Mark7
1หมู่นักบวชจั๋นสูง กับหมู่คูผู้สอนกฎปฏิบัติบางคนตี้มาจากเมิงเยรูซาเล็ม พากั๋นมาหาพะเยซู2หมู่เปิ้นหันลูกซิดบางคนของพะเยซู กิ๋นเข้าโดยบะได้ล้างมือ3(หมู่นักบวชจั๋นสูง และคนยิวตุ๊กคนจะบะกิ๋นเข้าจนกว่าจะได้ล้างมือตามปะเพณีตี้ปู่ทวดเยี๊ยะกั๋น4ตอนปิ๊กมาจากกาดหมู่เปิ้นก็ต้องเยี๊ยะพิธีจุ่มตั๋วเก่าก่อนตี้จะกิ๋นข้าว นอกจากนี้ ยังฮักษาปะเพณีอื่นๆแฮ๋มจะนักเช่น การล้างถ้วย เหยือก หม้อทองสัมฤทธิ์ และเก้าอี้สำลับกิ๋นข้าว)5ดังอั่นหมู่นักบวชจั๋นสูงและหมู่คูสอนกฎปฏิบัติหมู่นี้ซอยพะเยซูว่า “อะหยังลูกซิดของสูตึ๋งบะเยี๊ยะตามปะเพณีตี้สืบทอดกั๋นมาจากปู่ทวด อะหยังหมู่เปิ้นตึ๋งบะล้างมือก่อนกิ๋นเข้า”6พะอ๋งจึงอู้ว่า “อิสยาห์ผู้อู้แตนพะจ้าว อู้ฮื็อถูกต้องตึงหมู่หน้าซื่อใจ๋คดอย่างโบ๋สูตี้ว่า‘คนหมู่นี้นับถือเฮาแต่ปากเท่าอั่นแต่ใจ๋ของหมู่เปิ้นห่างไกลจากเฮาจะนัก7จึงบะมีปะโยชน์ตี้เปิ้นจะบูชาเฮาเพาะว่าสิ่งตี้เปิ้นสอนกั๋นอั่นเป๋นแค่กฎตี้มนุษย์ตั้งขึ้น’8โบ๋สูบะเอาคำสั่งของพะจ้าว แต่กลับไป๋เยี๊ยะตามปะเพณีตี้มนุษย์สอนต่อๆกั๋นมา”9แล้วพะเยซูอู้แฮ๋มว่า “โบ๋สูนี่เข้าใจ๋หลีกเลี่ยงคำสั่งของพะจ้าว ฮื๊อจะได้ไป๋เยี๊ยะตามปะเพณีตี้สืบทอดกั๋นมา10โมเสสสอนว่า ‘ฮื๊อเคารพนับถือป้อแม่ของตน’ และ ‘คนตี้สาปแจ๊งป้อแม่ต้องต๋าย’11แต่โบ๋สูสอนว่าบะปิ๊ดตี้จะอู้ป้อแม่ว่า ‘สิ่งตี้ลูกจะจ้วยป้อแม่ได้อั่น ลูกได้ยกฮื๊อกับพะเจ๊าไป๋เมิ๊อดแล้ว’12เยี๊ยะจะอี้เท่ากับว่าโบ๋สูสอนเปิ้นบะฮื๊อจ้วยเหลือไอหยังป้อแม่13จะหนี้โบ๋สูได้ยกเลิกพะคำของพะจ้าว แต่ไป๋เยี๊ยะตามปะเพณีตี้สืบทอดกั๋นมา และโบ๋สูยังเยี๊ยะจะอี้กับแฮ๋มหลายๆเรื่องตวย”14พะอ๋งฮ้องหมู่คนหลายเข้ามา และอู้ว่า “ฟังฮื๊อดีๆและเข้าใจ๋ซะตวยว่า15บะมีไอยั๋งตี้คนกิ๋นเข้าไป๋แล้ว เยี๊ยะฮื๊อเปิ้นสกปรกในสายตาพะจ้าว มีแต่สิ่งตี้ออกมาจากข้างในตั๋วเปิ้นเท่าอั่น ตี้จะเยี๊ยะฮื๊อเปิ้นสกปรกในสายตาพะจ้าว”16ไผมีหู ก็ฟังฮื็อดีๆ17หลังจากตี้พะเยซูแยกกับจาวเฮือนแล้ว พะอ๋งได้เข้าไป๋ในเฮือน หมู่ลูกซิดก็เข้ามาซอยเกี่ยวกับเรื่องคำที่พะอ๋งสอนอั่น18พะอ๋งอู้ว่า “โบ๋สูยังบะเข้าใจ๋แฮ๋มจะได๋ บะมีไอหยังหรอกตี้คนกิ๋นเข้าไป๋แล้วจะเยี๊ยะฮื๊อเปิ้นสกปรกในสายตาพะจ้าว19เพาะว่ามันบะได้เข้าไป๋ในจิตใจ๋ แต่มันต๋กลงไป๋ในท้อง แล้วก็ถ่ายออกมา” (ตี้พะอ๋งอู้จะอี้ ก็แสดงว่าเข้าตุ๊กชนิดสะอาดกิ๋นได้เมิ๊อด)20พะอ๋งก็อู้ต่อว่า “สิ่งตี้ออกมาจากตั๋วคนฮั่นแหละตี้เยี๊ยะฮื๊อคนสกปรกในสายตาพะจ้าว21เพาะว่าตี้ออกมาจากตั๋วก็ออกมาจากจิตใจ๋ และใจ๋นี่เองเป๋นตี้มาของความคึดจั๋วฮ๊าย ความปิ๊ดเยี๊ยะบ่ดี ผิดผัวผิดเมีย การลักขโมย การฆ่ากั๋น22การมีชู้ ความโลภ ความจั๋วต่างๆ การหลอกลวง ราคะตัณหา การอิจฉาริษยา การนินทาว่าฮ๊าย ความเย่อหยิ่งจองหอง และ ความโง่เขลา23สิ่งจั๋วฮ๊ายตึงมดนี้ออกมาจากข้างในและเยี๊ยะฮื๊อคนสกปรกในสายตาพะจ้าว”24พะเยซูจากตี้ฮั่นเข้าไป๋ยังเขตแดนเมิงไทระ แล้วพะอ๋งเข้าไป๋อยู่ในเฮือนหลังนึ่ง บะต้องการฮื๊อคนฮู๊ แต่ก็บะสามารถซ่อนตั๋วได้25แม่หญิงคนนึ่งตี้มีลูกหยิงตี้ถูกผีจั๋วสิงอยู่ฮู๊ว่าพะอ๋งมา เปิ้นจึงมากราบแทบตี๋นของพะเยซู26แม่หญิงคนนี้เป๋นคนกรีก เกิดตี้แคว้นฟีนีเซียในปะเทศซีเรีย เปิ้นมาขอฮ๊องฮื๊อพะเยซูจ้วยขับไล่ผีจั๋วตี้สิงลูกหยิงของเปิ้นอยู่27แล้วพะอ๋งอู้ว่า “มันบะถูกต้องตี้จะเอาเข้าของลูกๆไป๋โยนฮื๊อหมากิ๋น ต้องฮื๊อลูกๆกิ๋นอิ่มเสียก่อน”28แต่เปิ้นอู้ว่า “ใช่ค่ะตั้น แต่หมาก็ยังได้กิ๋นเศษเข้าของละอ่อนๆตี้ต๋กอยู่ใต้โต๊ะลุ”29พะอ๋งอู้ว่า “อู้ได้ดีจะนัก ปิ๊กไป๋เฮือนเถอะ เพาะว่าผีจั๋วได้ออกจากลูกหยิงสูแล้ว”30ตอนเปิ้นปิ๊กตึ๋งเฮือน ก็หันลูกหญิงนอนอยู่บนเตียง และผีจั๋วได้ออกไป๋แล้ว31พะอ๋งออกจากเขตแดนของเมิงไทระ และเตียวเลยเมิงไซดอน ฮื๊อจะไป๋ตี้ตะเลสาบกาลิลี โดยเลยตางแคว้นเดคาโปลิศ32มีคนพาป้อจายหูหนวกคนนึ่งตี้อู้บะค่อยได้มาหาพะเยซู หมู่เปิ้นขอฮ๊องฮื๊อพะอ๋งวางมือบนป้อจายคนนี้33พะอ๋งพาป้อจายคนนี้หลีกห่างไป๋จากผู้คน พะอ๋งเอานิ้วแยงเข้าไป๋ในหูของเปิ้น แล้วเอาน้ำลายตี้พะอ๋งบ้วนออกมาไป๋แตะตี้ลิ้นของเปิ้น34แล้วพะอ๋งเงยหน้าพ้อท้องฝ้า จากอั่นถอนใจ๋ยาว แล้วอู้กับป้อจายคนอั่นว่า “เอฟฟาธา” เป๋ว่า “เปิดออก”35หูของเปิ้นก็ได้ยินท้นเต้า และลิ้นของเปิ้นก็บะขัดและอู้ได้คล่องชัดเจน36พะอ๋งสั่งหมู่เปิ้นบะฮื๊อเล่าเรื่องหมู่นี้ฮื๊อไผฟัง แต่ยิ่งพะอ๋งสั่งห้ามจะนักเท่าไร หมู่เปิ้นก็ยิ่งร่ำลือกั๋นจะนักขึ้นเต้าอั่น37คนตี้ได้ยินก็ปะหลาดใจ๋จะนักและอู้ว่า “ตุ๊กอย่างตี้เปิ้นเยี๊ยะอั่นม่วนแต๊ๆขนาดคนหูหนวกยังเยี๊ยะฮื๊อได้ยิน และคนใบ้ยังเยี๊ยะฮื๊ออู้ได้”
Empower Asia Bible Translation Movement