رُوت1
1ییٚلہِ قٲضؠ اسرائیلس پٮ۪ٹھ حکومتھ کران ٲسؠ، تمہِ وزِ ووٚتھ تتھ ملکس منٛز دراگ۔ اسرائیل کہِ یہُوداؔ علاقہٕ، بیت لحم قصبہٕ منٛزٕ دراو اکھ شخص موآبؔ ملکس منٛز کینٛہہ کال روزنہٕ خٲطرٕ۔ تٔمؠ سنٛز خاندارِنؠ تہٕ زٕ نیٚچوؠ وٲتؠ تمِس سٟتؠ۔ 2أمِس شخصس اوس ناو الیملکؔ تہٕ خاندارنہِ ہُنٛد ناو اوسُس نعومی۔ أکِس نیٚچوِس اوسُس محلون ناو تہٕ بیٚیِس کلیون۔ تم ٲسؠ یہُوداہسؔ منٛز بیت لحمؔ کِس افرٲتؠ قبیلس سٟتؠ وابستہٕ۔ تم آے موآبؔ ملکس منٛز تہٕ رودؠ تٔتؠ۔3پتہٕ گذریو نعومی ہُنٛد خاندار الیملکؔ تہٕ نعومی نِش رودؠ صرف تمسنٛدؠ زٕ نیٚچوؠ۔4یمو نٮ۪چیو کوٚر موآبؔ چَن زنیٚن سٟتؠ خانٛدر۔ کِلنؔ سنٛزِ زنانہِ ہُنٛد ناو اوس عُرفہ تہٕ محلون سنٛزِ زنانہِ ہُنٛد ناو اوس رُوتؔ۔ مگر اتھ علاقس منٛز رودؠ یم قریبن دہن ؤرین۔ 5پتہٕ گُذریاے یم دوٚنوے محلون تہِ تہٕ کلیون تہِ۔ لہٰذا روز نعومی بیٚیہِ کُنی زٔنؠ دوٚن شُرین یا خاندارس بغٲر۔6اکہ پھرِ ییٚلہِ نعومیؔ موآبسؔ منٛز ٲس تٔمؠ بوز کُستام یُس اسرائیل پٮ۪ٹھ آمُت اوس یہِ ونان زِ یہُوواہؔ چُھ پننٮ۪ن لوٗکن مدد کوٚرمُت تہٕ وُنؠ چُھ اسرائیلس منٛز کھیٚن وفور۔ لہٰذا گییہِ سۅ پننٮ۪ن دون نۅشن سٟتؠ بیت الحمؔ واپس گژھنہٕ خٲطرٕ آمادٕ۔7لہٰذا دراے نعومیؔ تہٕ زٕ نوشہٕ تتہِ یتہِ تم بسان آسہ تہٕ لجہِ یہُوداؔ کُن نیرنہ۔8ییٚلہِ تم پکان آسہ، نعومی لٔج پننٮ۪ن نۅشن عُرفہؔ تہٕ رُوتؔس وننہِ۔ "توٚہہِ دونونی پزِ واپس پنُن ماجہِ ہُنٛد گژُھن۔ بہٕ کرٕ یہُوواہؔ ہس عرضی زِ سُہ کرِ توٚہہِ سٟتؠ تِتھے پٲٹھؠ وفادٲری یتھ کِنؠ توٚہہِ پننٮ۪ن گُزریامتن خاندارن تہٕ مےٚ سٟتؠ کٔروٕ9بہٕ کرٕ یہُوواہسؔ عرضی زِ سُہ دییہِ توٚہہ بیاکھ خاندر کرنُک اجازت یمہِ سٟتؠ توٚہؠ محفوظ روزِتھ ہیکیٚو۔ پتہٕ کٔرؠ نعموینؔ تمن ماہ تہٕ میٹھؠ تہٕ تمہٕ لجہِ بڈِ بڈِ ودنہِ۔ تِمن دۅشوٕنؠ نۅشن۔10تِمو ووٚن "نہٕ أسؠ یمو توٚہہِ سٟتؠ تُہنٛدین رشتہٕ دارن نِش۔"11مگر نعومی وُننَکھ، ناے میانیو کوریو! گرَے گٔژھیو واپس۔ مےٚ سٟتؠ ینہٕ سٟتؠ یِیو نہٕ توٚہہِ کانٛہہ فٲیدٕ۔ مےٚ ہیکن نہٕ ۅ نیٚچوؠ زیٚتھ یم تُہنٛدؠ خاندار بنَن۔12میانیٚو کوریو۔ توٚہہِ پزِ واپس گژُھن۔ بہٕ چُھس واریاہ وٲنسہِ بیٚیِس خانٛدارس سٟتؠ خانٛدر کرنچ امید تھاوان۔ اگر یتہِ مانو زِ مےٚ میلہِ دویم خاندار، تہٕ أزؠ گژھِ خاندر تہِ تہٕ پتہٕ زیون مےٚ شُرؠ تہِ13توٚہؠ ہیٚکیو نہٕ تہنٛدس بالیغ سپدنس پرٲرِتھ تہٕ تۅتام خاندرٕ رۅستےٕ روزِتھ! نَہ، میانیٚو کوریو، یہُوواہنؔ بنٲو میانؠ زنٛدگی واریاہ کریٹھ، مگر تُہنٛزِ زِنٛدگی چھنہٕ میانہِ زندگی ہنٛدؠ پٲٹھؠ کریچھرس منٛز روزنچ ضرورت۔"14پتہٕ لٔگؠ رُوتؔ تہٕ عُرفہ بیٚیہِ بڈِ بڈِ ودنہِ۔ عرفؔہ ہن کٔرؠ پننہِ ہشہِ رخصت ہیٚوان میٹھؠ تہٕ درایہ، مگر روت روز نومیؔ سٟتی۔15نعومیؔ ووٚن رُوتس، "وُچھ چٲنؠ بٲے کاکٕنؠ عُرفہ درایہِ پننٮ۪ن عٲشناون تہٕ دیوتاہن نِشہ واپس گژھنہٕ باپتھ! تمسےٕ سٟتؠ گژھِ واپس۔"16مگر رُوتؔ ؤژھ در جواب، "نَہ! مہربٲنی کٔرِتھ مہٕ کٔرِو اصرار زِ بہٕ دِمہٕ توٚہہِ گژھنہٕ یا بہٕ پھیرٕ تہٕ ٹھٔہرٕ توٚہہِ یِنہٕ نِشہ، یتہِ ژٕ روزَکھ بٕتہ روزٕ تٔتؠ۔ چٲنؠ رشتہٕ دار آسن میانؠ رشتہٕ دار تہٕ یمِس خدایہ سنٛز ژٕ عبادت کرکھ سُے آسہ میٚون خدا تہِ۔17یتِتھ چون وفات سَپدِ تٔتی گژھٕ بٕتہ مَرٕنؠ تہٕ دفن گژھنؠ۔ میٚون یہُوواہؔ دِیِن مےٚ سخت سزا اگر مےٚ موتہٕ سِوٲے ژےٚ نِشہ کانٛہہ جُدا کرِ۔18ییٚلہِ نعومی زون زِ رُوت چھےٚ پۅختہٕ اِرادٕ ہیٚتھ مےٚ سٟتؠ یِنس! تٔمہِ کوٚر أمِس گرٕ واپس یِنُک زور کرُن بنٛد۔19یتھ کٔنؠ روزٕ دوٚنوے خاتونہٕ نعومہ تہٕ رُوت قدماہ قدماہ دِوان یۅتام تمہٕ بیت لحمؔ شہرس منٛز دٲخل سپزٕ۔ قصبس منٛز ہیوٚت واریہو لوٗکو تِمَن مُتعلِق بڈِ بڈِ کتھٕ کرنہِ شروع۔ شہرٕچو زنیٚو ووٚن، "یہِ چُھ مشکل یقین کرُن زِ یہِ چھےٚ نعومیؔ!"20نعومیؔ وُن تِمن، "توٚہؠ مٕہ ؤنِو وُنؠ مےٚ نعومیؔ بلکہ مارا، تکیازِ نعومی گو خوش قسمت تہٕ مارا گو بدقسمت، تہٕ قدرت وٲلؠ خداین میانؠ زنٛدگی بد قسمت۔21ییٚلہِ بہٕ یتہِ درایس مےٚ اوس ضرورَتُک پرٮ۪تھ اکھ چیز، وُنؠ أنِس بہٕ یہُوواہنؔ ژھرےٕ تہٕ چٔھنی واپس۔ لہٰذا مٕہ ؤنِو مےٚ نعومی۔ یہُوواہنؔ چھِ مےٚ مُخٲلِفت کٔرمٕژ زِ قدرت وٲلؠ خداین بنٲو میٲنؠ زندگی واریاہ کریٹھ۔22غرض نعومی وٲژ واپس پنٕنؠ نۅش رُوتؔ ہیٚتھ یمہٕ موآبؔ ملکہٕ پٮ۪ٹھٕ یور آیہ۔ ییٚلہِ تم بیت لحمؔ شہرس منٛز واژٕ تمہِ وزِ اوس اتہِ کنٕکھ لوننُک وق ووتمُت۔
Bridge Connectivity Solutions Pvt. Ltd.