BaRoma9
1Ndoleba lebeswa muna Khrisitu, anditonyepa, hana yangu inobvumilana nami muMeya Yakayengemala,2ndinabuyendasi gukulu newha zogwadza kusingapele mumoyo wangu.3Ngobe ndandingayemula kuti kadzene imi tjekwangu ndibe nebhiso kakale ndakathubukanyiwa naKhirisitu kuyetigwa ibabo bandina bukamu nabo gwenyama, ibabo beludzi gwangu.4Ibo banhu bekuIsirayeli, tjabo igudzo, nezwibvumilano, newamutjila nlayo, nenamata, nekugadziwabgwe neba bakololo.5Bobatategulugulu babo ndigo ludzi gunozwagwa Khirisitu ngekwenyama. Ndzimu upehhugwi kwayiko kose ngaalumbidziwe tjoselele! Ngekusingapele.6Akuta kuli kuti dama leNdzimu lakalakon'wa. Akutayibo bose beludzi gwaIsirayeli maIsirayeli.7Kakale akutobva kuti bana ba Abhurahhamu, ngobe bali beludzi gwa Abhurahhamu. Koga Ndzimu wakati, “Bana babo ndebanowhozwagwa na Isaka.”8Nedzimwe zila, akuta bana ngekwenyama banoyi bana beNdzimu, koga ibana betjigadzabgwe banoyi ludzi.9Ngobe tjigadzabgwe tjakalebgwa sawhoku, “Mulubaka igogu ndowhohanduka, Sara unowhoba nenkololo.”10Kusi ikoku koga, nebana baRibheka bakabezwagwa natate ban'ompela, tate bedu Isaka.11Bana besanhu bazwagwa kene basanhu bathama tjinhu tjakanaka kene tjakayipa, kuyetila kuti n'hingo weNdzimu wehalula uyendilembeli, kusi ngezwiyeto koga kuli ngekuhalula kukwe,12wakabudziwa kuyi, “Whola unowhohingila ntjetjana.”13Sekwakwaka kwagwa kuyi, “Jakobe ndakawundha, Isawu ndakawumbenga.”14Towhotini ngono? Ndzimu una salulama? Aa akuzojalo!15Ngobe wakati kuna Mozisi, “Ndowhoba nemawhilangoni kuna wandinowhila ngoni, kakale ndowhoba nebuyendasi kuna iwhoyo wandinoda ba nebuyendasi kuwunli.”16Ndizo akutobva mukuyemula kene mumatatabuko enhu, koga kobva muba nengoni kweNdzimu.17Ngobe lukwalo goti kuna Faro, “Ndakakumilidza, ndikumilidzila kulakidza simba langu mukuli, kuyetila kuti zina langu likudziwe hango yose.”18Ndizo Ndzimu unoba nemawhilangoni kuna iwhoyo waanoda whila ngoni, kakale unota akaba nkukutu iwhoyo waanoda kuti abe nkukutu.19Umwe wenyu unowhoti kundili, “Ngentha yeni Ndzimu etjatiwana nlandu? Ngobe ndiyani ungagwisana neludo gugwe?”20Iwe nhu! ndiwe yani, ungadza ukahandudzana neNdzimu? Tjakabumbiwa tjingati kumbumbi watjo, “Wakandibumbilani ujali kene?”21Mbumbi wehali haana masimba pehhugwi kwentapwe iwo zwawo webumba zwidla zwelayidza bunyambi zwinohinga hapa kuna mihingo ipehhugwi nezwinohingisiwa misi yose?22Kungayin'wi, hapa Ndzimu akada layidza buhongola gugwe nekuti simba lile lizibgwe, koga akaba nemoyonlefu kuna ibabo baakagwadziligwa, bakayetigwa kuti bapaladziwe?23Kungayin'wi hapa akakuthama ikoku etila kuti bukulu gwegudzo lile guzibgwe nayibabo baanamawhilangoni kubali, ibo baakagala athama ebathamila gudzo,24kene iswibo, baakadana, kusi kumaJuta boga, koga kose nekuBataya?25Sekwaanoleba mulukwalo gwaWhosiya, eti,“Baka basi banhu bangundowhobadana nditi ‘Banhu bangu.’Newaka esingadiwendowundhana nditi ‘Ndhikani wangu.’ ”26“Kakale muna igogo bugalo kwakakwayi ‘Amutabanhu bangu,’ibabo banhu banowhodan'wa beyi ‘Bakololo beNdzimu mpenyu.’ ”27Isaya unolila kwazo ngekwaIsirayeli. “Kene zwako bunjinji gwemaIsirayeli gunga gwensetje wegungwa, ibabo bahomanana bakasala ndibo boga banowhotjidziwa.28Ngobe He unowhohinga, nekulibilidza kakale nebuhhalo, n'hingo uwe wetonga hango.”29Konga sekwakalebgwa na Isaya hule eti, “Kadzene He wemasimba asakatisiyila ibabo bahomanana batjakabhatilila kuwunli, toba takaba seSodoma, kakale toba takayetiwa seGomora.”30Towhotini ngono? Bataya bakaba besingahakisise ndulamo, batjiyiwamutjila ndulamo ngekugalamoyo;31koga Isirayeli iye waka ehakisisa ndulamo ngenlayo, haazobhudilila mukuhhadzisa nlayo iwhoyo.32Ngentha yeni? Ngobe abazoyihakisisa ngekugalamoyo, koga bakabe beyihakisisa ngemihingo. Bakakunhiwa nebgwe linokunha.33Sekwakwaka kwagwa kuyi.“Bonani, ndobiga muZiyoni bgwelinowhokunha banhu,hongwe inowhobaliga,iye unogalamoyo muwunli atowhobhatisiwa honi.”
The Word for the World International