BaEfesu5
1Ndizo ibani bayedzeleli beNdzimu, sebana banodikala.2Kakale mutjile muludo, saKhirisitu akatida akapila butjilo gugwe nentha yedu, akabe mpilo unonhuwilila netjibhayilo kuNdzimu.3Koga bupombgwe nehambgwa yose kene tjiba kusitongogala kwalebgwa pakati kwenyu, akuzofanila bayengemali.4Kusibe nendebo dzinohemesa, kene ndebo dzebulengwe, kene dada kusina mano kuna masapa, kusakalulama, koga ngakube nekuboka.5Ibani nelebeswa ngekwayikoku, kuti akuna nhu unoyeta bupombgwe kene usakatjena, kene unotjiba (kunobviwa unonamata midzimwana), una gobe mubumambo gwaKhirisitu negweNdzimu.6Ngakusibe nenhu unomutjebela ngematama emanyepwa, kungentha yayizwezwi zwinhu buhongola gweNdzimu guwhodelukila pehhugwi kwebanhu basina nlayo.7Ndizo ke musidlidzane nabo.8Ngobe makatongobe hhalima, koga ngwenu mabetjedza muna He; tjilani sebana betjedza9(ngobe ntjelo wetjedza unowan'wa muna kose kubuya kakale kwakalulama kwelebeswa).10Mugwise tjose ziba tjinohanhisa He.11Musihanganyile mumihingo yehhalima isina tjimwe, koga muyidusile patjena.12Ngobe kobhatisa honi kene iko leba nekwezwinhu zwabanothama pakasumbikika;13koga hapa tjinhu tjidusigwa patjena ngetjedza tjeeboneka.14Ngobe tjimwe netjimwe tjinoboneka patjena itjedza. Ndizo koyi,“Muka, iwe ulele,muka kubafi,tjedza tjaKhirisitu tjowhopenya mukuli.”15Mulingisise zila yamunotjila ndiyo, musitjile sebanhu basakatjenjela, koga mutjile sebakatjenjela,16muhingisa lubaka ngezila yakatambunuka, ngobe mahhuba akayipa.17Ndizo musibe zwilengwe, koga whisisani kuti ini kuda kwaHe.18Kakale musilaladzisiwe newayini, kunoyeta mukatjila butjilo gusina zwidziba; koga hhalani ngeMeya,19mubuyisane ngenjimbo, mumba njimbo dzinolumbidza Ndzimu, nange njimbo dzemeya, imbani mukudza He ngemimoyo yenyu yose,20lubaka gose nange kose muboka kuNdzimu ibo Tate muzina laHe wedu Yesu Khirisitu.21Muzwitebamise umwe kuwumwe ngentha yeba nemazwibhato kuna Khirisitu.22Bafumakadzi, muzwitebamise kubalume benyu, sekwamunothama kuna He.23Ngobe nlume un'holo wemfumakadzi saKhirisitu ali n'holo wegubungano, mbili uwe, kakale iye tjekukwe ndiye Ntjidzi wawo.24Segubungano lizwitebamisa kuna Khirisitu, ndizo bafumakadzi bo ngabazwitebamise kubalume babo mutjimwe netjimwe.25Balume, idani bafumakadzi benyu, saKhirisitu akada gubungano akapila butjilo gugwe ngentha yalo,26kuti swiyo angaliyengemadza, hule kwelitjenesa elingudza nevula ngedama,27kudze azwihhisile gubungano kuwunli lakanaka, lisakahwehwana lisina hambgwa kene tjimwe tjinhu, koga lakayengemala lisina nlandu.28Ndizo ke balume bakafanila da bafumakadzi babo semibili yabo. Iwhoyo unoda mfumakadzi uwe unozwida iye tjekukwe.29Ngobe akuna nhu unohema mbili uwe, koga unowumpa zodliwa akawuntjengeta, saKhirisitu ethama kugubungano,30ngobe tinhango dzembili uwe.31“Nentha yayikoku nlume unowhosiya tatayi namayi akanamatilana nemfumakadzi uwe, bubili gwabo banowhoba nyama in'ompela.”32Ikoku masazibgwa makulu kwazo, koga ndoleba nekwaKhirisitu negubungano,33koga ke, umwe newumwe wenyu ngaade mfumakadzi uwe sekwaanozwida iye tjekukwe, nemfumakadzi abe nemazwibhato kunlume uwe.
The Word for the World International