Mark13
1ตอนอั่นพะเยซูกำลังเตียวออกจากวิหาร ลูกซิดคนนึ่งอู้ขึ้นว่า “อาจ๋าน พ้อตึกหมู่นี้สิครับ งามแต๊ๆแป๋งจากหินก้อนใหญ่ๆทั้งอั่น”2พะเยซูจึงอู้กับเปิ้นว่า “หันตึกใหญ่โตหมู่นี้กั๋นแล้วก๋ะ มันจะถูกทำลายจนเมิ๊อดสิ้น บะเหลือแม้แต่ซากหินเรียงซ้อนทับกั๋นแฮ๋มลุ”3ตอนพะเยซูนั่งอยู่บนดอยมะกอกเทศ ตี้อยู่ต๋งข้ามกับวิหารอั่น เปโตร ยากอบ ยอห์น และอันดรูว์ มาซอยพะอ๋งเป๋นการส่วนตั๋วว่า4“สิ่งตึงมดจะหนี้จะเกิดขึ้นตอนได๋ครับ แล้วจะมีไอหยังเป็นเหตุฮื๊อฮู๊ก่อนไหมครับว่ามันจะเกิดขึ้นแล้ว”5พะอ๋งก็อู้ว่า “ระวังฮื๊อดี อย่าฮื๊อไผหลอกหมู่สู6เพาะว่าจะมีคนจะนักมาแอบอ้างจื้อของเฮาว่าหมู่เปิ้นเป๋นพะคริสต์ และจะมีหลายคนหลงเจื้อ7ตอนสูได้ยินเสียงสงคราม หรือได้ยินข่าวลือว่าเกิดสงครามก็บะต้องสะดุ้ง เพาะว่ามันต้องเกิดขึ้นแต๊ แต่ฮั่นยังบะใช่วันซุ๊ดท้าย8หมู่ชาตินึ่งจะฮุกขึ้นต่อสู้กับแฮ๋มชาตินึ่ง เมิงนี้จะฮุกฮือขึ้นต่อสู้กับเมิงโน้น จะเกิดแผ่นดินไหวไป๋ทั่ว และจะเกิดการกั๋นดารตุ๊กอยาก นี่เป๋นแค่จุดเริ่มต้น9ระวังตั๋วฮื๊อดี โบ๋สูจะถูกยั๊บไป๋ขึ้นศาล จะถูกเฆี่ยนในตี้ปะชุมของจาวยิว และโบ๋สูจะต้องยืนอยู่ต่อหน้าเจ้าเมิงและจ้าวแป่นดินเพาะว่าสูเป๋นลูกซิดของเฮา สูจะต้องเป๋นพยานเล่าเรื่องของเฮาฮื๊อหมู่เปิ้นฟัง10แต่ก่อนตี้วันซุ๊ดท้ายจะมาตึ๋ง ข่าวดีจะต้องได้อู้ออกไป๋ทั่วตุ๊กชนชาติเเห็มก่อน11ตอนตี้โบ๋สูถูกนำตั๋วไป๋ขึ้นศาล บะต้องห่วงว่าจะอู้สู้ตั๋วจะได๋ ฮื๊ออู้ไป๋ตามตี้พะเจ๊าอู้ในกั๋นอั่น เพาะว่าคนตี้อู้อั่นบะใช่ตั๋วสูเอง แต่เป๋นพะวิญญาณบริสุทธิ์12ปี้น้องจะหั๋กหลังกั๋นเองฮื๊อไป๋ถูกฆ่า ป้อจะหั๋กหลังลูกฮื๊อไป๋ถูกฆ่า ลูกๆจะต่อต้านป้อแม่ และส่งป้อแม่ฮื๊อไป๋ถูกฆ่า13ตุ๊กคนจะเกลียดหมู่สู เพาะว่าสูเป๋นลูกซิดของเฮา แต่ไผตี้ทนได้จนตึ๋งตี้ซุ๊ดก็จะได้ฮับความรอด14ตอนโบ๋สูหันสิ่งตี้น่าเกียจน่าจัง ตี้เป๋นเก๊าเหตุของความหายนะ อยู่ในตี้ตี้บะควรจะอยู่ (ผู้อ่านน่าจะฮู๊ว่าหมายตึ๋งไอหยัง) ก็ฮื๊อคนตี้อยู่ในแคว้นยูเดียหนีไป๋ตี้ดอย15อย่าฮื๊อคนตี้อยู่บนดาดฝ้าเฮือนปิ๊กเข้าไป๋เก็บของในเฮือน16อย่าฮื๊อคนตี้อยู่ในไร่นาปิ๊กไป๋เอาเสื้อกุม17ในวันอั่นจะน่าโก๊วจะนักสำลับแม่ยิ๋งท้องและแม่ลูกอ่อนตี้ฮื๊อนมลูก18อธิษฐานขออย่าฮื๊อเรื่องน่าโก๊วนี้เกิดขึ้นในหน้าหนาว19เพาะว่าในกั๋นอั่นจะเกิดความตุ๊กยากอย่างใหญ่หลวงชนิดตี้บะเคยเกิดขึ้นมาก่อนนับเมื่อพะเจ๊าแป๋งโลกมาจนตึ๋งเดี๋ยวนี้ จะบะมีไอหยังตี้แย่ไป๋กว่านี้แฮ๋มแล้วในเบื้องหน้า20ถ้าองค์เจ้าจีวิดบะเยี๊ยะฮื๊อวันอั่นสั้นลงก็จะบะมีไผรอดจีวิดลุ แต่เพาะว่าหันสู่คนตี้พะอ๋งได้เลือกไว้ พะอ๋งก็ลุเยี๊ยะฮื๊อกั๋นเหล่าอั่นสั้นลง21ถ้ามีไผมาอู้ว่า ‘นี่ไง พะคริสต์’ หรือ ‘โน่นไง พะอ๋ง’ ก็อย่าไป๋หลงเจื้อ22เพาะว่าจะมีหมู่พะคริสต์ป๊อมและหมู่ผู้อู้แตนพะเจ๊าป๊อมเกิดขึ้นจะนัก และหมู่นี้จะเยี๊ยะอิทธิฤทธิ์ปาฏิหาริย์ ถ้าเป๋นไป๋ได้หมู่นี้ก็จะหลอกแม้แต่คนตี้พะเจ๊าได้เลือกไว้แล้วตวย23ระวังตั๋วฮื๊อดี เพาะว่าเฮาได้ย้ำสูเรื่องนี้ตุ๊กสิ่งกุ๊กอย่างล่วงหน้าไว้แล้ว24ต่อจากความตุ๊กยากอั่น‘ดวงอาติ๊ดจะมืดมิดไป๋ดวงจันทร์จะบะสายแสง25ดวงดาวจะร่วงหล่นจากท้องฝ้าและหมู่ผู้มีอำนาจบนฝ้าสวรรค์จะถูกสั่นคลอน’26แล้วผู้คนก็จะได้หันลูกมนุษย์เสด็จมาในหมู่เมฆป๊อมตวยฤทธิ์อำนาจอันยิ่งใหญ่ และเต็มไป๋ตวยสง่าราศี27แล้วพะอ๋งจะส่งหมู่เตวดาของพะอ๋งมารวบรวมผู้ตี้พะอ๋งได้เลือกไว้แล้วจากทั่วทั้งแผ่นดินโลก จากขอบโลกด้านนึ่งไป๋ตึ๋งซุ๊ดขอบฝ้าแฮ๋มด้านนึ่ง28ฮื๊อเรียนฮู๊จากเก๊ามะเด้อ ตอนเก๊าไม้เริ่มแต๋กกิ่งก้านและผลิใบอ่อน โบ๋สูก็ฮู๊ว่าไก้ตึ๋งหน้าฮ้อนแล้ว29เช่นเดียวกั๋น ตอนโบ๋สูหันสิ่งจะหนี้ตึงมดเกิดขึ้น โบ๋สูก็ฮู๊ว่า กั๋นอั่นไก้มาตึ๋งแล้ว กั๋นอั่นอยู่ตี้หน้าปะตู๋แล้ว30เฮาจะอู้ฮื๊อฮู๊ว่า สิ่งจะหนี้ตึงมดจะเกิดขึ้นก่อนตี้คนในรุ่นนี้จะต๋าย31สวรรค์และโลกจะสูญสิ้นไป๋ แต่ถ้อยคำของเฮาจะบะมีวันสูญหายไป๋เลย32บะมีไผฮู๊กั๋นอั่น แม้แต่หมู่เตวดาหรือลูกพะอ๋งเองก็บะฮู๊ มีแต่อีป้อเต้าอั่นตี้ฮู๊33โบ๋สูบะฮู๊ว่ากั๋นอั่นจะมาตึ๋งตอนได๋ ดังอั่นฮื๊อระวังตั๋วอยู่เสมอ อย่าปะมาท34อย่างเดียวกับตี้ป้อจายคนนึ่งกำลังจะเตียวไป๋ตี้อื่นป๊อมกับสั่งงานฮื๊อทาสแต่ละคนในเฮือนเยี๊ยะ และได้สั่งยามฮื๊อเฝ้าปะตู๋เฮือนดีๆ35โบ๋สูก็ต้องป๊อมอยู่เสมอ เพาะว่าบะฮู๊ว่าเจ้าของเฮือนจะปิ๊กมาตอนได๋ อาจจะเป๋นเมื่อแรง เมื่อคืน ตอนไก่ขันเช้ามืด หรือตอนสายๆ36ฮื๊อเตียมตั๋วว่าตอนเปิ้นปิ๊กมาชุกเฉฺน เปิ้นจะได้บะป๊ะว่าโบ๋สูกำลังนอนลับอยู่37สิ่งตี้เฮาสั่งโบ๋สู เฮาก็ได้สั่งกับตุ๊กๆคนตวย คือ ‘ฮื๊อระวังอยู่เสมอ’”
Empower Asia Bible Translation Movement