1 BaKhorinte12
1Ngwenu ke, nekwezwipo zweMeya, makamu, anditohaka kuti mube banhu basingazibe.2Moziba kuti pamaka muli Bataya kuNdzimu, makamakalahika, kungabe kene nayipi zila zwako, munamata midzimwana isingalebeleke.3Ndizo ke ndohaka kuti mukuwhisise kuti akuna nhu unolebeleka ngeMeya yeNdzimu unoti “Yesu ngaalongwe bhiso!” kakale akuna ungati “Yesu ndiHe” kuhhe kwekuti elebeleka ngeMeya Yakayengemala.4Kuna zwipo zwakasiyana, koga Meya ili iyo zwayo;5kuna mihingo bo yakasiyana, koga He kuli iye zwe;6kakale kuna hinga kwakasiyana, koga ndiNdzimu iyezwe unokufemela kose munhu wose.7Umwe newumwe unopiwa kuzwilakidza kweMeya muwunli kubhatsha bose.8Umwe Meya inowumpa leba kwebutjenjebvu ngeMeya, umwe unopiwa leba kweluzibo ngeMeya iyo zwayo,9umwe unopiwa kugalamoyo ngeMeya iyo zwayo, umwe unopiwa zwipo zwepolesa ngeMeya iyo zwayo,10umwe unopiwa thama matjenamiso, umwe unopiwa bulebesambeli, umwe unopiwa tubula siyanisa dzimeya, umwe unopiwa tjipo tjendimi dzakasiyana siyana, umwe unopiwa tjipo tjetjenesa ndimi.11Kose ikoku kofemegwa ngeMeya in'ompela ili iyo zwayo, inokobela zwipo kuwumwe newumwe sekuda kwayo.12Sembili uli un'ompela una nhango njinji, nhango dzose dzembili, nekene dzilinjinji, dzimbili un'ompela, Khirisitu bo wakajalo.13Ngobe ngeMeya in'ompela takabvubikiwa mumbili un'ompela, maJuta kene maGiriki, balanda kene bakasunungugwa-kakale tose takatiwa kuti tin'we kweMeya in'ompela.14Ngobe mbili awuna nhango in'ompela koga una njinji.15Hapa gumbo lingati, “Ngobe andita luboko, andita wembili,” ikoku akutowholithama likasibe nhango yembili.16Hapa zebe ingati, “Ngobe andita hhiho, andita wembili,” ikoku akutowhoyithama ikasibe nhango yembili.17Kadzene mbili wose waka uli hhiho, wawowha neni? Hapa mbili wose waka uli zebe, wawonhuwidza neni?18Koga sekwawuli, Ndzimu wakabiganya imwe neyimwe nhango mumbili, sehala kukwe.19Hapa nhango dzose dzembili dzadzili nhango in'ompela, mbili wawhoba poni?20Sekwawuli iko, unanhango njinji, koga ulimbili un'ompela.21Hhiho alingati kuluboko, “Andina n'hingo nawe,” kene n'holo uti kugumbo, “Andina n'hingo nawe.”22Koga nayidzo nhango dzembili dzinolingika dzisina n'hingo atingatjile kuhhe kwadzo,23nhango dzembili dzatinokumbula kuti adzina n'hingo ndidzo dzatinokudza kwazo, nenhango dzembili dzisingadusigwe patjena dzobhakwa ngenjele whulu24kupinda nhango dzinodusigwa patjena. Koga Ndzimu wakabumba mbili, epa gudzo gulu kunhango dzinolingigwa pasi,25kuyetila kuti kusibe nesawhisisana mumbili, koga kuyetila kuti nhango dzibhatshane nekwakalizana.26Hapa imwe nhango idziyidzika, dzose dzodziyidzika panhu pan'ompela; hapa in'ompela ikudziwa, dzohanha dzose panhu pan'ompela.27Mabe mbili waKhirisitu nenhango dzawo umwe newumwe.28Mugubungano lebagalimoyo Ndzimu wakahala bapositoli kutanga, bebubili balebesambeli, bebutatu badiyi, kukotjiti bayeti bematjenamiso, kukotjiti bapolesi, bawahhi, babhati bemihingo, nebalebeleki bendimi dzakasiyana siyana.29Bose babapositoli? Bose babalebesambeli? Bose babadiyi? Bose banoyeta matjenamiso?30Bose banazwipo zwepolesa? Bose banolebeleka nedzindimi? Bose banothalusa ndimi?31Koga yemulani ngemalebeswa zwipo zwipehhugwi.
Ndowhomulakidza zila mbuya kwazo.
Ndowhomulakidza zila mbuya kwazo.
The Word for the World International