ABAHEBURAAYO6
1Nuuko reero, mureke dukomeze guteera imbere mu nyigiisho zikwiriye abakuze kandi tureke guhora ku nyigiisho za mbere zeerekeye Kristo, ntidukwiriye kwirirwa twongera gusubiramo inyigiisho zeerekeye kwihana ibikorwa bibi no kwizeera Imaana,2inyigiisho zeerekeye umubatizo no kurambikwaho ibiganza, kuzuuka kw'abaapfuuye n'urubanza rw'iteeka.3Kandi ni ko tugiiye kubigenza Imaana ibaaye ibitwemereye.4Kuko bidashoboka yuuko twakongera kugarura abo bantu ngo biihane, abaari baaramaze kumurikirwa n'umuco, bagasogongera ku mpaano iva mu ijuru kandi bagahaabwa n'Umwuka Weera,5ndetse bakanasogongera no ku bwiza bw'ijambo ry'Imaana hamwe n'imbaraga z'igihe kizaaza,6haanyuma bagasubira inyuma. Bo ubwabo baba bongera gusubiza Umwana w'Imaana ku musaraba bakamukoza isoni kumugaragaro.7Iyo ubutaka bunyoye amaazi haanyuma bukabyarira ababuhinga imbuto z'ingirakamaro, Imaana iba ibuhaaye umugisha.8Naho iyo bumezemo amahwa n'amatovu, ntaaco buba bukimaze. Buba bushigaje kuvumwa kandi amaheerezo yaabwo ni ugutwikwa.9Nyamara nshuti dukunda, nuubwo tuvuga dutyo, dufite ibyiringiro tudashidiikanya yuuko ibyanyu bimeze neeza kurusha ibi kuko mukora ibikwiranye n'agakiza.10Kuko Imaana ntiirenganya, ntiyiibagirwa imirimo yaanyu n'urukundo mwerekanye ku bwayo, mufasha abantu baayo na n'ubu mukaba mukibafasha.11Ico twifuuza ni ukugira ngo buri muntu weese akomeze kugira uwo mwete kugeza ku mperuuka kugira ngo ibyo mwiringiye bibaashe gusohora,12kugira ngo mutaba abanebwe, ahuubwo mube nk'uko abiizeera Imaana biihangaana nyuma bikabaheesha umurage w'ibyo Imaana yabaseezeranyije.
Impamo y'Iseezerano ry'Imaana
13Igihe Imaana yaseezeranyije Aburahamu iseezerano, yariirahiye ubwayo kuko itaari ifite uwundi uyisumba uwo yari kurahira,14irahira iti, “Ni ukuri nzaaguha umugisha kandi nzaagwiza abazaagukomookaho.”15Kandi na ni ko byabaaye, Aburahamu yashikirijwe iseezerano ku bwo kwihangaana.16Ubusanzwe abantu barahira umuntu ubarusha gukomera kandi iyo ndahiro ikababeera icemezo co gukemura impaka ziri hagati yaabo.17Bityo reero, Imaana na yo yashaatse kurushaho kugaragariza abaragwa b'iseezerano ko imigambi yaayo ari impamo, ni co caatumye ahamya iseezerano akoreesheje indahiro,18kugira ngo mu bintu bibiri bidahinduka, byo Imaana idashobora kubeesha ngo yivuguruze, bidukomeze caane twebwe abamaze kubona ubuhungiro muri yo ngo tugere ku byiringiro tuzaahaabwa.19Ibyo byiringiro turabifite, ni byo nkingi y'ubugingo bwacu, ibyiringiro bihinguranya umwenda ukingiriza bikagera aheera caane20aho Yesu watubanjirije yinjiye amaze kuba Umuheerezabitambo Mukuru w'iteeka ryose mu buryo bwa Melikisedeki.Bible Society of Uganda