1 BaKhorinte9
1Andizosununguka? Anditempositoli? Andizobona Yesu He wedu? Imwi amute mihingo yangu muna He?2Hapa ndisimpositoli kubamwe, koga ke kumuli ndimpositoli; ngobe mulutjayo gunolakidza bupositoli gwangu muna He.3Kuna ibabo banohaka kuti bandiholesese whoku ndiko kuzwidzibilila kwangu.4Atitobvumigwa kuti tidle zodliwa kene n'wa tjatinohaka kene?5Atitobvumigwa kuti tipelekedziwe nebafumakadzi bedu banogalamoyo, sebamwe bapositoli nebanun'una baHe naKhefasi ?6Kene ndiBhanabhasi nami koga bakafanila kuti bahingile butjilo gwabo?7Ndiyani unohinga senghwi wengwa ezwilipila? Ndiyani unodzwala minda yemahhambi asingadle mitjelo yayo? Ndiyani unolisa zwipfuwo zwaasingakame?8Whoku ndokuleba nezila yebona kwebanhu? Nlayo awutojalo bo kene?9Ngobe kwakakwagwa munlayo waMozisi kuti, “Usisunge nlomo wen'ombe hapa ihokola zwidlo.” In'ombe idzedzo Ndzimu dzaana hanya nadzo?10Haatobva iswi toga? Kwakakwaligwa iswi, ngobe nlimi wakafanila lima analingililo newunohokola analingililo yewana tjimwe tjaanokobegwa muzwidlo.11Hapa takadzwala zwibuya zwemeya pakati kwenyu, kungabe kunjisa kuti tivune muzwinhu zwenyu zwamunazo?12Hapa bamwe benafanilo yebhatshiwa namwi, iswi atinayo bo inopinda iyeyo?
Kusineni, atizohingisa fanilo iyeyo, takawhilidzila muzwinhu zwipi nazwipi pana kuti tise tjisitilo muzila yendebo mbuya yaKhirisitu.13Amutoziba kuti bakapiwa n'hingo wemuthempeli banowana zodliwa zwabo muthempeli, banohinga patjibeso tjepisila zwibhayilo abatokobegwa mipilo?14Nezila iyo zwayo, He wakalaya kuti banosumikila ndebo mbuya bakafanila wana tjabanotjila natjo kubva mundebo mbuya.15Koga andizohingisa kene ipi zwayo yayidzedzi fanilo, kene iko kuti ndokwalila kuti ndipiwe zwinhu izwezo. Ngobe kungabe kuhine kuti ndife pana kuti kube newumwe unonditolela tjandakafanila kuti ndizwikudze natjo.16Andizofanila zwikudza ngentha yekuti ndosumikila ndebo mbuya. Ngobe ndakafanila yisumikila. Kungandibangalila kungapani hapa ndisingasumikile ndebo mbuya!17Ngobe ndikayeta ikoku kuli kuda kwangu, ndowhobe nembhayilo, koga hapa kusi kuda kwangu, ndobe ndiyeta n'hingo wandakatumwa ndigaliwabgwe neNdzimu.18Ngono mbhayilo wangu ini? Ndiko ikoku. kuti mukusumikila kwangu ndiyete ndebo mbuya isibe nenlipo, ndisingahingise nekuhhele fanilo yangu yelipiwa mundebo mbuya.19Ngobe nekutobe ndakasununguka ndisinlanda webanhu bose, ndakazwiyeta ndikabe nlanda wabo bose, kuti ndizo ndiwanile Khirisitu bamwe banji.20KumaJuta ndakabe seNjhuta, kuti ndiwane maJuta; kuna bapasi kwenlayo ndakabe sewupasi kwenlayo koga imi ndisi pasi kwenlayo kuti ndiwane bapasi kwenlayo.21Kuna bakuhhe kwenlayo ndakazwita senhu ukuhhe kwenlayo kusi kuti andina nlayo kuNdzimu koga ndili pasi kwenlayo waKhirisitu-kuti ndiwane bakuhhe kwenlayo.22Kuna bana butela ndakazwita se unabutela bo, kudze kuti ndibahhise kuna Khirisitu. Ndakabe zwinhu zose kubanhu bose, kuti ndizo ngezila dzose nditubule tjidza bamwe banhu.23Ndokuyeta kose ikoku ndiyetila ndebo mbuya, kuti ndibe negobe mumakombolelo ayo.24Amutoziba kuti mutjantangetange banhu bose banolabuka, koga un'ompela ndiye unowana mbhayilo? Ndizo labukani kuti muwane mbhayilo.25Umwe newumwe nlabuki unozwidziba muzwinhu zose. Whoku banokuthama bekuyetila tjiyala tjinohakala, koga iswi tokuyetila kuti tiwane tjiyala tjisingahakale.26Ndizo ke imi anditolabuka sewunotatamila tjisipo, anditoposa tjibhakele senhu unoloba mhepo;27koga ndonanha mbili wangu ndiwuntshambidzila, kudze kuti ndisilahiwe hule kwesumikila kubamwe.
Kusineni, atizohingisa fanilo iyeyo, takawhilidzila muzwinhu zwipi nazwipi pana kuti tise tjisitilo muzila yendebo mbuya yaKhirisitu.13Amutoziba kuti bakapiwa n'hingo wemuthempeli banowana zodliwa zwabo muthempeli, banohinga patjibeso tjepisila zwibhayilo abatokobegwa mipilo?14Nezila iyo zwayo, He wakalaya kuti banosumikila ndebo mbuya bakafanila wana tjabanotjila natjo kubva mundebo mbuya.15Koga andizohingisa kene ipi zwayo yayidzedzi fanilo, kene iko kuti ndokwalila kuti ndipiwe zwinhu izwezo. Ngobe kungabe kuhine kuti ndife pana kuti kube newumwe unonditolela tjandakafanila kuti ndizwikudze natjo.16Andizofanila zwikudza ngentha yekuti ndosumikila ndebo mbuya. Ngobe ndakafanila yisumikila. Kungandibangalila kungapani hapa ndisingasumikile ndebo mbuya!17Ngobe ndikayeta ikoku kuli kuda kwangu, ndowhobe nembhayilo, koga hapa kusi kuda kwangu, ndobe ndiyeta n'hingo wandakatumwa ndigaliwabgwe neNdzimu.18Ngono mbhayilo wangu ini? Ndiko ikoku. kuti mukusumikila kwangu ndiyete ndebo mbuya isibe nenlipo, ndisingahingise nekuhhele fanilo yangu yelipiwa mundebo mbuya.19Ngobe nekutobe ndakasununguka ndisinlanda webanhu bose, ndakazwiyeta ndikabe nlanda wabo bose, kuti ndizo ndiwanile Khirisitu bamwe banji.20KumaJuta ndakabe seNjhuta, kuti ndiwane maJuta; kuna bapasi kwenlayo ndakabe sewupasi kwenlayo koga imi ndisi pasi kwenlayo kuti ndiwane bapasi kwenlayo.21Kuna bakuhhe kwenlayo ndakazwita senhu ukuhhe kwenlayo kusi kuti andina nlayo kuNdzimu koga ndili pasi kwenlayo waKhirisitu-kuti ndiwane bakuhhe kwenlayo.22Kuna bana butela ndakazwita se unabutela bo, kudze kuti ndibahhise kuna Khirisitu. Ndakabe zwinhu zose kubanhu bose, kuti ndizo ngezila dzose nditubule tjidza bamwe banhu.23Ndokuyeta kose ikoku ndiyetila ndebo mbuya, kuti ndibe negobe mumakombolelo ayo.24Amutoziba kuti mutjantangetange banhu bose banolabuka, koga un'ompela ndiye unowana mbhayilo? Ndizo labukani kuti muwane mbhayilo.25Umwe newumwe nlabuki unozwidziba muzwinhu zose. Whoku banokuthama bekuyetila tjiyala tjinohakala, koga iswi tokuyetila kuti tiwane tjiyala tjisingahakale.26Ndizo ke imi anditolabuka sewunotatamila tjisipo, anditoposa tjibhakele senhu unoloba mhepo;27koga ndonanha mbili wangu ndiwuntshambidzila, kudze kuti ndisilahiwe hule kwesumikila kubamwe.
The Word for the World International