رُوت2
1بیتھلیمس منٛز اکھ نفر یُس نعومی سٕنٛدِس مرحوم خاندار سُنٛد اکھ رشتہٕ دار روزان۔ سُہ اوس الیملکؔ قبیلُک اکھ اہم تہٕ امیر شخص۔ تہٕ تمِس اوس بوعزؔ ناو۔2اکہِ دوٚہہ ؤژھ موآبٕچ رُوت نعومی کُن، "مےٚ دِ ژٕ زِرات کھہَس پٮ۪ٹھ گژھنہٕ تہٕ سُہ پھل اننہٕ یُس پھسٕل لوٚنَن والیٚن پتھ کُن ہران چُھ۔ بہٕ پکہٕ کٲنٛسہِ پھسٕل لونَن وٲلِس پتہٕ پتہٕ یُس مےٚ پھلوال سونٛبرنہٕ دِیہ۔ نعومیؔ دِتُس جواب، "میانؠ کورؠ، نیر گژھِ۔" 3تہٕ رُوت گییہ۔ ییٚلہِ سۅ کھہَس پٮ۪ٹھ وٲژ تہٕ لٔج پھسٕل لونَن وٲلِس پتہٕ پتہٕ پھلوال سونٛبراونہِ۔ زمینُک یہِ حصہٕ اوس الیملکؔ سٕنٛدِس رشتہٕ دار بوعزؔ سُنٛد۔4کینٛہہ کال پتہٕ ووت بوعزؔ بیت لحم پٮ۪ٹھٕ واپس۔ تٔمؠ دِژ پھسٕل لونن والیٚن شابٲشی تہٕ وننَکھ، "یہُوواہؔ ٲسِن توٚہہِ پٮ۪ٹھ رٲضؠ۔ "تِمو دتُس جواب، "یہُوواہؔ کٔرنؠ توٚہہِ برکتھ۔5أتھؠ سؔتؠ پییہِ بوعزَس رُوتؔہِ کُن نظر تہٕ پرِژھن پننِس مُہنوِس، "ہۅ جوان زٔنؠ کۅسہٕ چھےٚ؟6مہنیٚوؠ دِتُس جواب، "یہِ چھےٚ موآبؔ پٮ۪ٹھٕ آمٕژ سۅ زٔنؠ یۅسہ تتہِ پٮ۪ٹھٕ نعومیؔ سٟتؠ یور آیہِ۔7امہِ ووٚن مےٚ، مہربٲنی کٔرتھ دِتہٕ مےٚ یہِ پھلوال تُلنہٕ یۅسہ یم پھسٕل لونَن وٲلؠ پتھ کُن تراوان چھِ۔ یہِ چھےٚ سیٹھاہ سُلہِ یہِ پھلوال تُلنہِ آمٕژ تہٕ ونیُک تام چھےٚ أتی، منٛزٕ کوٚرُن پارِ منٛز آرام تہِ۔8پتہٕ وُتھ بوعزؔ رُوتہِؔ کُن، "ہے جوان کورؠ، بوز میانؠ کتھ۔ ژےٚ چھےٚ نہٕ کُنہٕ بیٚیس کھہَس پٮ۪ٹھ یا بیٚیہِ کُنہِ جایہِ پھلوال سومبرنہِ گژھنٕچ ضرورت۔ ژٕ بیٚہہ یتی میانہِ نوکرانہٕ سٟتؠ۔9تہٕ وُچھ مہنیٚوؠ کتِتھ لونَن پھسٕل تہٕ پکھ میانیٚن یمن نوکرانیٚن سٟتؠ سٟتؠ۔ مےٚ کوٚر یِمن مُہنوین حکم یِم پھسٕل لونان چھِ، یُتھنہٕ أمِس روب کٔریو۔ ییٚلہ تریش لگیٚو تہٕ گٔژھؠ زیٚو تہٕ چیٚؠ زیٚو ہُمو نٹیٚو منٛزٕ یم میانیٚو نوکرو بٔرِتھ چھِ تھٲوؠ مٕتؠ۔"10پتہٕ دِتؠ رُوتن زمینس اتھٕ تہٕ نمییہِ تمِس برونٛہہ کنہِ۔ تمہِ پرُوژھ عٲجِزی سان تمِس، "توٚہؠ کیازِ چُھو مےٚ پٮ۪ٹھ یوٚت مہربان؟ مےٚ اوس نہٕ یہِ سونچمُت تہِ زِ توٚہؠ دِیو مےٚ کُن یتھٕ کٔنؠ توجو۔ تکیازِ بہٕ چھیٚس وۅپر ملکٕچ!11بوعزن دِتُس جواب، "مےٚ ووٚن لوکو سورےٕ زِ خاندار مرنہٕ پتہٕ کیاہ کیاہ ورتووُتھ ژےٚ پننہِ ہشہِ سٟتؠ۔ تِمو ووٚن مےٚ زِ ژےٚ ترووُتھ پنُن وطن تہٕ مول موج تہٕ آیکھ یور یمن سٟتؠ روزنہٕ خٲطرٕ۔ یم نہٕ ژٕ زانہٕ ہَکھےٕ۔12بہٕ کرٕ دُعا زِ یہُوواہؔ دی نےَ ژےٚ امیٚک پوٗرٕ اجَر یہِ ژےٚ کۅرتھ۔ آ، اسرائیلُک خدا، یہُوواہؔ یمہِ سٕنٛدِ حفاظتٕچ ژےٚ آش چھےَ، دی نےَ پوٗرٕ اجَر۔13تمہِ ووٚن در جواب، "جناب، مےٚ چھےٚ پوٗرٕ امید زِ بہٕ روزٕ توٚہہِ ہعتھےٕ خوش کران۔ توٚہہِ دِتو مہربان سَپدِتھ مےٚ خٲدِم زٲنِتھ حوصلہٕ۔ ییٚلہِ زن مےٚ چانیٚن نوکرانیٚن ہنٛز حثیت چھنہٕ۔"14ییٚلہِ کھیٚن چیٚنُک موقہٕ ووت، بوعزنؔ وُن رُوتس، "ۅلہٕ یورؠ تہٕ کھیٚہ کینٛہہ، تُل یہِ ژۅٹ تہٕ وزو سٔرکس منٛز تہٕ کھیٚہ۔ "پتہٕ ییٚلہِ سۅ پھسٕل لونَن والیٚن نشہٕ بیٹھ تہٕ تٔمؠ کوٚر تس روٚنمُت کھیٚن پیش۔ تٔمؠ کھیٚو تیٚوتاہ یہِ تس گژھِ ہے تہٕ اوٚڈ ہُریو۔15پتہٕ یلہِ سۅ دُبارٕ کٲم کرنہِ ؤژھ، بوعزنؔ دیُت پننٮ۪ن مُزورن حکم، "اگر یہِ پنُن سوٚمبرومُت پھل یمن پھل گیٚجن سٟتؠ تھاوِ یمہٕ توٚہہِ لونیٚو، أمِس گژھِ نہٕ کِہین ونُن۔16اکھتُے چُھس بہٕ یتہِ یژھان زِ توٚہؠ ٲسِو گیٚجو منٛزٕ کینٛہہ ہیٚلؠ دٲرِتھ تہِ دِوان تاکہِ یہِ آسہ سُہ تلان۔ یہِ گژھِ نہٕ تنٛگ کرٕنؠ۔"17رُوت روز شام تام کھہَس منٛز پھل جمع کران۔ پتہٕ لٲگؠ تٔمؠ تمہٕ کنٕکہٕ لٲے چھونٛبٕنؠ، دانہٕ کنکہٕ گھاسہٕ نِشہ الگ گژھنہٕ باپتھ یمہٕ تٔمؠ سومبرٲومٕتؠ ٲسؠ، یتھ کِنؠ ٲسؠ کٕنکٕچ اکھ بٔڈ ٹوکٕر برنہٕ خٲطرٕ کٲفی۔ 18پتہٕ درایہِ رُوت یہِ ہیٚتھ شہر کُن تہٕ وٲژ پننہِ ہشہِ نِش تہٕ ہونَس مےٚ کوتاہ پھل چُھ جمع کوٚرمُت۔ تٔمؠ دیُت پننہِ ہشہِ روٚنمُت پھل تہِ یُس تمِس دُپہرکہ کھیٚنہٕ منٛزٕ بچومُت اوس۔19تمؠ سنٛزِ ہشہِ پرُوژھ تمِس، "از کتہِ کۅرتھ ژےٚ یہِ سورےٕ پھل جمع؟ ژٕ کہنٛدِس کھہَس منٛز ٲسکھ کٲم کران؟ بہٕ چھیٚس خدایس منٛگان زِ تس شخصس کٔرنؠ خدا برکتھ یُس ژےٚ پٮ۪ٹھ یوٚت مہربان سپُدمت چُھ۔ پتہٕ ؤژھ رُوت تہٕ وُننَس تس شخصس متعلق یس سٟتؠ تٔمؠ کٲم ٲس کٔرمژ۔ تمہِ ووٚن، "تمِس شخصس سُنٛد ناو چُھ بوعزؔ یُس تمہِ زمینُک مٲلکھ چُھ یتہِ بہٕ از کٲم ٲسٕس کران۔20نعومیؔ وُن پننہِ نۅشہِ، "یہُوواہؔ کٔرنؠ تس برکتھ۔ یہُوواہؔ ہن کٔر نہٕ اسہِ سٟتؠ یمہٕ زندٕ چھِ تہٕ سانیٚن خاندارن سٟتؠ یمہٕ گذریامٕتؠ چھِ وفادٲری کرٕنؠ بند۔ "پتہٕ ونُن بیٚیہِ، "سُہ شخص چُھ الیملکؔ سُنٛد قریبی رشتہٕ دار۔ دراصل چُھ سُہ سٲنس خاندانس رٲچھ کرن والیٚو ذمہٕ دارو منٛز اکھ۔21موآبٕچ رُوتؔ ؤژھٕس یورٕ، "تٔمؠ وُن مےٚ اکھتُے یتہِ زِ تۅتام روز میانیٚن مُزورن بالکل سٟتؠ، یۅتام تِمہ میٚون سورےٕ پھسٕل لوٚنِتھ انُن۔"22نعومیؔ وُن پننہِ نۅشہِ رُوتؔس در جواب، "میانؠ کورؠ، یہِ روزِ چانہِ خٲطرٕ بہتر زِ ژٕ گژھکھ تمؠ سنٛزن مُزور کوریٚن سٟتؠ تمِسنٛدس کھہَس منٛز کٲم کرنہِ۔ تکیازِ اگر ژٕ بیٚیہِ کٲنٛسہِ ہنٛدس کھہَس منٛز گژھکھ خبر تتہِ ما کٔری کانٛہہ ٹَھٹھٕ۔23لہٰذا گٔییہِ رُوت بوعز سنٛزن نوکرانیٚن سٟتؠ کٲم کرنہِ۔ تٔمؠ کوٚر تتہِ تۅتام پھسٕل جمع یۅتام مُزورو کٕنکھ تہٕ وُشکہٕ پورٕ پٲٹھؠ لونِتھ مۅکلٲوؠ۔ اتھ وقتس دوران ٲس سۅ نعومی سٟتی روزان۔
Bridge Connectivity Solutions Pvt. Ltd.