1 Kolint9
1Fo inci yinaat íhinu héesuumaam samat nii pakakee kéeyinane ka? Fo inci neetaat apoñapoñ? Fo inci cukut Yéesu Ateeteyo ati unaa? Fo páhin pa putoom tom púcoopii aluu ti pítin pa piti Ateeteyo?2Pakakee paka kapookaampook hicoku nii apoñapoñ ati Ateeteyo, ántuŋ ti aluu inci apoñapoñ! Páawoo aluu níyenooniyoo-yeno oonool niŋ Ateeteyo, eehuu híyisanaayisan niŋ pánipani nii inci apoñapoñ.3Inci fiye fañahan keenookaam ka:4Fo unii uñaŋut hitaaku paliyal niŋ palaanal kamma páhin empa núuhine pa ti aluu?5Fo uyinaat hitaaku pakaal kéeyinane payenka efinuucoopool ti kaakaawool ka kiti unii samat nii pakakee pupoñapoñ pa niŋ Ateeteyo Yéesu pakatuwoo niŋ Piyeer fa nkáhin fa?6Niŋ fotom, fo inci niŋ Barnabas lamma uñaŋe páhin ti hásuwat unii kati utaak paliyal?7Fo pusoocaali nkacooyoolo-cooyoolo ti páhin pa piteyii? Fo an afaasuk kaakit atali ti papukal etenko? Niŋ fotom fo afaasa atalaan ti miin púlukuleen pa?8Fo héefulii ti an inci iyyem ti hisoku? Fo hilim ha heesiiŋanee ha hiti Móyiis hisokut moonool muu?9Kaatuko kiiceekiic ti hilim ha heesiiŋanee ha hiti Móyiis nii: “Timpi cenk putum híciin heeyem ti ekak uli.” Ta Pútuun pa mpusoke ta eehuu, fo kiti híciin ha mpímiiloole?10Haani, unaa uwune mpusok ho. Ee, eehe hikiiceekiic kaatuko aŋa eeyem ya ti piya niŋ aŋa eeyem ya ti ekak uli kañaŋaa hitaaku cíki nii efikasa himpaac ti kaamaañ ka.11Unii usukaasuk ti pututa aluu waah wéefulii ti Kunuu ka keenape ka; ooto niŋ ucakanaa aluu paliyal niŋ palaanal, fo umuusanaa-muusan?12Niŋ pakakee kayina hitaaku waah ti aluu, fo unii uñaŋut hitaaku pihaŋ toko?
Pale ucakanantoo ho. Páni, umukutaamukut waah óo waah ancuk ekooŋan ya éesuume ya eti Eenucee ya timpi emimanee.13Nímeyimeyi nii payenka nkáhin ka lati ekumpaan ya enfakat ya eti Pútuun pa, nkataaktaak paliyal pa piteyii ti waah ewwa pakan paka nkácoopii wa; payenka nkawaaseen ka ti kaaciin ka kiti Pútuun pa, nkataaktaak lompo himpaac ha hiteyii ti púlukuleen pa peewaaseenee pa toko.14Eehuu lompo Ateeteyo naasoke ti kiti payenka nkátuunan ka ekooŋan ya éesuume ya; kañaŋaa hitaaku paliyal pa piteyii pínapii ti ekooŋan ya éesuume ya.15Pale inci hínut waah ewwuu púlooŋ; apan niŋ inci kiicaa aluu fiye, neetaat ti hisoku aluu niwufanam waah. Inci ti pámiiloolalam, fisaka piket le niŋ an afaakitam eeha immaayoolo ha teeho.16Inci maayooliit kamma íntuunan ekooŋan ya éesuume ya. Aŋuu páhin empa Pútuun pa mpitiyanaam. Inci ñanee niŋ túunanut yo!17Niŋ inci tiyanooliye páhin empuu, Pútuun pa anti pucooyam. Pale páawoo Pútuun pa pitiyanaam po, ooto íhinu eeha mpitiyanaam ha lamma iyyaake.18Fiye weyme uyem cooy ya etoom? Ekina eyem káatuunan ka kiti ekooŋan ya éesuume ya haahaw, inci peeŋesut hitaaku waah ewwa átuunana ekooŋan ya éesuume ya naañaŋe wa hitaaku.19Inci neetaat amiikan ati an, yíniyini íhinu héesuumaam, pale ínhin faŋam amiikan ati pakan paka púlooŋ, ancuk íññakii hícump pakan ti Yéesu Krista.20Niŋ inci yeniyaa niŋ Pusuwif pa, ínhinhin samat nii poko ancuk kati yíniyii éñakii. Inci neetaat ti hilim ha heesiiŋanee ha hiti Móyiis, pale niŋ inci yeniyaa niŋ keeyem ka teeho, ínhinhin samat nii poko ancuk kati yíniyii éñakii.21Niŋ inci yeniyaa niŋ keeneetaat ka Pusuwif, keetaakut ka hilim ha heesiiŋanee ha hiti Móyiis, ínhinhin samat nii poko, kati yíniyii éñakii. (Inci sokut nii katanaakatan hilim ha hiti Pútuun pa, haani, inci túulaatuul hilim ha hiti Eenucee ya.)22Niŋ inci yeniyaa niŋ kéetuuniit ka ti káyinan ka kiteyii ti Eenucee ya, ínhinhin samat nii poko, kati yíniyii éñakii. Inci yenaayeno waah óo waah ti pakan paka púlooŋ, ancuk fan óo fan incuke íyyini kafakan pakakee teyii.23Eehuu púlooŋ ínhin kamma ekooŋan ya éesuume ya, kati taak himpaac ti kaasampan eteyyo.24Nímeyimeyi nii, niŋ pakan kañaŋa pítikinool katey, piteya pa púlooŋ nkatey, pale eeheeke ya lamma nacoop panteeloo ya. Ooto nitey ancuk nisayaa yo.25Payenka nkatey ka katey kiti pítikinool, niŋ fotom esuum, nkátikintikin kamemanoolo meemak. Nkáhinhin eehuu kati kataak panteeloo eefiyyantoo. Pale unii núuhinhin ho kati utaak panteeloo eti cancowiyaaw.26Ekina ewune teyantoo samat nii ateya eeyem ti katey fáafiyaaw; suumantoo lompo samat nii asuuma eeyem ti hicoku fan óo fan.27Pale inci inkallankallan eniinam, épiyenoonii amiikanam, ancuk Pútuun pa timpi pusokam nii etitaak kaasampan ka kiti ekooŋan ya éesuume ya, háati fa inci íntuunane yo fa pakakee paka.
Pale ucakanantoo ho. Páni, umukutaamukut waah óo waah ancuk ekooŋan ya éesuume ya eti Eenucee ya timpi emimanee.13Nímeyimeyi nii payenka nkáhin ka lati ekumpaan ya enfakat ya eti Pútuun pa, nkataaktaak paliyal pa piteyii ti waah ewwa pakan paka nkácoopii wa; payenka nkawaaseen ka ti kaaciin ka kiti Pútuun pa, nkataaktaak lompo himpaac ha hiteyii ti púlukuleen pa peewaaseenee pa toko.14Eehuu lompo Ateeteyo naasoke ti kiti payenka nkátuunan ka ekooŋan ya éesuume ya; kañaŋaa hitaaku paliyal pa piteyii pínapii ti ekooŋan ya éesuume ya.15Pale inci hínut waah ewwuu púlooŋ; apan niŋ inci kiicaa aluu fiye, neetaat ti hisoku aluu niwufanam waah. Inci ti pámiiloolalam, fisaka piket le niŋ an afaakitam eeha immaayoolo ha teeho.16Inci maayooliit kamma íntuunan ekooŋan ya éesuume ya. Aŋuu páhin empa Pútuun pa mpitiyanaam. Inci ñanee niŋ túunanut yo!17Niŋ inci tiyanooliye páhin empuu, Pútuun pa anti pucooyam. Pale páawoo Pútuun pa pitiyanaam po, ooto íhinu eeha mpitiyanaam ha lamma iyyaake.18Fiye weyme uyem cooy ya etoom? Ekina eyem káatuunan ka kiti ekooŋan ya éesuume ya haahaw, inci peeŋesut hitaaku waah ewwa átuunana ekooŋan ya éesuume ya naañaŋe wa hitaaku.19Inci neetaat amiikan ati an, yíniyini íhinu héesuumaam, pale ínhin faŋam amiikan ati pakan paka púlooŋ, ancuk íññakii hícump pakan ti Yéesu Krista.20Niŋ inci yeniyaa niŋ Pusuwif pa, ínhinhin samat nii poko ancuk kati yíniyii éñakii. Inci neetaat ti hilim ha heesiiŋanee ha hiti Móyiis, pale niŋ inci yeniyaa niŋ keeyem ka teeho, ínhinhin samat nii poko ancuk kati yíniyii éñakii.21Niŋ inci yeniyaa niŋ keeneetaat ka Pusuwif, keetaakut ka hilim ha heesiiŋanee ha hiti Móyiis, ínhinhin samat nii poko, kati yíniyii éñakii. (Inci sokut nii katanaakatan hilim ha hiti Pútuun pa, haani, inci túulaatuul hilim ha hiti Eenucee ya.)22Niŋ inci yeniyaa niŋ kéetuuniit ka ti káyinan ka kiteyii ti Eenucee ya, ínhinhin samat nii poko, kati yíniyii éñakii. Inci yenaayeno waah óo waah ti pakan paka púlooŋ, ancuk fan óo fan incuke íyyini kafakan pakakee teyii.23Eehuu púlooŋ ínhin kamma ekooŋan ya éesuume ya, kati taak himpaac ti kaasampan eteyyo.24Nímeyimeyi nii, niŋ pakan kañaŋa pítikinool katey, piteya pa púlooŋ nkatey, pale eeheeke ya lamma nacoop panteeloo ya. Ooto nitey ancuk nisayaa yo.25Payenka nkatey ka katey kiti pítikinool, niŋ fotom esuum, nkátikintikin kamemanoolo meemak. Nkáhinhin eehuu kati kataak panteeloo eefiyyantoo. Pale unii núuhinhin ho kati utaak panteeloo eti cancowiyaaw.26Ekina ewune teyantoo samat nii ateya eeyem ti katey fáafiyaaw; suumantoo lompo samat nii asuuma eeyem ti hicoku fan óo fan.27Pale inci inkallankallan eniinam, épiyenoonii amiikanam, ancuk Pútuun pa timpi pusokam nii etitaak kaasampan ka kiti ekooŋan ya éesuume ya, háati fa inci íntuunane yo fa pakakee paka.
Wycliffe Bible Translators, Inc.