1 BaKhorinte5
1Lebeswa, kolebgwa iko kuti kuna kusazwibhata pakati kwenyu, sazwibhata kusanhu kukawanika kene pakati kweBataya; ngobe nlume unoyizela nemfumakadzi watate babe.2Kakale mozwikudza kwazo! Mamusakafanila kuti mulile? Unothama ikoku ngaatakhwe pakati kwenyu.3Ngobe nekutobe mbili wangu usipo koga ndiyapo mumeya, kakale ndinga ndinoyi ndiyapo, ndatjileba tongwa kale panhu wakathama tjinhu tjakajali.4Hapa mukubungana muzina laHe Yesu, ndinamwi mumeya, nemasimba aHe wedu Yesu,5mutulile nhu iwhoyu kuna Satane kuti awumpaladze munyama, kudze meya iye itjidziwe muhhuba laHe.6Zwikudza kwenyu akuzonaka. Amutoziba kuti mbidzo homanana inobidza bhundu lose?7Dusani mbidzo whulukugwi kuti mube nebhundu dzwa, malebeswa saku musakasiwa mbidzo. Ngobe Khirisitu, mhwizana yedu yephasika, wakayetiwa tjibhayilo.8Ndizo ayihanhileni nzano, tisina mbidzo whulukugwi, iyo mbidzo yebengana nebubi, koga netjinkwa tjisina mbidzo tjebubuya nemalebeswa.9Ndakamukwalila mulukwalo gwangu kuti musiwhanane nebanhu basakazwibhata;10ndisingabve basakazwibhata bemuhango ino, kene bapupi nembava, kene banonamata midzimwana, ngobe kobe kobva kuti matjifanila bva muhango.11Koga ndakamukwalila kuti musidlidzane nenhu unazina linoyi gamu koga ananlandu wekusazwibhata kene bupupi, kene unonamata midzimwana, kene unotukana, kene nlaladzi, kene mbobola. Musitongogala madla naye.12Ngobe ndineni netonga banhu bakuhhe? Ata banhu bamukati kwegubungano lebanamati bamakafanila tonga?13Ndzimu unowhotonga banhu bakuhhe. “Tatani nhu mbi pakati kwenyu.”
The Word for the World International