Mihingo yeBapositoli26
1Agiripha wakati kuna Phawuli, “Unambvumo yekuti uzwilebelekele.”
Phawuli akatambunudza luboko gugwe akatangisa kuzwimila, eti.2“Ndokumbula kuti ndina mhahha kuti ndime mbeli kwenyu nasi, Mambo Agiripha, ndizwimila nekwemilandu yose yandinotilikiwa ngemaJuta,3ngobe moziba kwazo milenje yemaJuta nenyanyayidzana kwawo; ndizo ndomukumbila kuti mundiwhilile makabiga moyo.”4“Tjila kwangu kubvila nditjintshwa, nditjila muhango yakanyi kwangu nemuJerusalema, kozibgwa nemaJuta ose.5Bakakuziba ntolo kubvila nditjintjetjana bengapa busupi, hapa beda, kuti ndakatobela lunamato gwedu, nditjila seMfarisi.6Sangwenu ndimile pano nditongegwa galabgwe tjigadzabgwe tjakayetiwa neNdzimu kuna bobatategulu bedu,7itjo tjinhu njudzi dzedu dzili gumi nembili tjadzakalingilila tjiwamutjila, dzinamata Ndzimu siku nesikati dzakalonga moyo. Ngono ngentha yayikoku galabgwe, maJuta anonditilika nlandu mambo!8Ngentha yeni imwi mupano mukumbula kuti akutowhofa kwayetikala kuti Ndzimu unomusa bafi?”9“Imi tjekwangu ndaka ndiwana kwakalulama kuti ndiyete zwinhu zwinoleyana nezina laYesu wekuNazaretha.10Ndakathama ndijalo muJerusalema; andizotongohhalilila bayengemali banjinji mujele koga ngesimba lebaphirisiti bakulu, koga pabaka bebulawa nami bo ndaka ndibvumilana nako.11Ndakandigozwa balanga muyimwe neyimwe sinagogu, ndibamanikidza kuti batuke Ndzimu wabo; kakale ngebagwadziligwa moyo, ndakabadziyidza kudza kunoswika kumizi-mikulu yebataya.”12“Ndizo ndakayenda kuDamasikasi ndina simba nembvumo yebaphirisiti bakulu.13Kukati pakati kwemasikati, mambo, ndili muzila ndikabona tjedza tjibva kudzimu, tjinopenya kupinda hhuba, tjipenya pandili nepana ibabo bandaka ndiyenda nabo.14Tikati tawila pasi tose, ndikawha whi lilebeleka nami neTjiHhebheru liti, ‘Sawuli, Sawuli, unondidziyidzilani kene? Nozwikubadza nepfulana nemimhiwa .’15Ndikabhuzwa nditi, ‘Ndimwi yani He?’ He akati, ‘Ndimi Yesu wawunodziyidza.16Koga milika ume nemakumbo awo; ngobe ndazwilakidza kukuli ndiyetila kuhala kuti ube n'hingi kakale upe busupi nekwezwinhu zwawabona nezwandinowhokulakidza,17ndowhokuwangulila kubanhu nekuBataya, bandinokutuma kubali18kuti uhhule meho abo, kuti babve musimba laSatane nemuhhalima, bayende kutjedza beyenda kuNdzimu, kudze bayetigwe mazwibhatigwa matjinyo abo nekuti bawane bugalo pakati kwebakayengemadziwa ngekugalamoyo mundili.’ ”19“Ndizo ke, mambo Agiripha, andizolamba whilila mbono wekudzimu,20koga ndakasumikila kubanhu bekuDamasikasi kutanga, ndikakotjisumikila kuna bekuJerusalema nentunhu wose weJudiya, kose nekuBataya, kuti bahanduke kakale batendebukile kuNdzimu bayete mihingo yakafanila handuka kwabo.21Ngentha yayikoku maJuta akandibhata muthempeli akayedza kuti andibulaye.22Ndandibhatshiwa neNdzimu kudzina kuswika nasi, ndizo ndilimile pano ndipa busupi kubatukununu nekubakulu, ndisingalebe kumwe kuhhe kwekwakalebgwa ngebalebesambeli naMozisi beti kowhoyetikala.23kuti Khirisitu wakafanila dziyila, nekuti, nekuba iye wekutanga muka kubafi, unowhosumikila tjedza kubanhu beludzi gugwe nekuBataya.”24Etjalebeleka ezwimila, Fesitasi wakalebeleka newhi lipehhugwi eti, “Unopenga Phawuli; diyika kuko kunjisa kwekupengesa.”25Koga Phawuli wakati, “Anditopenga, unokudziwa Fesitasi, koga ndoleba lebeswa lakatambunuka.26Ngobe mambo banoziba nekwezwinhu izwezwi, kakale ndolebeleka nabo ndakahalabvuka; ngobe ndinalebeswa kuti akuna tjimwe tjayizwezwi zwinhu tjabasingazibe, ngobe ikoku akuzoyetika pakasumbikika.27Mambo Agiripha, mogalamoyo balebesambeli? Ndoziba kuti mogalamoyo.”28Agiripha wakati kuna Phawuli, “Nokumbula kuti nelubakanyana igogu ungandithama Nkhirisitu!”29Phawuli wakati, “Gungabe gufupi kene gulefu, ndotembezela kuNdzimu kuti athame kusibe imwi moga koga nayibo bose banondiwha muhhuba lanasi babe sekwandili iko, kuhhe kweketane idzedzi.”30Mambo nembhati wentunhu naBhenisi bakamilika, kose nebabaka baligele nabo;31bakati batjibva ipapo, bakalebelesana beti, “Nlume iwhoyu akuna tjaathama tjaakafanila bulayigwa kene sigwa mujele.”32Agiripha wakati kuna Fesitasi, “Nlume iwhoyu waangabe asunungugwa hapa waka esakumbila pindisigwa kuna Khesari.”
Phawuli akatambunudza luboko gugwe akatangisa kuzwimila, eti.2“Ndokumbula kuti ndina mhahha kuti ndime mbeli kwenyu nasi, Mambo Agiripha, ndizwimila nekwemilandu yose yandinotilikiwa ngemaJuta,3ngobe moziba kwazo milenje yemaJuta nenyanyayidzana kwawo; ndizo ndomukumbila kuti mundiwhilile makabiga moyo.”4“Tjila kwangu kubvila nditjintshwa, nditjila muhango yakanyi kwangu nemuJerusalema, kozibgwa nemaJuta ose.5Bakakuziba ntolo kubvila nditjintjetjana bengapa busupi, hapa beda, kuti ndakatobela lunamato gwedu, nditjila seMfarisi.6Sangwenu ndimile pano nditongegwa galabgwe tjigadzabgwe tjakayetiwa neNdzimu kuna bobatategulu bedu,7itjo tjinhu njudzi dzedu dzili gumi nembili tjadzakalingilila tjiwamutjila, dzinamata Ndzimu siku nesikati dzakalonga moyo. Ngono ngentha yayikoku galabgwe, maJuta anonditilika nlandu mambo!8Ngentha yeni imwi mupano mukumbula kuti akutowhofa kwayetikala kuti Ndzimu unomusa bafi?”9“Imi tjekwangu ndaka ndiwana kwakalulama kuti ndiyete zwinhu zwinoleyana nezina laYesu wekuNazaretha.10Ndakathama ndijalo muJerusalema; andizotongohhalilila bayengemali banjinji mujele koga ngesimba lebaphirisiti bakulu, koga pabaka bebulawa nami bo ndaka ndibvumilana nako.11Ndakandigozwa balanga muyimwe neyimwe sinagogu, ndibamanikidza kuti batuke Ndzimu wabo; kakale ngebagwadziligwa moyo, ndakabadziyidza kudza kunoswika kumizi-mikulu yebataya.”12“Ndizo ndakayenda kuDamasikasi ndina simba nembvumo yebaphirisiti bakulu.13Kukati pakati kwemasikati, mambo, ndili muzila ndikabona tjedza tjibva kudzimu, tjinopenya kupinda hhuba, tjipenya pandili nepana ibabo bandaka ndiyenda nabo.14Tikati tawila pasi tose, ndikawha whi lilebeleka nami neTjiHhebheru liti, ‘Sawuli, Sawuli, unondidziyidzilani kene? Nozwikubadza nepfulana nemimhiwa .’15Ndikabhuzwa nditi, ‘Ndimwi yani He?’ He akati, ‘Ndimi Yesu wawunodziyidza.16Koga milika ume nemakumbo awo; ngobe ndazwilakidza kukuli ndiyetila kuhala kuti ube n'hingi kakale upe busupi nekwezwinhu zwawabona nezwandinowhokulakidza,17ndowhokuwangulila kubanhu nekuBataya, bandinokutuma kubali18kuti uhhule meho abo, kuti babve musimba laSatane nemuhhalima, bayende kutjedza beyenda kuNdzimu, kudze bayetigwe mazwibhatigwa matjinyo abo nekuti bawane bugalo pakati kwebakayengemadziwa ngekugalamoyo mundili.’ ”19“Ndizo ke, mambo Agiripha, andizolamba whilila mbono wekudzimu,20koga ndakasumikila kubanhu bekuDamasikasi kutanga, ndikakotjisumikila kuna bekuJerusalema nentunhu wose weJudiya, kose nekuBataya, kuti bahanduke kakale batendebukile kuNdzimu bayete mihingo yakafanila handuka kwabo.21Ngentha yayikoku maJuta akandibhata muthempeli akayedza kuti andibulaye.22Ndandibhatshiwa neNdzimu kudzina kuswika nasi, ndizo ndilimile pano ndipa busupi kubatukununu nekubakulu, ndisingalebe kumwe kuhhe kwekwakalebgwa ngebalebesambeli naMozisi beti kowhoyetikala.23kuti Khirisitu wakafanila dziyila, nekuti, nekuba iye wekutanga muka kubafi, unowhosumikila tjedza kubanhu beludzi gugwe nekuBataya.”24Etjalebeleka ezwimila, Fesitasi wakalebeleka newhi lipehhugwi eti, “Unopenga Phawuli; diyika kuko kunjisa kwekupengesa.”25Koga Phawuli wakati, “Anditopenga, unokudziwa Fesitasi, koga ndoleba lebeswa lakatambunuka.26Ngobe mambo banoziba nekwezwinhu izwezwi, kakale ndolebeleka nabo ndakahalabvuka; ngobe ndinalebeswa kuti akuna tjimwe tjayizwezwi zwinhu tjabasingazibe, ngobe ikoku akuzoyetika pakasumbikika.27Mambo Agiripha, mogalamoyo balebesambeli? Ndoziba kuti mogalamoyo.”28Agiripha wakati kuna Phawuli, “Nokumbula kuti nelubakanyana igogu ungandithama Nkhirisitu!”29Phawuli wakati, “Gungabe gufupi kene gulefu, ndotembezela kuNdzimu kuti athame kusibe imwi moga koga nayibo bose banondiwha muhhuba lanasi babe sekwandili iko, kuhhe kweketane idzedzi.”30Mambo nembhati wentunhu naBhenisi bakamilika, kose nebabaka baligele nabo;31bakati batjibva ipapo, bakalebelesana beti, “Nlume iwhoyu akuna tjaathama tjaakafanila bulayigwa kene sigwa mujele.”32Agiripha wakati kuna Fesitasi, “Nlume iwhoyu waangabe asunungugwa hapa waka esakumbila pindisigwa kuna Khesari.”
The Word for the World International