1 BaKhorinte2
1Pandakahha kumuli, makamu, andizohha ndisumikila busupi gwemasazibgwa eNdzimu ngematama anozipilila apehhugwi kene butjenjebvu.2Ngobe ndakahala kusaziba tjimwe pakati kwenyu kuhhe kwaYesu Khirisitu iye wakakowhomegwa.3Kwandakahha kumuli, ndakabe ndinabutela kakale ndihla kwazo nditetema,4kakale sumikila kwangu nendebo yangu kwaka kusi kwematama anozipa ebutjenjebvu, koga kuli kwelakidziwa kweMeya nemasimba,5kuti kugalamoyo kwenyu kusisendame mubutjenjebvu gwebanhu koga kusendame mumasimba eNdzimu.6Koga kuna ibabo bakatjikula mumeya toleba ndebo yebutjenjebvu, nekutobe gusi butjenjebvu gwelubaka gwangwenu kene gwebatongi belubaka gwangwenu, ibo banowhopinda.7Koga toleba butjenjebvu gweNdzimu gwemasazibgwa gwakasumbikika, igo Ndzimu gwaakahaka kuti tikudziwe ndigo hango isanhu ikabambiwa.8Akuna umwe webatongi belubaka igogu waka ekuwhisisa ikoku; ngobe hapa bakabakuwhisisa, bakabasingowhokowhomela He wegudzo.9Koga sekwakakwagwa kuti,“Tjisakabon'wa nehhiho, kene zebe tjayisakawha,kene moyo tjawusakawamutjila,ndizwo zwinhu Ndzimu zwaakabaakanyila banowundha,”10Ndzimu wakatilakidza izo neMeya. Ngobe Meya inohakisisa zwinhu zose, nange zwinhu zwakasumbikika zweNdzimu.11Ngobe ndiyani angaziba mikumbulo yenhu kuhhe kwemeya yenhu imuwunli? Ndizo akuna nhu unozibisisa mikumbulo yeNdzimu kuhhe kweMeya yeNdzimu.12Iswi atizowamutjila meya yehango, koga takawamutjila Meya inobva kuNdzimu, kuti tiwhisise zwipo zwatakapiwa neNdzimu.13Kakale toleba ikoku ngematama asingadiyiwe nebutjenjebvu gwebanhu koga anodiyiwa ngeMeya, titjenesa malebeswa emeya kuna banaMeya.14Nhu usina Meya haangawamutjile zwinhu zweMeya zwinobva kuNdzimu, ngobe zobe zwilibulengwe kuwunli, kakale haangatubule kuti azwiwhisise ngobe zowhisisiwa ngekubhatshiwa neMeya.15Nhu weMeya unolingisisa zwinhu zose, koga iye akuna nhu unotubula wunlingisisa.16Ngobe,“Ndiyani ungaziba nkumbulo waHekuti ungawunlaya?”Koga iswi tinankumbulo waKhirisitu.
The Word for the World International