Jakobe5
1Tjiwhililani ke, imwi banhu bakafuma, lilani mukuwe ngentha yebulemo gunowhomuwila.2Fumwa dzenyu dzatjibola nezwiyambalo zwenyu zwatjimunyiwa nentjenje.3Zeezi lenyu nesiliva kwatjidliwa nebulala, bulala igogu gowhobe busupi gwebubi gwenyu kakale gowhopaladza mibili yenyu semoto. Mabutitika bufumi muyetila mahhuba ebupelo.4Lingani ke! Salipa kwenyu bahingi bakamuhakulila minda dzenyu, mubatshambidzila, banolila. Nelila kwebakamuvunila zwidlo kwatjiswika muzebe dzaHe weMasimba Ose.5Matjila zwakanaka muno muhango muzwihanhisa; makodza mimoyo yenyu muyilulamisila hhuba lebulawa.6Makawana nlandu nhu wakalulama kakale mukawumbulaya; waka esinganyanyayidzane namwi.7Mube nemoyonlefu, makamu angu, He adze ahhe. Nlimi unomilila zwilimwa zwibuya zwemumavu ngemoyonlefu, kudzina zwiwana vula yekutanga neyebupelo.8Namwi bo, ibani nemoyonlefu, musinyale moyo, ngobe hha kwaHe kwatjisedzela.9Musisolane makamu, kuyetila kuti musiwanikwe nlandu; lingani, Ntongi umile pankoba.10Hapa kulebgwa nekwedziyila neba nemoyonlefu koba kubviwani, makamu angu, lingani balebesambeli bakaleba nekwezina laHe.11Toti bakakombolegwa ibabo bakasimidzila. Makawha nekwesimidzila kwaJobe, nekuti He bakawuyetila ini kubupelo. He bahhele mawhilangoni nengoni.12Koga ke pehhugwi kwayiko kose, makamu angu, musitune, kene nekudzimu kene nehango kene iko tuna kene neni zwako. ‘Ee’ wenyu ngaabe ‘ee’ na ‘aa’ wenyu abe ‘aa’, kuyetila kuti musiwanikwe nlandu.13Uyapo pakati kwenyu umubulemo? Ngaatembezele. Uyapo pakati kwenyu wakahanha? Ngaambe njimbo dzelumbidza.14Uyapo pakati kwenyu unogwala? Ngaakumbile bawhola begubungano, bawuntembezelele, bawuhhodze mafuta muzina laHe;15ntembezelo wewunogalamoyo unowhowuntjidza unogwala, He banowhowumpodza; nehapa akatjinya, unowhoyetigwa mazwibhatigwa.16Ndizo ke lebululani matjinyo enyu umwe kuwumwe, mutembezelelane, kuyetila kuti mupole. Ntembezelo wenhu wakalulama unamasimba kakale unohinga.17Elija waka eli nhu bo saswi akatembezela ngekuzwipila kuti vula isine, vula ayizotongona muhango kwemakole matatu anamimwedzi ili kutanhatu.18Akakotjitembezela kakale kudzimu kukahhuka vula ikana, minda dzikaba nezwidlo.19Makamu angu, hapa umwe nhu pakati kwenyu angabhuda muzila yelebeswa umwe ekowun'handusa,20zibani whoku. kene yani unohandusa ntjinyi kubva muzila iye yelahika unowhotjidza meya yentjinyi pafa kakale unowhotshibikila matjinyo manjinji.
The Word for the World International