Zumbunulo12
1Ipapo tjilakidzo tjikulukulu tjakazumbunugwa kudzimu, nhu wetjikadzi waka akambala hhuba, nemwedzi uli pasi kwemakumbo awe, akambala tjiyala tjenyenyedzi dziligumi nembili mun'holo uwe.2Waka akazwisenga, wakamimila kwazokwazo, mumagwadzo etshibama, egwadziwa kwazo mutshibama kukwe.3Tjimwe tjilakidzo tjakazumbunugwa kudzimu, hangale habahaba yaka ina miholo ilikutondeka nenyanga dziligumi, pehhugwi kwemiholo iyeyo kwaka kuna zwiyala zwili kutondeka.4Mwise wayo wakakuba lubabi gwembabi nhatu dzenyenyedzi dzekudzimu ikadziposela pasi muhango. Hangale yakama mbeli kwenkadzi waka ewhotshibama, iyeta kuti imidze mwana uwe unoba azwagwa,5wakatshibama mwana wetjilume, unowhotonga njudzi dzose neswimbo yetshipi, koga mwana uwe wakadzamugwa akayendisiwa kuNdzimu, kutjigalo tjitje tjebumambo.6Wenkadzi iwhoyo wakatihha akayenda kutjilambanyika kwaka kuna bugalo gugwe gwakabaakanyiwa neNdzimu, kuti anotjengetewa kwemahhuba alitjiwulu tjinamahhuba makhulu mabili ana makumi matanhatu.7Kwakaba nengwa kudzimu, Mikhayeli nebatumwa babe bakayenda kunogwisana nehangale, hangale nebatumwa bayo bakagwa,8koga hangale nebatumwa bayo bakakundiwa, kwakabe kusitjina bugalo gwabo kudzimu.9Hangale whuluwhulu yakaposegwa pasi, iyo nyoka whulukugwi, inoyi Diyabhori kene Satane, ntjebeli wehango yose, wakaposegwa pasi muhango, iye nebatumwa babe bakaposegwa pasi.10Ndakawha whi gululugulu kudzimu liti, “Ngwenu tjidziwa nemasimba nebumambo gweNdzimu wedu netonga kwaKhirisitu uwe kwatjihha, ngobe iwhoya waka epa nlandu hama dzedu, unogala ebapa nlandu mbeli kweNdzimu wedu siku nesikati waposegwa pasi.11Bakawunkunda nemalopa eMwizana, nangemawhi ebusupi gwabo, ngobe abazoda bupenyu gwabo kuswikila palufu.12Tjihanhani ke, imwi kudzimu nemwi banogala mo! Koga kuhango nekugungwa kwakayibangalalila, ngobe Satane wajitila kumuli nebuhongola gukulukulu, saku eziba kuti unalubaka guhomanana!”13Ngono hangale yakati ibona kuti yaposegwa pasi muhango, yakatatamila wetjikadzi iwhoya waka atshibama mwana wetjilume.14Wetjikadzi wakapiwa mapapiro mabili elumhangu gukulukulu kuti apupuruke etihha nyoka ayende kutjilambanyika, ayende kubugalo kuti anotjengetewa kwelubaka nezwibaka zwina gaswa lelubaka kwaasingaswikigwe nenyoka.15Nyoka yakapfa vula yaka iwunga seyegwizi, kuti itole wetjikadzi nenkubila.16Koga hango yakabhatsha wetjikadzi, hango yaka hama ikamidza gwizi gwakagwabhuda munlomo wehangale.17Hangale yakagwadziligwa wetjikadzi, ikamilika kuti inogwa nebamwe bose beludzi gwewetjikadzi, banotjengeta milayo yeNdzimu bakabhatilila busupi gwaYesu.18Hangale yakama pehhugwi kwensetje wegungwa.
The Word for the World International