Mihingo yeBapositoli24
1Hule kwemahhuba mahanu mphirisiti nkulu unoyi Ananiyasi wakahha anabamwe bawhola nenlebeleki unoyi Thethulasi. Bakatula ndebo yabo nekwaPhawuli mbeli kwembhati wentunhu;2akati atjidan'wa, Thethulasi akatangisa wuntilika nlandu eti. “Saku tina kunyalala kungapa ngentha yenyu, kakale kwaba nemilayo inoyetigwa tjaba tjino, ngentha yebutjenjebvu gwenyu.3Unolemekedzewa Felikisi, tokuwamutjila ikoku nezila dzose nemubugalo gose tina kuboka kukulu.4Koga, kuyetila kuti tisimubhatilile, ndomukumbila kuti mutiwhilile kwelubakanyana.5Ngobe tawana kuti nlume iwhoyu umbatsha mutjaba, unodzonganya maJuta muhango yose, kakale untungamili wembunga wakalahika wemaNazarini.6Wakatongoyedza longa hambgwa thempeli, koga tikawumbhata.7 8Ngekuwumbhuzwisisa imwi tjekwenyu, mowhotubula bhuda nelebeswa nekwemilandu yatinowuntilika iyo.”9MaJuta bo akanginila ndebo iyeyo, besimisa kuti kose ikoku kumalebeswa.10Kwakati mbhati wentunhu atjiwulakidza ngeluboko kuti alebeleke, Phawuli akalebeleka eti. “Ndoziba kuti kwaba makole manjinji muli ntongi wetjaba tjino, ndizo ke ndotula kuzwimila kwangu ndakasununguka.11Sekwamungabvuma bo, akwanhu kwapinda mahhuba aligumi nemabili ndakayenda kunonamata kuJerusalema;12abazondiwana ndikakabadzana nenhu kene ndidzonganya mbunga webanhu, muthempeli kene musinagogu, kene munzi-nkulu.13Kakale abana tjinobhatika tjinolakidza kuti milandu yabanonditilika iyo ilebeswa.14Koga ke ndobvuma whoku mbeli kwenyu, kuti nekweZila, yabanodana beti whulahika, ndonamata Ndzimu wabotate bedu, ndigalamoyo kose kwakabigwa munlayo kene kwakakwagwa muwhalo dzebalebesambeli,15ndina kugalabgwe muNdzimu ikoko kwabanako bo ibaba, kuti ibabo bakalulama nebabi banowhomuka kubafi.16Ndizo ndogala ndigwisa tjose ba nehana mbuyanana mbeli kweNdzimu nambeli kwebanhu.”17“Hule kwemakole manjinji, ndakabuya kuyetila kuti ndihhise zwipo zwengoni nepila zwibhayilo, mutjaba tjakanyi kwangu.18Ndaka nditjathama ikoku, bakandiwana ndatjenesewa muthempeli, kusina mbunga wandinawo, kene bhonyongo landaka ndithama.19Koga kuna amwe maJuta aka ebva kuAsiya, akafanila ba ali pano mbeli kwenyu enditilika nlandu, hapa kuli kuti kuna tjaanatjo nekwangu.20Kene ibaba balume tjekwabo ngabalebe kuti bakandiwana kupi tjinya pandakama mbeli kwelubahhe,21kuhhe kwetjinhu yetji tjin'ompela tjandakamimila ndilimile pakati kwabo. ‘Ngentha yekumuka kubafi mondilonga nlandu muhhuba lanasi.’ ”22Koga Felikisi, analuzibo guhhele nekweZila, wakamisa ndebo, eti, “Lisiyasi nlawuli webagwi bengwa paanobuya, ndowhopedzisa ndebo yenyu.”23Akalaya nlawuli webagwi bengwa kuti Phawuli alisiwe koga abe nensununguko yakalizanila, nekuti kubvumigwe bakwinya babe bawumbhatshe nezwaanohaka.24Hule kwemahhuba Felikisi wakabuya nemfumakadzi uwe waka eyi Durusila, waka ali Njhuta; wakati kudan'we Phawuli akawuwhilila elebeleka nekwegalabgwe muna Khirisitu Yesu.25Phawuli wakati etjaleba nekwendulamo, nekuzwidziba netongewa kunowhohha, Felikisi akahhigwa nekuhla akati, “Yenda kwangwenuwali; hapa ndawana lubaka ndowhokudana.”26Mulubaka igogo waka akalingilila kuti unowhopiwa mari naPhawuli, ndizo waka ogala ewundhana elebeleka naye.27Kwapinda makole mabili, Phoshiyasi Fesitasi wakangina mubugalo gwaFelikisi; koga ngentha yekuti Felikisi waka ehaka diwa nemaJuta, wakasiya Phawuli ali mujele.
The Word for the World International