BaEfesu4
1Ndizo imi, nsungwa nentha yehingila He, ndomukumbila kuti mutjile nezila inoyendidzana nedan'wa kwamakawamutjila,2mutebame kakale mube banyolo, mube nemoyonlefu, mulakidze sanyalamoyo neludo kuwumwe newumwe,3mugwisa londolodza bhatana kweMeya ngekunyalala kunotibhatshanya.4Kuna mbili un'ompela neMeya in'ompela, sayikoku bo namwi makadanigwa mukugalabgwe kun'ompela pamakadan'wa,5He un'ompela, kugalamoyo kun'ompela, bvubikiwa kun'ompela,6Ndzimu un'ompela kakale ali Tate bedu toseni, ibo bapehhugwi kwedu toseni kakale ngekwedu tose, kakale bamutili tose.7Koga umwe newumwe wedu wakawamutjila ngoni kuyendidzana netjilizanyo tjepa kwaKhirisitu.8Ndizo lukwalo guti,“Wakati ewulukila pehhugwiakayenda nebatapwa banjinji,akapa banhu zwipo.”9(Hapa kuyi, “Wakawuluka,” kobvani kuhhe kwekuti wakadelukila kakale mubugalo gupasi gwehango?10Iwhoyu wakadeluka ndiye kakale wakawulukila pehhugwi kwekudzimu kose, kuti abe posepose.)11Nezwipo zwizwe zwakabe zwili zwekuti bamwe babe bapositoli, bamwe babe balebesambeli, bamwe babe bavangeli bamwe babe balisi nebadiyi,12kuti kululamisiwe bayengemali mun'hingo wehingila gubungano, mukubumbiwa kwembili waKhirisitu,13kudzina toseni tingina mukubhatana kwekugalamoyo neziba Nkololo weNdzimu, nekula kwakapelela, nange swika tjiyelo tjakapelela tjebuhhalo gwaKhirisitu,14kuyetila kuti tisitjabe ngawana, dzinoposegwa yeno nayeno kakale dzinosengwa ngeyimwe neyimwe mhepo yezwidiyo, ngebupitipiti nendongoloso dzebanhu dzinotjengela.15Koga, tileba malebeswa muludo, towhokula muna kose tikaba mbili uwe iwhoyo un'holo, iye Khirisitu,16kubva muwunli, mbili wose, wakabhatshanyiwa ukalukiwa ngeyimwe neyimwe ndzinga, hapa imwe neyimwe ndungululo ihinga zwakanaka, unokula ukazwibumba muludo.17Ndizo ke ndoleba ikoku ndipa busupi muna He, kuti musitjabe mutjatjila sekunotjila Bataya, bemikumbulo isina n'hingo,18mikumbulo yabo imuhhalima, bakathubukana nebutjilo gweNdzimu nentha yesaziba kumubali, nentha yebukukutu gwemimoyo yabo;19abatjina honi batjizwipila mubutjilo gwenzipo, bethama hambgwa yose besina tjinobadziba.20Ikoku akutayiko imwi kwamakadiyika nekwaKhirisitu!21Ndizo matjiwha nekukwe kakale makadiyiwa nekukwe, saku lebeswa lili munaYesu.22Thubukanani nembumbiko whulukugwi yezwiyeto zwebutjilo gwenyu gwekutanga yakabodzewa nenjemulo mbi dzebupitipiti,23muyetiwe mube batshwa mumeya nemumikumbulo yenyu,24kakale mumbale mbumbiko ndzwa, yakabumbiwa ikafanana neNdzimu mundulamo yelebeswa nebuyengemali.25Ndizo, letjani manyepwa, umwe newumwe ngaalebe lebeswa kumbakidzani uwe, ngobe tinhango dzembili un'ompela.26Mon'wani koga musitjinye; hhuba lisidze likanongina mutjakamon'wa,27musipe Satane nkoba.28Mbava ngayisitjakwibe, koga ngayihinge, ihinge n'hingo wakanaka ngemaboko ayo, kuyetila kuti itubule bhatsha banohaya.29Kusibhude matama akayipa mumilomo yenyu, koga kubhude matama akanakila baka, sekwakunobe kuhakika, kuyetila kuti kubhatshe ibabo banowha.30Musiwhise zogwadza Meya Yakayengemala yeNdzimu, yamakatjayiwa nayo lutjayo gwehhuba lesunungugwa.31Hungu yose nebuhongola negwadziwa moyo nehhoba nemanyepwa kubhude mumuli, nebengana kose,32koga mululame kuwumwe newumwe, mube nemimoyo minyolo, muyetile umwe newumwe mazwibhatigwa, seNdzimu akamuyetila mazwibhatigwa muna Khirisitu.
The Word for the World International