1 BaKhorinte11
1Todzani imi, saku ndakatodza Khirisitu.2Ndomukudza ngobe mondikumbula muzwinhu zose kakale motjengeta zwidiyo zwandakamudiya izo.3Koga ndohaka kuti muwhisise kuti n'holo wenlume wose ndiKhirisitu, n'holo wenkadzi unlume, n'holo waKhirisitu ndiNdzimu.4Umwe newumwe nlume unotembezela kene unolebesambeli ana tjaakasa pan'holo unolengudza n'holo uwe,5koga umwe newumwe nhu wetjikadzi unotembezela kene unolebesambeli asakambala tjimwe mun'holo unolengudza n'holo uwe-kofanana nekuti wakakerewa n'holo.6Ngobe hapa nhu wetjikadzi esingambale tjimwe mun'holo, wakafanila kera mavudzi awe; koga hapa kusa honi kuti nhu wetjikadzi akere kene akukubule, ngaasunge tukwi.7Nlume azofanila mbala tjimwe mun'holo uwe, saku ali tjiso negudzo leNdzimu; koga nhu wetjikadzi igudzo lenlume.8Ngobe nlume haazobva munkadzi, koga nhu wetjikadzi wakabva munlume.9Kakale nlume haazobumbiwa ebumbigwa nhu wetjikadzi, koga nhu wetjikadzi wakabumbiwa ebumbigwa nlume.10Ndizo nhu wetjikadzi wakafanila sunga tukwi kulayidza kuti upasi kwemasimba, nentha yebatumwa beNdzimu.11Nekene kwakajalo, kuna He nhu wetjikadzi ate ali tjimwe kuhhe kwenlume nenlume ate ali tjimwe kuhhe nkadzi;12ngobe nkadzi wakabva munlume, ngwenu nlume unotshibamiwa nenhu wetjikadzi. Zwinhu zose zobva kuNdzimu.13Muzwibonele imwi; kwakatambunuka kuti nkadzi atembezele kuNdzimu asakasunga tukwi?14Mbumbiko tjekwayo ayitomudiya kuti hapa nlume ana mavudzi malefulefu kobhatisa honi,15koga hapa nhu wetjikadzi enamavudzi malefulefu, igudzo lile? Ngobe mavudzi awe malefulefu wakawapiwa kuti awumfukidze.16Hapa kuna unohaka nyanyayidza nekwayikoku, akuna umwe nlenje iswi watinawo, kene iwo makubungano eNdzimu awana umwe nlenje.17Koga mumilayo inotobela anditomukudza, ngobe hapa mukubungana, amutokubunganila kuti kube kubuya koga kuti bubi guyendilembeli.18Ngobe, tjekutanga, hapa muhangana segubungano, ndowha kuyi kuna sawhisisana pakati kwenyu; ndingati ndokugalamoyo ikoku,19kwakafanila kuti kube nekupalalana pakati kwenyu kuyetila kuti ibabo belebeswa pakati kwenyu bazibgwe.20Hapa mukubungana, akuta tjilayilo tjaHe itjetjo tjamunodla.21Ngobe sedla kwenyu, umwe newumwe unoyendilambeli edla zodliwa zwizwe, umwe unahhala, umwe wakalaladza.22Amuna mizi pamunodla nen'wa? Kene molengudza gubungano leNdzimu mubhatisa honi basina tjimwe? Nditini kumuli? Ndimulobele mhande nethama ikoku? Aa, andingathame ndijali.23Ngobe imi ndakakuwamutjila kubva kuna He ikoku bo kwandakamudiya, kuti He Yesu mubusiku gwaakatengesewa wakatola tjinkwa,24akati atjiboka, akatjipemula, akati, “Iwhoyu umbili wangu unopigwa imwi. Mukuthame ikoku mundikumbula.”25Nayiyeyo zila zwayo, bapedza dla, wakatola nkombe, eti, “Nkombe iwhoyu tjibvumilano tjitshwa mumalopa angu. Mukuthame ikoku, gose lubaka hapa muwun'wa, mundikumbula.”26Gose lubaka pamunodla tjinkwa itjetji mun'wa nkombe iwhoyu, mosumikila fa kwaHe edza ebuya.27Ndizo ke, kene yani, unodla tjinkwa kene unon'wa nkombe waHe asakafanila unowhoba nenlandu wetjinyila mbili nelopa laHe.28Nhu ngaazwiholesese, ekotjiti odla tjinkwa nen'wa nkombe.29Ngobe kene yani unodla nen'wa esingawhisise mbili waHe, unozwikokela tongewa pehhugwi kukwe.30Ndizo wali banjinji pakati kwenyu banabutela kakale banogwala, nebamwe bakatjifa.31Koga kadzene taka tazwiholesesa kwelebeswa, toba tisingowhotongewa.32Koga hapa titongewa naHe, totambunudziwa kuyetila kuti tisiwan'we nlandu kan'ompela nehango.33Ndizo ke, makamu angu, hapa mukubungana kuti mudle, mumililane.34Hapa umwe wenyu enahhala, ngaadle kunzi uwe, kuyetila kuti musikubunganile wan'wa nlandu. Zwimwe zwasala ndowhohha ndizwitambunudza pakubuya kwangu.
The Word for the World International