BaRoma10
1Makamu, ndoyemula mumoyo wangu kakale nditembezela kuNdzimu kuti maIsirayeli atjidziwe.2Ndingapa busupi ngekwabo kuti banobilayela kwazo nekweNdzimu, koga bilayela kwabo akuna luzibo.3Ngobe abatoziba ndulamo yeNdzimu, bakada bhatilila mukukumbula kwabo, abazozwisa pasi kwendulamo yeNdzimu.4Khirisitu ndiye bupelo gwenlayo, kuyetila kuti wose unogalamoyo alulamisiwe.5Mozisi wakakwala kuti nhu unolondolodza ndulamo inobva munlayo, unowhotjila ndiyo.6Koga ndulamo inobva mukugalamoyo inoti. Usiti mumoyo uwo, “Ndiyani unowhoyenda pehhugwi kudzimu?” (kubviwa kuti ejetusa Khirisitu pasi)7kene “Ndiyani unowhongina pasi mugomba? ” (kubviwa kuti enomusa Khirisitu kubafi).8Koga kobva kutini? Kobva kuti, “Dama lipedlo nawe; limunlomo uwo kakale limumoyo uwo,” ndilo dama lebugalimoyo latinosumikila.9Hapa ubvuma nenlomo uwo uti, “Yesu ndiHe,” ugalamoyo mumoyo uwo kuti Ndzimu wakawumusa kubafi, nowhotjidziwa.10Ngobe nemoyo uwo nogalamoyo ukalulamisiwa, unobvuma nenlomo uwo ukatjidziwa.11Sewhalo dziti, “Kene yani unogalamoyo muwunli atowhobhatisiwa honi.”12Njhuta azosiyana neNghiriki, ngobe He iyezwe, ndiye He wayibo bose, kakale unokombolela bose banodana zina lile,13ngekuti, “Wose nhu unodana zina laHe unowhotjidziwa.”14Bangawundhana tjini wabasakagalamoyo muwunli ngono? Kakale bangagalamoyo tjini muwunli besakatongowha nekukwe? Kakale bangawha tjini kusina nsumikili?15Kakale bangasumikila tjini besatumwa? Sekwakwaka kwagwa kuyi, “Akanaka seni makumbo ayibabo banosumikila ndebo mbuya!”16Koga akuta ibo bose bakawhilila ndebo mbuya. Ngekuti Isaya unoti, “He, ndiyani wakagalamoyo muna tjatakaleba?”17Ndizo galamoyo kobva muna tjawawha, tjawawha tjobva mukusumikigwa kwedama laKhirisitu.18Koga ndobhuzwa, abazowha kene? Ee lebeswa, bakawha tjose; ngobe“Whi labo lakatjihhala muhango yose,matama abo akatjiswika kubupelo gwehango.”19Ndobhuzwa kakale, Isirayeli azoziba kene? Kutanga Mozisi unoti,“Ndowhomuta mukaba nefupakuna ibabo basitjaba;ndowhohingisa tjaba tjina bulengwendikamuta kuti mumon'we.”20Isaya wakaleba akasima eti,“Ndakawan'wa nayibabo basakandihaka;Ndakazwilakidza kuna ibabo basakabhuzwa nekwangu.”21Koga nekwaIsirayeli Isaya unoti, “Hhuba lose ndahwa ndatambunudzila maboko angu kubanhu basingawhe kakale banonyanyayidza.”
The Word for the World International