BaGalathiya2
1Kukakotjiti hule kwemakole ali gumi nemana ndikayenda kakale kuJerusalema ndinaBhanabhasi, takayenda naThayithasi.2Ndakayenda ngentha yezumbunulo; ndikabazibisa (tili ntome, ibabo baka belingwa sebatungamili) ndebo mbuya yandinosumikila pakati kweBataya, swiyo neyimwe zila ndakahingila kene kuti ndohingila suli.3Kene Thayithasi, wandaka ndinaye, nenguba waka ali Nghiriki azotongomanikidziwa kuti athumbigwe.4Iyeyi ndebo yakamuka ngobe bamwe bakabezwita bagalimoyo, benyepa besi ibo, baka bangina nezila yakasumbikala mugubungano, bali whodzi, behakisisa nekwelusununguko gwedu gwatinago muna Khirisitu Yesu, kuyetila kuti batiyete balanda,5koga atizotongogala tababvumila kuyetila kuti lebeswa lendebo mbuya litjengetegwe imwi.6Ibabo baka belingwa sebapehhugwi (tjabaka bali itjo atjitoti tjimwe kundili; Ndzimu haana luhalawulo), ndobva ibabo, baka belingwa sebapehhugwi akuna tjabakapamhidzila kundili,7koga ke, bakati bebona kuti ndakagagwabgwe sumikila ndebo mbuya kubanhu basakathumbigwa , saPhethiro bo akagagwabgwe sumikila ndebo mbuya kubanhu bakathumbigwa 8(ngobe iwhoyo wakayeta Phethiro akaba mpositoli kubanhu bakathumbigwa nami wakandiyeta bo mpositoli kuBataya),9bakati bebona ngoni dzandakapiwa, Jakobe naKhefasi naJohane, ibo baka bezibgwa bali mhanda, bakatibhata luboko imi naBhanabhasi belakidza kuti tohingidzana, kuti iswi tiyende kuBataya ibo bayende kubakathumbigwa.10Tjabakakumbila koga whuti tikumbule bahayi, tjinoba tjaka tjili itjo tjinhu tjandakagala ndihaka thama kwazo.11Koga Khefasi paakabuya ku Antiyoku ndaka nyanyayidzana naye mbeli kwebanhu, ngobe waka etjinya.12Ngobe kwakati kusanhu kukaswika bamwe balume baka bebva kuna Jakobe, waka edla neBataya; koga pabakaswika wakabva pabali akazwipalalanya nabo, ehla bunga lebakathumbigwa.13Amwe maJuta bo akathama sa iye, kukata kuti naBhanabhasi bo atobele bupitipiti gwabo.14Koga pandakabona kuti abatobhudila patjena nekwelebeswa lendebo mbuya, ndakati kuna Khefasi, mbeli kwabo bose, “Hapa iwe, nekene uli Njhuta, utjila seNtaya usingatjile seNjhuta, ungahaka kuti Bataya batjile semaJuta tjini wali?”15Iswi tjekwedu, timaJuta ngezwagwa atita Bataya banotjinya,16koga toziba kuti nhu atolulamisiwa ngelondolodza nlayo, koga unolulamisiwa ngegalamoyo muna Yesu Khirisitu. Naswi bo takagalamoyo muna Khirisitu Yesu, kudze tilulamisiwe ngegalamoyo muna Khirisitu, kusi ngelondolodza nlayo, ngobe ngelondolodza nlayo akuna unowholulamisiwa.17Koga hapa, mukuyedza kwedu kuti tilulamisiwe muna Khirisitu, iswi tjekwedu takawanika tili batjinyi, kobva kuti Khirisitu unlanda wejinyo ngono? Lebeswa akuzojalo!18Koga hapa nditangisa ndimusidzila kakale zwandakakolomola, ndoba ndilakidzila kuti ndinhu unotjuluka nlayo.19Ngobe ngenlayo ndakafa kunlayo, kuyetila kuti nditjilile Ndzimu. Ndakatjikowhomegwa kan'ompela naKhirisitu,20akutji imi unotjila, koga ndiKhirisitu unotjila mundili; nebutjilo gwandinotjila ngwenu munyama ndotjila ngegalamoyo muNkololo weNdzimu, iye wakandida akapila butjilo gugwe ngentha yangu.21Anditolamba ngoni dzeNdzimu; ngobe hapa lulamisiwa kwakuli ngenlayo, kobva kuti Khirisitu wakafila suli.
The Word for the World International