Mihingo yeBapositoli28
1Hule kwekube tatjila, takakoziba kuti tjigwizi itjetjo tjaka tjiyi Malitha.2Bagali bemuhango iyeyo bakatilakidza bunhu gusakawolobegwa, ngobe bakatiwamutjila tose, bakabesa moto yezo kwaka kwatjitangisa na kakale kupota.3Phawuli waka ahaka fukatigwa lewhuni, akati edzisa mumoto kukabhuda nyoka yawha pisa ikawumpombela luboko.4Bagali bemuhango iyeyo bakati bebona tjibandana tjakalembeleka paluboko gugwe, bakati umwe kuwumwe, “Akuna mbhuzo kuti nlume iwhoyu umbulayi. Nekutobe atjila mugungwa, koga ndulamo ayitowumbvumila kuti atjile.”5Koga, iye akahahamulila tjibandana mumoto tjikasiwunlume.6Bakalindila kuti azwimbe kene kuti angowila pasi efa; koga bakati balindila kwelubaka gulefulefu bakabona kusina tjakayipa tjinowunswikila, bakahandula mikumbulo yabo bakati undzimwana.7Sangwenu pedlo nebugalo igogo kwaka kuna minda yenlume waka eli he wetjigwizi itjetjo, waka eyi Phabhulasi, wakatiwamutjila ngebunhu akatipa bugalo kwemahhuba matatu.8Kwakayetikala kuti tate baPhabhulasi baka balilele pasi begwala bugwele gweluhhahhamo nentumbgwana wemahaba; Phawuli akabakumba akatembezela, akati ababiga maboko, bakapola.9Kukati kwayetikala ikoku, bose banhu mutjigwizi baka bena dzinghwele bakahha bakapolesewa.10Bakatipa zwipo zwinjinji; nekene toyenda, bakatilongela mukepe kene ini tjinohakika mugwendo.11Hule kwemimwedzi mitatu takamilika takatanha kepe tjekuAlekizandha tjaka tjama patjigwizi itjetjo mulubaka gwembaba, tjaka tjakanamatidziwa mifananidzo yeMaphahla emidzimwana inoyi Khasita naPholakisi, mbeli kwatjo.12Takama paSiyirakhuse, tikagalapo kwemahhuba matatu.13Kubva ipapo takayenda ngekepe tikanoswika paRegiyamu; hule kwehhuba lin'ompela kukamilika mhepo inobva kuburwa, muhhuba lebubili takaswika kuPhuteyoli.14Ipapo takawana bagalimoyo, bakatikumbila kuti tigale nabo kwemahhuba ali kutondeka. Tikakotjiyenda kuRoma.15Bagalimoyo bayikoko, bakati bawha nekwedu, bamwe bakabuya bebva kunhanga yetengesela yekuAphiyasi, bamwe bebva kun'umba Dzebezi Nhatu bewhotihanganidza. Phawuli wakati ebabona akaboka Ndzimu, akasima.16Takati taswika kuRoma, Phawuli akabvumigwa gala yega, ana nghwi wengwa wakawunlinda.17Hule kwemahhuba matatu wakadana batungamili bemaJuta panhu pan'ompela; bakati bakubungana, akati kubali, “Makamu angu, nekutobe kusina tjandakatjinya kubanhu bakanyi kwedu kene tjinoleyana nemilenje yabobatategulu bedu, koga ndakasungwa kuJerusalema atugwa mumaboko emaRoma.18Bakati bandiholesesa, bakayemula ndisunungula, ngobe kwaka kusina nlandu wekuti ndingabulawa.19Koga maJuta akati alamba, ndikabe nditi ndipindisigwe kuna Khesari, nekutobe ndaka ndisina tjandingatjeta tjaba tjangu natjo.20Ndiko ikoku kwandakumbilila kuti ndimubone ndilebeleke namwi, saku kuli ngentha yekugalabgwe kwebanhu beIsirayeli kwayeta kuti ndisungwe neketane iyeyi.”21Bakati kuwunli, “Akuna whalo dzataka amutjila dzibva kuJudiya dzinoleba nekuko, kakale akuna umwe wehama wakaswika pano akakubudzilila kene leba tjakayipa nekuko.22Koga toyemula kuti tiwhe nawe tjawunokumbula; ngobe toziba kuti kolebgwa zwakayipa nekwezila iyeyi mubugalo gose.”23Bakati babiga hhuba, bakabuya kun'umba kwaaka egala bali banjinji. Akabalondesedzela ndebo iyeyo kubvila mangwanana kudza kunoswika madekwana, epa busupi nekwebumambo gweNdzimu kakale eyedza kuti abatjenesele nekwaYesu kubva munlayo waMozisi nekubva mubalebesambeli.24Bamwe bakagutshikana nekwaakaleba, koga bamwe abazogalamoyo.25Ndizo, baka kakabadzana, bakakomilika beyenda hule kwekuti Phawuli aleba ndebo in'ompela. “Meya Yakayengemala yaka yakatambunuka payakati kunlebesambeli Isaya nekwabobatategulu benyu.26“ ‘Yenda kubanhu ibaba uti,wha, mowhowha koga mukasiwhisise;nebona, mowhobona koga mukasibonesese.27Ngobe moyo webanhu ibaba wati zwi,nezebe dzabo dzatjiti tshi,nemeho abo bawavululwata.Swiyo bangabva bebona nemeho abo,bakawha nezebe dzabo,kakale bakapedzisisa nemimoyo yabo,bakahandukila kundili kutindibapodze.’ ”28“Zibani ke kuti tjidza kweNdzimu ikoku kwatjiyendesewa kuBataya, banowhowhilila.”29 [Wakati aleba matama iyawa, maJuta akamilika oyenda, ekakabadzana kwazo.]30Wakagalapo kwemakole mabili ahhele egala paanozwilipila, ewamutjila bose baka behha kuwunli,31esumikila bumambo gweNdzimu kakale ediya nekwaHe Yesu Khirisitu akahalabvuka asingadzibisiwe.
The Word for the World International