1 BaKhorinte13
1Hapa ndilebeleka nendimi dzebanhu nedzebatumwa beNdzimu, koga ndisina ludo, ndonga tshipi inolidziwa ita hhoba, kene kilogo inolila.2Ne hapa ndinamasimba ebulebesambeli, ndiwhisisa zwakasumbikika zose neluzibo gose, nehapa ndina kugalamoyo kose, kunomilidza matombo, koga ndisina ludo, andita ndili tjimwe.3Hapa ndikoba kose kwandinako, ndingapa mbili wangu kuti upisiwe , koga ndisina ludo, anditobuyigwa netjimwe.4Ludo guna moyonlefu kakale guna bunhu, ludo aguna fupa kene kuzwikudza,5agutohaya mazwibhato. Ludo agutozwihakila yago zila, agutogwadzisiwa moyo kakale gotjimbidza kangan'wa tjinyigwa,6agutohanhila tjakaleleka, koga gohanhila tjaakalulama.7Ludo agutonyala moyo muzwinhu zose, gogalamoyo zwinhu zose, gogalabgwe zwinhu zose, gosimidzila muzwinhu zose.8Ludo agutopela, hapa kuli bulebesambeli, kowhopinda, hapa kuli ndimi, dzowhopela, hapa kuli luzibo, gowhopela.9Ngobe luzibo gwedu aguzopelela nelebesambeli kwedu akuzopelela,10koga panowhohha kwakapelela, kusakapelela kowhopinda.11Nditji mwana, ndaka ndilebeleka semwana, ndaka ndikumbula semwana, ndi alakana semwana; pandakaba nlumetate, ndakasiyana neyeta kwebutjetjana.12Ngobe ngwenuwali tobona mutjiboni kusingaboneseseke, koga nayigogo lubaka towhoba takalingisana kubuso. Kwangwenu ndoziba nyana, nayigogo lubaka ndowhowhisisa ngekuhhele, sewhisisiwa kwangu kwakapelela.13Ndizo ikoku kutatu. Galamoyo, galabgwe, neludo akutowhopinda, koga kukulu pana iko kose ludo.
The Word for the World International