1 BaKhorinte3
1Koga imi, makamu angu, ndakandisingatubule kuti ndilebeleke namwi sebanhu bemeya, koga sebanhu benyama, sebana batjetjana muna Khirisitu.2Ndakamupa nkaka, kusi zodliwa zwakasima; ngobe maka musanhu malulamila kuzwiwamutjila; nayiko nanasi amunhu mazwilulamila,3ngobe mutjibanhu benyama. Ngobe hapa kutjina fupa nekakabadzana pakati kwenyu, amute banhu benyama kene, amutozwibhata sebanhu bemahhuba ose?4Ngobe hapa umwe eti, “Imi ndiwa Phawuli,” umwe eti, “Imi ndiwa Apholosi,” amute banhu koga kene?5Apholosi ini ngono? Phawuli ini? Balanda bamakagalamoyo nentha yabo, sewumwe newumwe kwaakatumwa kuti ahinge naHe.6Ndakadzwala, Apholosi akadilidzila, koga Ndzimu wakakulisa.7Ndizo unodzwala kene unodilidzila haate tjimwe, koga Ndzimu yega ndiye unokulisa.8Unodzwala newunodilidzila bakalizana, umwe newumwe unowamutjila mbhayilo uwe kuyendilana nehinga kukwe.9Ngobe iswi tibahingi beNdzimu.
Imwi muminda yeNdzimu, mutjibakwa tjeNdzimu.10Kuyendilana nengoni dzeNdzimu dzandakapiwa, ndakateya mbviwa sembaki unabunyambi, kakale umwe nhu unobaka pehhugwi kwadzo. Nhu umwe newumwe ngaayele njele kuti unobaka tjini pehhugwi kwadzo.11Ngobe akuna dzimwe mbviwa dzingateyiwa kuhhe kwedzakateyiwa kale, dzinobe dzili Yesu Khirisitu.12Sangwenu hapa umwe ebaka pehhugwi kwembviwa nezeezi, siliva, mabgwe anantengo upehhugwi, whuni, buhwa, kene mahanga.13n'hingo wewumwe newumwe unowhobe patjena; ngobe Hhuba ilelo lowhowunsa patjena, ngobe kowhozumbunugwa ngemoto, kakale moto unowholika n'hingo wakatiwa newumwe newumwe.14Hapa n'hingo wabakiwa nenhu pehhugwi kwembviwa ukasala ulimile, iwhoyo nhu unowhowamutjila mbhayilo.15Hapa n'hingo wenhu ungatshwa, unowholahikigwa, nekutobe iye tjekukwe ewhotjidziwa, koga kunga kunoyi wabhugwa mumoto.16Amutoziba kuti imwi muthempeli yeNdzimu nekuti Meya yeNdzimu inogala mumuli?17Hapa kene yani zwe epaladza thempeli yeNdzimu, Ndzimu unowhowumpaladza. Nekuti thempeli yeNdzimu yakayengemala, ndimwi thempeli iyeyo.18Kusibe newunozwitjengela. Hapa kuna umwe wenyu unokumbula kuti wakatjenjela muhango ino, ngaabe tjilengwe kuyetila kuti abe ntjenjebvu.19Ngobe butjenjebvu gwehango iyeyi bulengwe kuNdzimu. Selukwalo guti, “Unobhata bakatjenjela mubupitipiti gwabo,”20kakale goti, “He unoziba kuti mikumbulo yebakatjenjela ayita tjimwe.”21Ndizo ngakusibe newunozwiloba fuba nekwebanhu. Ngobe zwinhu zose ndezwenyu,22kungabe Phawuli kene Apholosi kene Khefasi kene hango kene butjilo kene lufu kene iko ngwenuwali kene lubaka gunohha, kose ndekwenyu;23imwi muba Khirisitu; Khirisitu ali weNdzimu.
Imwi muminda yeNdzimu, mutjibakwa tjeNdzimu.10Kuyendilana nengoni dzeNdzimu dzandakapiwa, ndakateya mbviwa sembaki unabunyambi, kakale umwe nhu unobaka pehhugwi kwadzo. Nhu umwe newumwe ngaayele njele kuti unobaka tjini pehhugwi kwadzo.11Ngobe akuna dzimwe mbviwa dzingateyiwa kuhhe kwedzakateyiwa kale, dzinobe dzili Yesu Khirisitu.12Sangwenu hapa umwe ebaka pehhugwi kwembviwa nezeezi, siliva, mabgwe anantengo upehhugwi, whuni, buhwa, kene mahanga.13n'hingo wewumwe newumwe unowhobe patjena; ngobe Hhuba ilelo lowhowunsa patjena, ngobe kowhozumbunugwa ngemoto, kakale moto unowholika n'hingo wakatiwa newumwe newumwe.14Hapa n'hingo wabakiwa nenhu pehhugwi kwembviwa ukasala ulimile, iwhoyo nhu unowhowamutjila mbhayilo.15Hapa n'hingo wenhu ungatshwa, unowholahikigwa, nekutobe iye tjekukwe ewhotjidziwa, koga kunga kunoyi wabhugwa mumoto.16Amutoziba kuti imwi muthempeli yeNdzimu nekuti Meya yeNdzimu inogala mumuli?17Hapa kene yani zwe epaladza thempeli yeNdzimu, Ndzimu unowhowumpaladza. Nekuti thempeli yeNdzimu yakayengemala, ndimwi thempeli iyeyo.18Kusibe newunozwitjengela. Hapa kuna umwe wenyu unokumbula kuti wakatjenjela muhango ino, ngaabe tjilengwe kuyetila kuti abe ntjenjebvu.19Ngobe butjenjebvu gwehango iyeyi bulengwe kuNdzimu. Selukwalo guti, “Unobhata bakatjenjela mubupitipiti gwabo,”20kakale goti, “He unoziba kuti mikumbulo yebakatjenjela ayita tjimwe.”21Ndizo ngakusibe newunozwiloba fuba nekwebanhu. Ngobe zwinhu zose ndezwenyu,22kungabe Phawuli kene Apholosi kene Khefasi kene hango kene butjilo kene lufu kene iko ngwenuwali kene lubaka gunohha, kose ndekwenyu;23imwi muba Khirisitu; Khirisitu ali weNdzimu.
The Word for the World International