BaGalathiya4
1Ndobva kuti, nghalinhaka hapa atjimwana azosiyana nenlanda, nekene zwako ali mweni welukata,2koga unoba ali pasi kwebanowunlela nebantjengeti benhaka bamunlayo, kudza kunoswika lubaka gwakabigwa natate babe.3Naiyeyo zila, pataka tili bana taka tili balanda bemilenje yemeya dzehango.4Koga lubaka gwakafanila gwatjiswika, Ndzimu wakatuma Nkololo uwe, wakazwagwa nemfumakadzi pasi kwenlayo,5kuti awangule ibabo baka bali pasi kwenlayo, kuyetila kuti iswi tiyetiwe bakololo.6Ngentha yekuti mubakololo, Ndzimu wakatuma Meya yeNkololo uwe mumimoyo yedu inodanilila iti “Abha, Tate.”7Ndizo ke, awutjinlanda, koga watjiba nkololo weNdzimu, hapa uli nkololo kubva kuti ungalinhaka.8Mumahhuba akapinda pamaka musingazibe Ndzimu, maka muli bahingi bezwisi midzimwana ngembumbiko,9koga ngwenu ngentha yekuti meeziba Ndzimu, kene kuti meezibgwa ngeNdzimu, mebgwilila tjini kumilenje yemeya dzisina masimba kakale dzisina n'hingo, muhaka ba balanda badzo?10Motjengetedza mahhuba, nemimwedzi, nezwibaka, nemakole!11Ndowha ndihla hinga kwangu kungapa kumuli ndingaba ndakahingila suli.12Ndomukumbilisisa makamu angu ibani sekwandili iko, ngobe ndatjiba sekwamuli iko. Akuna tjamakanditjinyila.13Moziba kuti kwaka kuli ngentha yesawha zwibuyanana mumbili kwakayeta kuti ndisumikile kumuli kwekutanga,14nekene gwala kwangu kwaka kuli tjiliko kumuli, amuzondilingila pasi kene ndihema, koga makandiwamutjila sentumwa weNdzimu, saKhirisitu Yesu ntja.15Ngono kombolegwa kwamaka munako kuponi? Ngobe ndingapa busupi gwekuti hapa kwaka kubvuma maka muwhokopola meho enyu mukandipa iwo.16Ndatjiba tjita tjenyu ngobe ndomubudza lebeswa?17Banhu ibabo banoyeta sekunoyi banomuda, koga abatokuthama mukululama tjabanohaka whuti muthubukane nami, beyetila kuti mukobatobela.18Ngobe diwa udigwa tjinhu itjinhu tjakanaka kwazo kakale kugala kuyetikala, kusingayetikale hapa ndinamwi koga.19Ngawana dzangu, ndopamha muwhila magwadzo etshibama kakale, kuswikila mamo aKhirisitu abumbiwa mumuli.20Ndandiyemula kuti ndibe namwi ngwenuwali kakale nditeledze whi langu, ngobe ndodziyidzika nekwenyu.21Tongondibudzani imwi munoyemula tjila pasi kwenlayo, kati amutowha tjinolebgwa nenlayo?22Ngobe kwakakwagwa kuti, Abhurahhamu waka enabakololo babili, umwe wakawunzwala nenlandakadzi, umwe wakawunzwala nemfumakadzi wakasununguka.23Koga nkololo unozwagwa nenlandakadzi wakazwagwa ngekwekwenyama, nkololo wemfumakadzi wakasununguka wakazwagwa ngekwetjigadzabgwe.24Iwhoyu umfananidzo. bafumakadzi ibaba banomilila zwibvumilano zwibili. Tjimwe ndetjeku Dombo leSinayi tjinozwala mwana wekubulanda, iwhoyu ndiHagari.25Hagari iDombo leSinayi likuhango yeArabhiya, unoyendelana neJerusalema yangwenuwali, ngobe umubulanda nebana babe.26Koga Jerusalema lipehhugwi lakasununguka, ndibo mme bedu.27Ngobe whalo dzoti,“Hanha, iwe nkadzi usina mbeleko!Pululudza kakale umimile nekuhanha, iwe usakatongowha gwadza kwetshibama!Ngobe bana bemfumakadzi wakasiyiwa banji kwazoKupinda bana bewunanlume.”28Ngono iswi makamu tibana, betjigadzabgwe bo saIsaka.29Koga semuna igoguya lubaka iwhoya wakazwagwa ngekwenyama wakadziyidza iwhoya wakazwagwa ngekweMeya, kwakajalo kene nanasi.30Koga lukwalo gotini? Goti, “Tata nlandakadzi kose nenkololo uwe, ngobe nkololo wenlandakadzi haangakobane nhaka nenkololo wemfumakadzi usinlanda.”31Ndizoke, makamu iswi atitabana benlandakadzi koga tibana bemfumakadzi wakasununguka.
The Word for the World International