2 BaKhorinte5
1Ngobe toziba kuti hapa dumba lamuno muhango latinogala mulili likolomogwa, tina mbako unobva kuNdzimu, n'umba isakabakiwa ngemaboko enhu, iyapo ngekusingapele kudzimu.2Saku wali totawumba, tiyemula kuti timbale bugalo gwedu gwekudzimu,3kudze ngegumbala tisiwanike tili mbudlo.4Hapa titji mudumba ileli, tolemegwa nehungu; ngobe atitohaka sambala, koga tohaka kuti timbale bugalo gwedu gwekudzimu kudze mbili unofa umidziwe nebutjilo.5Iye watibaakanya etilulamisila ikoku ndiNdzimu, ndiyezwe watipa Meya setjigadzabgwe.6Ndizo wali tina tjilopa gose lubaka; toziba kuti hapa titjikanyi mumbili tikulekule naHe,7ngobe totjila ngegalamoyo, kusi ngebona.8Tina tjilopa tjibuya, kakale tokumbula kuti kuhine ba kulekule nembili, tili kanyi naHe.9Ndizo ke kuti tikanyi kene tikulekule, tozwipila wun'hanhisa.10Ngobe toseni takafanila ma mbeli kwetjigalo tjetonga tjaKhirisitu, kudze umwe newumwe awamutjile tjakawumfanila, kuyendidzana nethama kukwe etjatjila mumbili, kubuya kene kubi.11Ndizo ke, saku tiziba kuti ini hla He, totetedza banhu; koga tjatili itjo tjozibgwa neNdzimu, kakale ndogalabgwe kuti namwi bo tjatili itjo motjiziba muhana dzenyu.12Atitozwikudza kumuli kakale, koga tomuzibisa tjinothama mukazwida nekwedu, kuyetila kuti mutubule handula ibabo banozwiloba fuba nekwemamo enhu kusi nekwemoyo uwe.13Hapa tilahikigwa nenkumbulo, ndekweNdzimu; hapa mikumbulo yedu yakatambunuka, kobhatsha imwi.14Kana ludo gwaKhirisitu gotilawula, ngobe tokubvuma kuti un'ompela wakafila bose; ndizo kobva kuti bose bakafa.15Kakale wakafila banhu bose, kudze ibabo banotjila basitjazwitjilile koga batjilile iye wakabafila akamusiwa kakale.16Kubvisila ngwenuwali, ndizo ke, akuna watitjaziba ngehhiho lenyama; nekene takatongoziba Khirisitu ngehhiho lenyama, akuzotjajalo.17Ndizo ke, hapa umwe eli muna Khirisitu, watjibe mbumbiko ndzwa; whulukugwi yatjipinda, lingani, ndzwa yatjihha.18Kose ikoku kobva kuNdzimu, iye wakati bgwililulanya naye ehingisa Khirisitu kakale akatipa n'hingo webgwililulanya;19kubva kuti, muna Khirisitu Ndzimu waka ebgwililulanya hango kuwunli, asingababalile matjinyo abo, kakale wakatipa ngekutigalabgwe ndebo webgwililulanya.20Ndizo tibamilili baKhirisitu, Ndzimu eta tjikumbilo tjitje ehingisa iswi. Tomukumbilisisa muzina laKhirisitu, bgwililulanyiwani kuNdzimu.21Ngentha yedu wakawunthama akaba jinyo iye waka asingazibe jinyo, kuyetila kuti muwunli tingaba bakalulama beNdzimu.
The Word for the World International