyeno an eecoonoole, wen samat nii fa Pútuun pa mpílafiye fa, taak káyinan, láfi pakan paka, mukut, apan ínsuumanani.12Kam hikam ha heenape ha hiti káyinan ka. Cok kíp ti eloŋ ya eepayantoo ya, kaatuko teyyo Pútuun pa mpiyonkaluu, apan áakupaakup pinap kiti eloŋ ya eepayantoo ya eyyuu hátikin hícump pakan.13Inci oopa ti hisokuyi eehe hátikin Pútuun pa, empa mpuwufan pa waah óo waah eloŋ, niŋ hátikin Yéesu Eenucee ya éekupe ya pinap kiti káyinan ka kiteyoo hátikin Pons Pilaat:14túul hilim ha hiti Pútuun pa pántoon, ancuk an timpi awatani ti waah fo ta Ateeteyo Yéesu Krista ati unaa áfaañohoonii ta.15Pútuun pa éfipiñahaniyoo ti caanak enca mpucoke ca. Pikina peesampanee pa mpíyemi kóŋ ati Hikaw ha, Amansa ya ati pumansa pa niŋ Ahámpaatiin a ati ñíhampaatiin ña.16Pikina lamma piketantoo. Mpikin ti ecaaŋ eyya an naayinaat hilohu. An ataapala acuk po, an lompo ayinaat po hicuku. Pútuun pa éfipimakiyanee, apan sempe etempo efisiyeno fo cancowiyaaw! Amíini.17Sok kusaanum ka pakati púlunta empe timpi káseepinoolo, timpi lompo kanaŋ cíki ya eteyii ti hisaanumate eeha ammeya nii etihikelan, pale kanaŋ cíki ya eteyii ti Pútuun pa, peewufane pa unaa waah óo waah pihaŋ toko ancuk kati utaakaa pásuuma.18Sokii káhin heenape, nkayeno kusaanum ti pawenal peenape, nkayeno pakan kéelafiye kawun niŋ káapaacinool waah wa uteyii niŋ pakakee paka.19Niŋ káhinaa eehuu, efikaconcenool faŋii hisaanumate, níhiyemi émankuma eenape eti kacom, ancuk nkáyini hitaaku eloŋ eti páni.20Timote, faas eeha Pútuun pa mpuñomanuu ha. Láaŋ kilim keetaakut nafaa, keenapoolut niŋ hítuulu Pútuun pa. Kucukaacuk nii keecohatiye pale kineetaat.21Pakakee paka kayesanaayesan pusonii káyinan ka ti kanapan kilim enkuu.
Alímaati Pútuun pa pisampan aluu púlooŋ.
Wycliffe Bible Translators, Inc.