Mark3
1พะเยซูเข้าไป๋ในตี้ปะชุมจาวยิวแฮ๋ม มีป้อจายมือลีบคนนึ่งอยู่ตี้ฮั่น2มีบางคนท่าจ้องยั๊บปิ๊ดพะอ๋งอยู่ เปิ้นกำลังพ้อว่าพะอ๋งจะฮักษาป้อจายมือลีบคนอั่นในวันยู๋ดตางศาสนาบ่ปะ3พะอ๋งอู้กับคนมือลีบว่า “มาตางหน้านิ”4แล้วพะอ๋งก็ซอยหมู่เปิ้นว่า “ตามกฎของวันยู๋ด เฮาควรจะเยี๊ยะดีหรือเยี๊ยะจั๋ว ควรจ้วยจีวิดหรือทำลายจีวิด” แต่หมู่เปิ้นดั๊ก5พะเยซูทั้งโกรธและเสียใจ๋จะนักตี้หมู่เปิ้นมีจิตใจ๋ดื้อด้าน พะอ๋งพ้อไป๋รอบๆแล้วอู้กับคนมือลีบว่า “ยืดมือออกมา” ป้อจายคนอั่นยืดมือออก แล้วมือของเปิ้นก็หายเป๋นปกติ6ตอนหมู่นักบวชจั๋นสูงหันอย่างอั่นก็รีบออกไป๋ข้างนอกฮื๊อวางแผนกับป้วกหมู่ของจ้าวแป่นดินเฮโรดหาตางฆ่าพะเยซู7พะเยซูไป๋ตี้ตะเลสาบกาลิลีกับหมู่ลูกซิด และมีคนจะนักติ๊ดต๋ามพะเยซูมา ทั้งจากแคว้นกาลิลี แคว้นยูเดีย8เมิงเยรูซาเล็ม เมิงเอโดม แคว้นต่างๆตี้อยู่เพิ่งต๋งข้ามแม่น้ำจอร์แดน และจากบริเวณรอบๆเมิงไทระและเมิงไซดอน เพาะว่าได้ยินตึ๋งเรื่องต่างๆตี้พะอ๋งเยี๊ยะ9เฮื่องจากคนมีจะนัก พะอ๋งจึงสั่งหมู่ลูกซิดฮื๊อเตี๋ยมเฮอฮื๊อพะอ๋งลำนึ่งฮื๊อกั๋นหมู่คนหลายบะฮื๊อมาเบียดเสียดพะอ๋ง10คนตี้เจ๋บไข้ต่างๆเบียดเสียดกั๋นเข้ามาฮื๊อยั๊บต้องพะอ๋ง เพาะว่าพะอ๋งได้ฮักษาคนเจ๋บจะนัก11ตอนได๋ก็ตามตี้หมู่ผีจั๋วหันพะอ๋ง หมู่มันก็จะก้มลงกราบ และเฮ็กซะว่า “ตั้นเป๋นลูกของพะจ้าว”12แต่พะอ๋งสั่งห้ามหมู่ผีจั๋วอย่างเด็ดขาดห้ามอู้คนอื่นว่าพะอ๋งเป๋นไผ13พะเยซูขึ้นไป๋บนดอยแห่งนึ่ง และฮ้องคนตี้พะอ๋งต้องการฮื๊อมาติดตามพะอ๋ง แล้วหมู่เปิ้นก็มา14ตึงมดมีซิบสองคน พะอ๋งแต่งตั้งทั้งซิบสองคนนี้ฮื๊อเป๋นลูกซิดเอกฮื๊อจะได้มาอยู่กับพะอ๋ง และพะอ๋งต้องการตี้จะส่งหมู่เปิ้นออกไป๋ตั๋นตวย15พะอ๋งฮื๊อหมู่เปิ้นมีอำนาจตี้จะขับไล่ผีจั๋วตวย16ลูกซิดทั้งซิบสองคนนี้มีจื้อว่าซีโมน คนตี้พะอ๋งตั้งจื้อใหม่ฮื๊อว่าเปโตร17ยากอบลูกของเศเบดีและยอห์นน้องของยากอบ ทั้งสองคนนี้พะอ๋งได้ฮื๊อจื้อใหม่ว่า โบอาเนอเย “ลูกฝ้าฮ๊อง”18อันดรูว์ ฟีลิป บารโธโลมิว มัทธิว โธมัส ยากอบ ลูกของอัลเฟอัส ธัดเดอัส ซีโมน ผู้มีใจ๋จดจ่อกับพะจ้าว19และยูดาสอิสคาริโอท ซึ่งคือคนตี้จะหักหลังพะเยซู20จากอั่นพะอ๋งปิ๊กเฮือน และหมู่คนหลายมายืนออกั๋นอยู่ตี้ฮั่นแฮ๋ม จนเยี๊ยะฮื๊อพะเยซูและลูกซิดเอกทั้งซิบสองคนบะมีกั๋นแม้แต่จะกิ๋นข้าว21ตอนเฮือนของพะเยซูได้ยินข่าวนี้ ก็พากั๋นมายั๊บตั๋วพะอ๋งปิ๊กเฮือน เพาะว่าคึดว่าพะอ๋งเป๋นบ้าไป๋แล้ว22มีหมู่คูสอนกฎปฏิบัติตี้มาจากเมิงเยรูซาเล็มอู้กั๋นว่า “เปิ้นถูกเบเอลเซบูล ตัวป้อผีเข้าสิง ก็ลุมีฤทธิ์ขับไล่ผีอื่นๆไป๋”23พะเยซูจึงฮ้องหมู่เปิ้นมาไก้ๆแล้วเล่าเรื่องเปรียบเทียบฮื๊อฟังว่า “ซาตานจะขับไล่ตั๋วมันเองได้จะได๋24ถ้าเมิงไดแต๋กแยกกั๋นเอง เมิงอั่นก็จะตั้งอยู่ต่อไป๋บะได้25หรือถ้าครัวเฮอนไดแต๋กแยกกั๋นเอง ครัวเฮอนอั่นก็จะตั้งอยู่บะได้26เช่นเดียวกั๋น ถ้าซาตานต่อสู้กับตั๋วมันเอง มันก็ตั้งอยู่บะได้ แต่ตึ๋งจุดจบแล้ว27แต๊ๆแล้ว บะมีไผบุกเข้าไป๋ปล้นเฮือนของคนตี้แต๊นได้ นอกจากจะมัดเจ้าของเฮือนตี้แต๊นอั่นฮื็อก่อนจึงจะปล้นข้าวของในเฮือนได้28เฮาจะอู้ฮื๊อฮู๊ว่า พะเจ๊าจะยกโต้ดฮื๊อกับความเยี๊ยะบ่ดีตุ๊กชนิดและคำหมิ่นปะมาทกุ๊กอย่าง29แต่พะเจ๊าจะบะมีวันยกโต้ดฮื๊อกับคนตี้อู้หมิ่นปะมาทพะวิญญาณบริสุทธิ์ คนตี้เยี๊ยะอย่างอั่นจะบะได้ฮับการอภัยตลอดไป๋”30ตี้พะอ๋งอู้จะอี้ก็เพาะว่ามีบางคนกล่าวหาว่าพะอ๋งมีผีจั๋วสิงอยู่31กั๋นอั่นแม่และน้องๆของพะอ๋งก็มาตึ๋งและยืนท่าอยู่ข้างนอก เปิ้นส่งคนเข้าไป๋ตามพะเยซูออกมา32ตอนอั่นมีคนนั่งล้อมรอบพะอ๋งอยู่เต็มไป๋เมิ๊อด มีคนมาอู้พะอ๋งว่า “แม่กับหมู่น้องป้อจายและน้องแม่หยิงของอาจ๋านซอยหาอาจ๋านอยู่ด้านนอกครับ”33พะอ๋งก็อู้ว่า “ไผเป๋นแม่และปี้น้องของเฮา”34แล้วพะอ๋งก็พ้อไป๋ยังคนตี้นั่งล้อมรอบพะอ๋งอยู่และอู้ว่า “โบ๋สูนี่ไง ตี้เป๋นแม่และปี้น้องของเฮา35คนตี้เยี๊ยะตามใจ๋พะเจ๊าคนอั่นแหละคือปี้น้องป้อจายหญิงและแม่ของเฮา”
Empower Asia Bible Translation Movement