BaGalathiya3
1Zwilengwe zwebaGalathiya! Kati maloyewa nani? Fa kwaYesu Khirisitu kwakatjenesewa nekuhhele, kukanga sekunoyi wakakowhomegwa patjileyanyo mbeli kwemeho enyu.2Itini ndimubhuzwe whoku kun'ompela. Makawamutjila Meya ngentha yelondolodza nlayo, kene ngentha yegalamoyo tjamakawha?3Kati muzwilengwe zwingapa? Mungati makatangisa neMeya, ngono meepeleledza nezwenyama?4Zwinhu zwinjinji zwakayetikala kumuli zwakayetikalila suli? Lebeswa azwizoyetikalila suli!5Iwhoyo unomupa Meya kakale eyeta matjenamiso pakati kwenyu unokuthama ngentha yeyeta kwenyu tjinohakiwa ngenlayo, kene ngentha yegalamoyo kwenyu tjamakawha?6Ndizo ke Abhurahhamu “wakagalamoyo kuNdzimu, galamoyo kukwe kukabagwa selulama.”7Mobona ke kuti ibanhu be bugalimoyo banoyi bana ba Abhurahhamu.8Nelukwalo, gubona tjinowhohha, kuti Ndzimu unowholulamisa Bataya ngegalamoyo, gwakabva gwasumikila ndebo mbuya kuna Abhurahhamu, guti, “Njudzi dzose dzowhokombolegwa mukuli.”9Ndizo ke, ibabo banoba bali banhu bekugalamoyo bakakombolegwa kan'ompela na Abhurahhamu waka ana kugalamoyo.10Ngobe bose bakabhatilila mulondolodza nlayo bapasi kwebhiso, kana kwakakwagwa kuti, “Unabhiso umwe newumwe usingatobele kakale esingathame zose zwinhu zwakakwagwa mulukwalo gwenlayo.”11Ngwenu kwabe patjena kuti akuna nhu ungayi wakalulama mbeli kweNdzimu ngelondolodza nlayo; ngobe “Iye unolulamisiwa ngekugalamoyo unowhotjila ”12koga nlayo awuzosendama pa bugalimoyo, ngobe “Iwhoyo unothama kose kunohakwa ngeNlayo unowhotjila ndiko.”13Khirisitu wakatiwangula mubhiso lenlayo, paakaba bhiso iye ekuyetila iswi, ngobe kwakakwagwa kuti, “Unabhiso wose nhu unolembeleka panti,”14kuyetila kuti kombolegwa kwa Abhurahhamu kuswike kuBataya muna Khirisitu Yesu, kudze tiwamutjile tjigadzabgwe tjeMeya ngekugalamoyo.15Makamu angu, itini ndiyelesedze netjinhu tjakawolobeleka. Akuna nhu ungakolomola kene ungapamhidza tjibvumilano tjinoba tjalongwa nkando .16Zwigadzabgwe zwakayetiwa kuna Abhurahhamu nekumwana uwe . Lukwalo agutoti, “Nekubana ,” gubva banjinji, koga gobva un'ompela, “Nekumwana uwo ,” iye Khirisitu.17Tjandinobva ndiyetji. Nlayo, wakahha kwapinda makole ali makulu mana ana makumi matatu awutokolomola tjibvumilano tjaka tjalongwa nkando neNdzimu, kuyetila kuti tjigadzabgwe tjibe suli.18Ngobe hapa nhaka ipiwa ngenlayo, akutjingetjigadzabgwe, koga ke Ndzimu wakayipa Abhurahhamu ngetjigadzabgwe.19Nlayo waka uli weni ngono? Wakahhisiwa bo ngentha yematjinyo, kuswikila mwana, iwhoyo wakapiwa tjigadzabgwe atjiswika; nlayo wakahhisiwa nebatumwa beNdzimu, ngebunyayi.20Koga ke, bunyayi gohinga hapa mabunga elimanji pana lin'ompela; koga Ndzimu un'ompela.21Kobva kuti nlayo unopesana nezwigadzabgwe zweNdzimu? Lebeswa akuzojalo, ngobe hapa nlayo wakahhisiwa ungalesi butjilo, kubva kuti, lebeswa, ndulamo inoba ili ngenlayo.22Koga lukwalo gwakasa zwinhu zose pasi kwesimba lejinyo, kudze tjaka tjagadziwabgwe ngebugalimoyo muna Yesu Khirisitu tjipiwe ibabo banogalamoyo.23Bugalimoyo gusanhu gukahha, taka tili batapwa pasi kwenlayo, takahhaliligwa kuswika bugalimoyo gwaka guwhohha gudzina guzumbunugwa.24Ndizo ke nlayo waka uli ntjengeti wedu kudzina Khirisitu ehha, kuyetila kuti tilulamisiwe ngebugalimoyo.25Koga ke saku bugalimoyo gwatjihha, atitjipasi kwentjengeti.26Ndizo ke mose mubana beNdzimu, ngekugalamoyo muna Khirisitu Yesu,27ngobe sayikoku bunji gwenyu makabvubikiwa muna Khirisitu matjimbala Khirisitu.28Akutjina Njhuta kene Nghiriki, akutjina nlanda kene wakasununguka, akutjina wetjilume kene wetjikadzi, ngobe mose makalizana mbeli kwaKhirisitu Yesu.29Kakale hapa muli baKhirisitu, kubva kuti mumbewu ya Abhurahhamu, nghalinhaka sekwakunoleba tjigadzabgwe.
The Word for the World International