1 BaKhorinte10
1Ndohaka kuti muzibe, makamu angu, bobatategulu bedu bose baka bali kusi kwegole, kakale bose bakapalama nemugungwa,2kakale bose bakabvubikiwa mugole nemugungwa bakaba batobeli baMozisi,3kakale bose bakadla zodliwa zwemeya zwakafanana4kakale bose bakan'wa tjinon'wiwa tjemeya tjakafanana. Ngobe bakan'wa muHongwe yemeya yaka ibapelekedza, Hongwe iyeyo yaka ili Khirisitu.5Kusineni bunji gwabo Ndzimu haazohanha nekwabo, ngobe bakafa bakapalala mutjilambanyika.6Zwinhu zose izwezwi zwilakidzilo zwetjenjedza iswi, kuti tisiyemule bubi sekwabakathama.7Musibe banamati bemidzimwana sekwaka kuli bamwe; sekwakakwagwa kuti, “Banhu bakagala pasi kuti badle kakale ban'we bakamilika bakazanila midzimwana.”8Tisitongongina mukusazwibhata sekwakayetiwa nebamwe babo, kwakayeta kuti muhhuba lin'ompela kufe banhu bali zwiwulu zwili makumi mabili nezwitatu (23,000).9Tisilike Khirisitu, sekwakayetiwa nebamwe babo bakabulawa nenyoka,10kene iko n'un'urika, sekwakayetiwa nebamwe babo bakapaladziwa neMpaladzi.11Sangwenu zwinhu izwezwi zwakayetikala kuli setjitjenjedzo kubali, koga zwakakwaligwa diya iswi, iswi taswikigwa nebupelo gwelubaka.12Ndizo unokumbula kuti umile ngaayele njele ngobe angabva ewa.13Akuna tjiliko tjingakuwila tjisi tjakawolobeleka kubanhu. Ndzimu unogalikamoyo, haangabvumile kuti ulikwe kupehhugwi kwemasimba awunawo, koga hapa kuna tjiliko unokupa bo zila yepudzumuka nayo, kuti utubule kuti utjikulile.14Ndizo ke, hama dzangu dzinodiwa, letjani namata midzimwana.15Ndolebeleka nebanhu bana mikumbulo; muzwitongele ndebo yandinoleba.16Nkombe wekombolela watinokombolela, awuta wekuti tihanganyile mumalopa aKhirisitu kene? Tjinkwa tjatinopemula, atjite tjekuti tihanganyile mumbili waKhirisitu kene?17Ngobe kuna tjinkwa tjin'ompela, iswi tili banjinji timbili un'ompela, ngobe tohanganyila mukudla tjinkwa tjin'ompela.18Kumbulani banhu beIsirayeli; ibabo banodla zwibhayilo abatobhatika pan'hingo wetjibeso tjezwibhayilo?19Ndobva kutini ngono? Kuti zodliwa zwinopigwa midzimwana zwitjimwe, kene iko kuti ndzimwana utjimwe kene?20Aa, ndobva kuti tjinopigwa midzimwana banotjipa kumeyambi kusi Ndzimu. Anditohaka kuti muhanganyile nemeyambi.21Amungan'we nkombe waHe nenkombe wemeyambi. Amungadle zodliwa zwaHe nezodliwa zwemeyambi.22Tikayikanye He kuti abe nefupa? Tina masimba kuwumpinda?23“Zwinhu zose zobvumigwa,” koga ateyizo zose zwinobhatsha. “Zwinhu zose zobvumigwa,” koga ateyizo zose zwinobaka.24Kusibe newunohaka kuti kunakile iye yega, koga kuti kunakile mbakidzani uwe.25Dlani kosekose kunotengesewa panotengesegwa zodliwa musingabhuzwe iwo mbhuzo inoyendelana nenkumbulo neholesesa.26Ngobe “hango ndeya He, nayiko kose kumuyili.”27Hapa umwe webasingagalemoyo akakukoka kuti uwhodla tjilayilo ukobvuma yenda, udle tjimwe netjimwe tjasiwa mbeli kuko usingabhuzwe iwo mbhuzo unoyendelana nenkumbulo neholesesa.28Koga umwe nhu akati kukuli, “Whoku kwapigwa kumidzimwana,” nentha yenhu iwhoyu wakubudza, nangentha yehana29ndobva, hana iye kusi iyo-usidle.
Ngobe kungentha yeni sununguka kwangu kulawugwa nehana yewumwe nhu?30Hapa ndidla ngeboka, nentha yeni ndingalebgwa zwakayipa ngentha yetjandabokela?31Ndizo, kene unodla kene unon'wa, kene kungabeni tjawunothama, yeta zwinhu zose uyetila gudzo leNdzimu.32Musigwadziligwe MaJuta kene MaGiriki kene gubungano leNdzimu,33sekwandinoyedza kuti ndihanhise banhu bose muzwinhu zose zwandinoyeta, ndisingahake tjandingawana imi, koga tjingawan'wa nebanji, kuti ndizo batjidziwe.
Ngobe kungentha yeni sununguka kwangu kulawugwa nehana yewumwe nhu?30Hapa ndidla ngeboka, nentha yeni ndingalebgwa zwakayipa ngentha yetjandabokela?31Ndizo, kene unodla kene unon'wa, kene kungabeni tjawunothama, yeta zwinhu zose uyetila gudzo leNdzimu.32Musigwadziligwe MaJuta kene MaGiriki kene gubungano leNdzimu,33sekwandinoyedza kuti ndihanhise banhu bose muzwinhu zose zwandinoyeta, ndisingahake tjandingawana imi, koga tjingawan'wa nebanji, kuti ndizo batjidziwe.
The Word for the World International