1 BaKhorinte4
1Yeyi ndiyo zila imwe umwe yaangatitola ndiyo, sebalanda baKhirisitu nebatjengeti bezwakasumbikika zweNdzimu.2Pehhugwi kwayikoko kohakika kuti bantjengeti babe banogalikabgwe.3Koga kundili tjinhu tjitukununu kuti nditongwe namwi kene nagupi lubahhe zwago. Imi tjekwangu anditozwitonga.4Akuna tjandinoziba tjinogwisana nami, koga akutobva kuti andina nlandu. He ndiye unonditonga.5Ndizo musitonge lubaka gusanhu gukaswika, mililani He adze aswike, iye unowhohhisa zwinhu zwakasumbikika mutjedza akasa patjena mikumbulo yemoyo. Umwe newumwe ekotjiwamutjila lumbidziwa kunobva kuNdzimu.6Kose ikoku ndakakuhingisa kundili nekuna Apholosi kuyetila imwi, makamu, kudze muzwidiye kubva mutili kuyetila kuti musipinde tjakakwagwa, kuti kusibe newumwe wenyu unohonga ekudza umwe kupinda wumwe.7Ngobe ndiyani unobona tjakasiyana tjimubamwe? Ini tjawunatjo tjawusakawamutjila? Hapa wakatjiwamutjila, unozwilobelani fuba sekunonga kunoyi tjaka tjisi tjipo?8Sangwenu makatjigutshikana kale! Makatjifuma kale! Makatjibe bomambo iswi tisipo! Toyemula kuti kadzene mamuli bomambo, kuyetila kuti naswi bo tibe bomambo toseni namwi!9Ngobe ndokumbula kuti Ndzimu wakapa bugalo gwebupelo iswi bapositoli, sebanhu banotongegwa fa; ngobe tabe banolingiligwa nehango, nebatumwa beNdzimu nebanhu.10Tizwilengwe nentha yaKhirisitu, koga imwi makatjenjela muna Khirisitu! Tina butela, koga imwi makasima! Imwi mokudziwa, koga iswi atitokudziwa!11Kudzina kuwhobe ngwenu tinahhala nenyota, takapalukigwa kakale tolobgwa kakale atina pogala,12kakale tohinga zwakalema, tihinga nemaboko edu. Hapa tilebegwa haya, tokombolela; hapa tidziyidziwa, tosimidzila;13hapa titukiwa togwisa handula ngematama anabunhu; tayetiwa tikabe malala ehango, bonkongobogwa muzwinhu zose.14Anditokwala ikoku kuti ndimubhatise honi, koga kuti ndimukuludzile sebana bangu banodikala.15Ngobe nekutobe mungabe muna banomulela banjinji muna Khirisitu, amuna botate banjinji. Ngobe ndakabe tate benyu munaKhirisitu Yesu ngemusumikilila ndebo mbuya.16Ndizo ndomukuludzila, kuti mube bayedzeleli bangu.17Ngobe ndamutumila Thimothi, mwana wangu unodikala kakale egalikamoyo muna He, kuti amukumbudze zila dzangu muna Khirisitu Yesu, sekwandinobadiya kuntha dzose mumakubungano ose.18Bamwe banozwikudza, sekunonga kunoyi anditowhohha.19Koga ndowhohha kumuli ngwenungwenu, hapa He eda, ndowhohha ndihakisisa nekwebanhu ibaba banozwikudza kusi nekwezwilebo zwabo koga, koga kose nekuti bana api masimba.20Ngobe bumambo gweNdzimu aguta gwepanlomo koga ndegwemasimba.21Moyemulani? Ndihhe kumuli nehamu, kene neludo mumeya yebunyolonyolo?
The Word for the World International