BaRoma1
1Phawuli, nlanda waKhirisitu Yesu, wakatiwa mpositoli, kakale wakahaligwa sumikila Ndebo Mbuya yeNdzimu,2yaakagadzabgwe ngebalebesambeli babe muwhalo dzakayengemala,3nekweNkololo uwe, Khirisitu Yesu He wedu, ngezwagwa kwenyama waka eli wen'umba yaDavida,4kakale ngeMeya yebuyengemali wakagadziwa ngesimba kuti abe Nkololo weNdzimu, nentha yemuka kubafi, iye Yesu Khirisitu He wedu.5Ngentha iye taka amutjila ngoni nebupositoli kuti kube nekuwhilila kwebugalimoyo munjudzi dzose, kuyetila gudzo lezina lile.6Pakati kwabo bo namwibo, makadan'wa kuti mube baYesu Khirisitu.7Kunayibo bose bamuRoma banodikala beNdzimu, bakadan'wa kuti babe baka yengemala.
Ngoni nekunyalala kunobva kuNdzimu tate bedu naHe Yesu Khirisitu ngakube kumuli.8Tjekutanga, ndomubokela kuNdzimu wangu muzina laYesu Khirisitu, ngobe galamoyo kwenyu kolebgwa muhango yose.9Ndzimu unsupi wangu, iye wandinonamata ngemeya yangu wose mukusumikila ndebo mbuya yeNkololo uwe, unoziba kuti ndogala ndimusa mumitembezelo yangu gose lubaka,10nditembezela ndikumbila kuti ngeludo gweNdzimu, hapa kuyetikala ndibhudilile hha ndiwhomukumba.11Ngobe ndoyemula hangana namwi kudze ndimupe tjipo tjemeya tjinowhomusimisa.12Ndobva kuti, imwi nami tingakuludzilana, ngegalamoyo, umwe esimisiwa nekwewumwe, kwenyu ngekwangu.13Anditohaka kuti musizibe, hama dzangu, kuti ndandigala ndigwisa kuti ndihhe kumuli (koga ndandikon'wa kudza kunoti ngwenuwali), kudze ndiwane mitjelo mumuli, sekwandakawana mubamwe Bataya.14Ndina nlandu kuMaGiriki nebasi MaGiriki, kuna bakatjenjela nezwilengwe.15Ndizo mukati kwangu ndoyemula kwazo kuti ndisumikile ndebo mbuya kumuli imwi mumuRoma.16Ngobe andina honi nekweNdebo Mbuya. Masimba eNdzimu etjidza nhu wose unogalamoyo; Njhuta kutanga, kukotebela Nghiriki.17Lulama kunobva kuNdzimu kozumbunugwa mundebo mbuya, kubva mukugalamoyo koga, sekwakwaka kwagwa. “Bakalulama banowhotjila ngegalamoyo.”18Ngobe buhongola gweNdzimu golakidziwa gubva kudzimu gugwisana nebasina bubuya nebakayipa banotshambidzila lebeswa ngebuyipi gwabo;19ngobe tjingazibgwa ngekweNdzimu tjipatjena kubali; ngobe Ndzimu wakabalakidza itjo.20Kubvila pakuyetiwa kwehango tjimo tjeNdzimu tjesabonakala, simba lile lisingapele nebukulu gugwe gwakabonakala, kuwhisisika ngentha yemihingo iye, kuyetila kuti banhu basiwane tjabangadzeta natjo.21Ngobe nekene bakaziba Ndzimu, abazotongowunkudza seNdzimu kakale abazotongowuboka, koga kumbula kwabo nemikumbulo yabo isina hanya yakabe nehhalima bakahaya kuwhisisa mumimoyo yabo.22Nekene baka bezwita bakatjenjela, bakaba zwilengwe,23kakale bakahandulila gudzo leNdzimu usingabole bakalifananisa nemifananidzo yebanhu banofa, neenyunywana, neezwibanda zwemakumbo mana neezwibanda zwinosoba.24Ndizo Ndzimu wakabaletjedzela mukutjiba kwemimoyo yabo muzwibi, belengudza mibili yabo pakati kwabo.25Bakahandulila lebeswa leNdzimu ndemanyepwa, kakale bakanamata bakahingila zwinhu zwakabumbiwa besiya Mbumbi iye wakafanila, wakakombolegwa nekusingapele! Akujalo.26Nentha yayikoku, Ndzimu wakabaletjedzela kunjemulo dzebupombgwe dzisina gudzo, ngobe betjikadzi babo bakasiya dana nebalume, bakathama kusi kwembumbiko.27Nebetjilume bo bakasiya dana nebetjikadzi ngekwembumbiko, baka tjiba bamwe balume. Balume beyeta zwiyeto nebamwe balume besina honi, baka amutjila mubali nlango ngekutjinya kwabo.28Pehhugwi kwayikoko, saku besakabona kuli kuhine kuti babvume Ndzimu, Ndzimu wakabaletjedzela kumikumbulo yakaleleka, kuti bathame zwisakalizanila yetiwa.29Balihhele bubi gose, kusalulama, tjiba, zwiyeto zwakayipa. Balihhele fupa, bubulayi, kakabadzana, tjengela, mikumbulo yakayipa, nebun'wa,30banyepi, babengi beNdzimu, bana masapa, banozwikudza, banozwiloba fuba, banobumba zila dzeyeta zwibi, basingawhilile bazwadzi,31basina kuwhisisa; banovuna zwilangano; basina ludo; basina mawhilangoni.32Nekene beziba nlayo weNdzimu, unoti ibabo banothama zwinhu zwakajalo tjakabalizanila whufa, abatongoyendila mbeli bethama zwinhu izwezwi koga, banobvumilana nebanozwithama.
Ngoni nekunyalala kunobva kuNdzimu tate bedu naHe Yesu Khirisitu ngakube kumuli.8Tjekutanga, ndomubokela kuNdzimu wangu muzina laYesu Khirisitu, ngobe galamoyo kwenyu kolebgwa muhango yose.9Ndzimu unsupi wangu, iye wandinonamata ngemeya yangu wose mukusumikila ndebo mbuya yeNkololo uwe, unoziba kuti ndogala ndimusa mumitembezelo yangu gose lubaka,10nditembezela ndikumbila kuti ngeludo gweNdzimu, hapa kuyetikala ndibhudilile hha ndiwhomukumba.11Ngobe ndoyemula hangana namwi kudze ndimupe tjipo tjemeya tjinowhomusimisa.12Ndobva kuti, imwi nami tingakuludzilana, ngegalamoyo, umwe esimisiwa nekwewumwe, kwenyu ngekwangu.13Anditohaka kuti musizibe, hama dzangu, kuti ndandigala ndigwisa kuti ndihhe kumuli (koga ndandikon'wa kudza kunoti ngwenuwali), kudze ndiwane mitjelo mumuli, sekwandakawana mubamwe Bataya.14Ndina nlandu kuMaGiriki nebasi MaGiriki, kuna bakatjenjela nezwilengwe.15Ndizo mukati kwangu ndoyemula kwazo kuti ndisumikile ndebo mbuya kumuli imwi mumuRoma.16Ngobe andina honi nekweNdebo Mbuya. Masimba eNdzimu etjidza nhu wose unogalamoyo; Njhuta kutanga, kukotebela Nghiriki.17Lulama kunobva kuNdzimu kozumbunugwa mundebo mbuya, kubva mukugalamoyo koga, sekwakwaka kwagwa. “Bakalulama banowhotjila ngegalamoyo.”18Ngobe buhongola gweNdzimu golakidziwa gubva kudzimu gugwisana nebasina bubuya nebakayipa banotshambidzila lebeswa ngebuyipi gwabo;19ngobe tjingazibgwa ngekweNdzimu tjipatjena kubali; ngobe Ndzimu wakabalakidza itjo.20Kubvila pakuyetiwa kwehango tjimo tjeNdzimu tjesabonakala, simba lile lisingapele nebukulu gugwe gwakabonakala, kuwhisisika ngentha yemihingo iye, kuyetila kuti banhu basiwane tjabangadzeta natjo.21Ngobe nekene bakaziba Ndzimu, abazotongowunkudza seNdzimu kakale abazotongowuboka, koga kumbula kwabo nemikumbulo yabo isina hanya yakabe nehhalima bakahaya kuwhisisa mumimoyo yabo.22Nekene baka bezwita bakatjenjela, bakaba zwilengwe,23kakale bakahandulila gudzo leNdzimu usingabole bakalifananisa nemifananidzo yebanhu banofa, neenyunywana, neezwibanda zwemakumbo mana neezwibanda zwinosoba.24Ndizo Ndzimu wakabaletjedzela mukutjiba kwemimoyo yabo muzwibi, belengudza mibili yabo pakati kwabo.25Bakahandulila lebeswa leNdzimu ndemanyepwa, kakale bakanamata bakahingila zwinhu zwakabumbiwa besiya Mbumbi iye wakafanila, wakakombolegwa nekusingapele! Akujalo.26Nentha yayikoku, Ndzimu wakabaletjedzela kunjemulo dzebupombgwe dzisina gudzo, ngobe betjikadzi babo bakasiya dana nebalume, bakathama kusi kwembumbiko.27Nebetjilume bo bakasiya dana nebetjikadzi ngekwembumbiko, baka tjiba bamwe balume. Balume beyeta zwiyeto nebamwe balume besina honi, baka amutjila mubali nlango ngekutjinya kwabo.28Pehhugwi kwayikoko, saku besakabona kuli kuhine kuti babvume Ndzimu, Ndzimu wakabaletjedzela kumikumbulo yakaleleka, kuti bathame zwisakalizanila yetiwa.29Balihhele bubi gose, kusalulama, tjiba, zwiyeto zwakayipa. Balihhele fupa, bubulayi, kakabadzana, tjengela, mikumbulo yakayipa, nebun'wa,30banyepi, babengi beNdzimu, bana masapa, banozwikudza, banozwiloba fuba, banobumba zila dzeyeta zwibi, basingawhilile bazwadzi,31basina kuwhisisa; banovuna zwilangano; basina ludo; basina mawhilangoni.32Nekene beziba nlayo weNdzimu, unoti ibabo banothama zwinhu zwakajalo tjakabalizanila whufa, abatongoyendila mbeli bethama zwinhu izwezwi koga, banobvumilana nebanozwithama.
The Word for the World International