2 BaKhorinte6
1Sebahingi kan'ompela neNdzimu, tomukumbilisisa kuti musiwamutjilile ngoni dzeNdzimu suli.2Ngobe iye unoti,“Mulubaka gwakafanila,ndakamuwhilila,ndikamutjidza,muhhuba letjidziwa.”Lingani, ngwenuwali gwatjiba lubaka gunowamutjilika; lingani, kwatjiba hhuba letjidziwa.3Atitodzibila nhu kene nayipi zila, kuyetila kuti kusibe netjakayipa tjinowanika nekwen'hingo wedu,4koga tolayidza ba bahingi beNdzimu nezila dzose. Ngekusimidzila kukulu, mukudziyidzika, mubulemo, mumamanikano,5mukulobgwa, hhaliligwa mujele, maponyongo, hinga zwakalema, sayizela, yila zodliwa;6ngebubuya, luzibo, moyolenfu, bunhu, Meya Yakayengemala, ludo gwelebeswa,7ndebo yemalebeswa, nemasimba eNdzimu; nezwigo zwendulamo zweluboko gweludli negwelumehwe;8mukulemekedzewa nesalemekedzewa, mukulebgwa zwakayipa nelebgwa zwakanaka. Tobhakhwa sebanyepi, koga iswi timulebeswa;9sebasingazibgwe, koga tizibgwa kwazo; sebanofa, koga lingani tibapenyu; sebalangiwa, koga tikasibulawe;10sebamubuyendasi, koga tihanha; sebahayi, koga tiyeta banji bakafuma; sebasina tjabo, koga tinako kose.11Talebeleka takahalabvuka kumuli, baKhorinte; mimoyo yedu yakahhulika.12Amutokwebegwa hule naswi, koga mokwebegwa hule nemimoyo yenyu.13Ndeelebeleka sekunoyi ndolebeleka nebana. Hhulani mimoyo yenyu bo.14Musibe netjinomuhanganya nebanhu basingagalemoyo. Ngobe ndulamo nebubi kungahingidzana tjini? Kene kuti tjedza tjingawililana nehhalima?15Ini Khirisitu tjaangabvumilana naBheliyali? Kene ini nghalimoyo tjaanatjo tjinofanana netje usingagalemoyo?16Nditjipi tjibvumilano tjingabapo pakati kwethempeli leNdzimu nemidzimwana yakabehhewa? Ngobe tithempeli leNdzimu mpenyu; seNdzimu kwaakati,“Ndowhogala mubalikakale ayenda pakati kwabo,ndowhoba Ndzimu wabo,ibo banowhoba banhu bangu.”17Ndizo ke He banoti,“Ibvani pabali,mupalalane nabo,musikunhe tjinhu tjina hambgwa;ndiko kwandinowhomuwamutjila,18ndowhoba tate kumuli,imwi mukaba bakololo nebakololokadzi bangu,kujalo He Masimba ose.”
The Word for the World International