Mihingo yeBapositoli25
1Hule kwemahhuba matatu Fesitasi aswika muntunhu, wakayenda kuJerusalema ebva kuKhesariya.2Baphirisiti bakulu nebatungamili bemaJuta bakawunzibisa nekwaPhawuli; bakawuntetedza,3bekumbila kuti abhatshe nehhisa Phawuli kuJerusalema, kana baka belangana kuti bawumbgwatilile muzila bawumbulaye.4Fesitasi wakahandula eti, “Phawuli wakahhaliligwa kuKhesariya, kakale ndowhoyenda ko tjinyolotjo.5Ndizo, bamwe batungamili pakati kwenyu ngabayende nami, hapa kuna tjaakatjinya bawuntilike nlandu.”6Wakati agala nabo kwemahhuba angaswika hhanakadzi kene gumi, akayenda kuKhesariya; tjimuka akadana lubahhe gwetonga akalaya kuti Phawuli ahhisiwe.7Phawuli wakati atjibuya, maJuta aka abuya ebva kuJerusalema akawunkombeledza, ewuntilika milandu minjinji yakasima yaasingatubule pa busupi nekwayo.8Phawuli wakazwihandulila eti, “Andizotjuluka nlayo wemaJuta, kene iko tjinyila thempeli, kene iko tjinyila Khesari.”9Koga Fesitasi, ehaka diwa nemaJuta, wakati kuna Phawuli, “Unohaka yenda kuJerusalema, kuti unotongegwa milandu iyeyi mbeli kwangu?”10Koga Phawuli wakati, “Ndimile mbeli kwelubahhe gwetonga gwaKhesari, ndipo pandakafanila tongegwa; maJuta akuna tjandakabatjinyila, sekwamunoziba bo.11Hapa kuli kuti ndintjinyi, kuna tjandakathama tjandakafanila fila, anditohaka kuti ndidzete lufu; koga hapa milandu yabanonditilika isi lebeswa, akuna unganditula mumaboko abo. Iyeyi ndebo inopindila kuna Khesari.”12Ndizo Fesitasi, hule kwelebeleka nelubahhe, wakahandula eti, “Wakumbila kuti ndebo iyeyi ipindisigwe kuna Khesari; unowhopindisigwa kuna Khesari.”13Kwakati kwapinda mahhubanyana, mambo Agiripha naBhenisi bakaswika kuKhesariya bewhowamutjila Fesitasi.14Bakati batjigala mahhuba manjinji, Fesitasi akabikila mambo nekwaPhawuli, eti, “Kuna nlume wakasiyiwa naFelikisi ali nsungwa;15ndikati ndili kuJerusalema, baphirisiti bakulu nebawhola bemaJuta bakandibudza nekukwe, bekumbila kuti awanike nlandu.16Ndikababudza kuti akuta mpanga wemaRoma kuti nhu awanike nlandu iye asanhu akalingisana nebanowuntilika nlandu, kakale akapiwa lubaka gwekuti azwihandulile munlandu waatilikiwa.17Bakati babuya pano bose, andizononoka, koga tjimuka ndakagala nelubahhe gwetonga ndikalaya kuti nlume iwhoyo ahhisiwe.18Banowuntilika nlandu bakamilika, koga abazohhisa nlandu wakayipa sekwandaka ndikumbula;19koga bakabenyanyayidzana naye nekwelunamato gwabo, nekwewumwe nlume unoyi Yesu, wakafa, koga Phawuli waka esimisa kuti umpenyu.20Ndahaya kuti ndihakisise tjini nekwendebo iyeyo, ndakawumbhuzwa kuti unohaka yenda kuJerusalema anotongegwa ndebo iyeyo ko.21Koga Phawuli wakati akumbila kuti asiyiwe alimujele akamilila tongwa namambo, ndakalaya kuti ahhaliligwe ndidze ndiwuntumile kuna Khesari.”22Agiripha wakati kuna Fesitasi, “Ndohaka zwiwhila nlume iwhoyo.”
Fesitasi wakahandula eti, “Mowhozwiwhila iye mangwana.”23Ndizo tjimuka Agiripha naBhenisi bakabuya bakambala zwakanaka kwazo, bakangina mun'umba whulu yelubahhe bana batungamili bebagwi bengwa nebanhu bapehhugwi benzi-nkulu. Ndizo Fesitasi akalaya kuti Phawuli ahhisiwe.24Fesitasi wakati, “Mambo Agiripha namwi mose mupano naswi, mowumbona nlume iwhoyu, maJuta ose, akuJerusalema ne amuno akandikumbila, emimila eti haazofanila yendilambeli etjila.25Koga ndakawana kusina tjaathama tjakalizanila lufu. Ndizo sekwaaka akumbila kuti apindisigwe mbeli kuna mambo, ndakabona kuti ndiwuyendise.26Koga andina tjinhu tjakwako tjandingakwalila mambo wangu nekukwe. Ndizo ndawunlesi mbeli kwenyu, bukulu mbeli kwenyu imwi Mambo Agiripha, kudze, hule kwekuwun'holesesa, ndiwane tjandingakwala.27Ngobe kundili konga tjinhu tjisina nkumbulo, kuti nditumile nsungwa, ndisingalayidze kuti nlandu uwe ndeweni.”
Fesitasi wakahandula eti, “Mowhozwiwhila iye mangwana.”23Ndizo tjimuka Agiripha naBhenisi bakabuya bakambala zwakanaka kwazo, bakangina mun'umba whulu yelubahhe bana batungamili bebagwi bengwa nebanhu bapehhugwi benzi-nkulu. Ndizo Fesitasi akalaya kuti Phawuli ahhisiwe.24Fesitasi wakati, “Mambo Agiripha namwi mose mupano naswi, mowumbona nlume iwhoyu, maJuta ose, akuJerusalema ne amuno akandikumbila, emimila eti haazofanila yendilambeli etjila.25Koga ndakawana kusina tjaathama tjakalizanila lufu. Ndizo sekwaaka akumbila kuti apindisigwe mbeli kuna mambo, ndakabona kuti ndiwuyendise.26Koga andina tjinhu tjakwako tjandingakwalila mambo wangu nekukwe. Ndizo ndawunlesi mbeli kwenyu, bukulu mbeli kwenyu imwi Mambo Agiripha, kudze, hule kwekuwun'holesesa, ndiwane tjandingakwala.27Ngobe kundili konga tjinhu tjisina nkumbulo, kuti nditumile nsungwa, ndisingalayidze kuti nlandu uwe ndeweni.”
The Word for the World International