قٲضؠ21
1ییٚلہِ اسرائیلی لوٗکھ جنگہٕ برونٛہہ مِصفاہسؔ منٛز سمییہ، تِمو اوس حلفن اعلان کوٚرمُت، اسہِ منٛز دِیہ نہٕ کانٛہہ اکھ تہِ پنٕنؠ کور کٲنٛسہِ تہِ بنیمِینؔ قبیلہٕ کِس نفرس نیتھٕرؠ۔2مگر وۅنؠ بنیمِینسؔ سٟتؠ جنگہٕ پتہٕ گۓ اسرائیلی لوٗکھ بیت ایلؔ تہٕ لایکھ سٲرسےٕ دوٚہس یہُوواہسؔ ودن کریکہٕ یوٚتام سِریہِ لوس۔3تِم رودؠ ونان ہے یہُوواہؔ! اسرائیل ین ۂنٛدِ خدایہ۔ اکھ اسرائیلی قبیلہٕ رود نہٕ وۅنؠ موجود۔ اسہِ سٟتؠ کیازِ سپُد یہِ؟4دوٚیمہِ دوٚہہ صُبحس سُلے کوٚر لوٗکو اکھ قربان گاہ تعمیر۔ پتہٕ زاجیٚکھ پوٗرٕ پوٗرٕ کینٛہہ قربٲنیہِ اتھ قربان گاہس پٮ۪ٹھ۔ تہٕ بیٚیہِ کریٚکھ مزید قربٲنیہِ پیش خدایس سٟتؠ پنُن رٲبطہٕ دُبارٕ قٲیِم کرنہٕ باپتھ۔5اوٕ پتہٕ چونکہِ تِمو اوس بڈٕ سنٛجیدگی سان اعلان کوٚرمُت زِ کانٛہہ تہِ یُس نہٕ تِمن سٟتؠ مِصفاہسؔ منٛز رلہِ بنیمِینؔ قبیلہٕ کیٚن نفرن سٟتؠ لڑٲے کرنہٕ مۅکھہٕ ییہِ قتل کرنہٕ۔ تِمو پرُژھ اکھ أکِس۔ کیا کانٛہہ اسرائیلی قبیلہٕ ما رود یُس نہٕ مِصفاہؔ ووت اسہِ سٟتؠ یہُوواہسؔ برونٛہہ کنہِ رلنہِ۔6اسرائیل ین سپُد واریاہ افسوس بنیمِینؔ قبیلہٕ کیٚن پننٮ۪ن اسرائیلی باین پٮ۪ٹھ۔ تِمو ووٚن از سپُد ژھٮ۪نہٕ سون اکھ اسرائیلی قبیلہٕ اسرائیل نِشہ۔7أسؠ کیا ہیٚکو کٔرِتھ زِ بنیمِینؔ قبیلٕکؠ تِم فرد یِم قتل سپٕدؠ نہٕ، پراون آشنہِ؟ یہُوواہنؔ بوز دوٚر اعلان زِ أسؠ دِمو نہٕ پننہِ کورِ کٲنٛسہِ بنیمِینؔ قبیلہٕ کِس نفرس نیتھٕرؠ۔8پتہٕ پرُژھ یِمو منٛزٕ أکؠ، "کٔمؠ اسرائیلی قبیلن سوز نہٕ پنُن کانٛہہ نفر یوٚت مِصفاہؔ۔9تِمو ژٮ۪تروو زِ ییٚلہِ سِپاہ گنٛزرنہٕ آیہِ اتہِ اوسنہٕ یبیس جلعاد شہرٕ پٮ۪ٹھٕ کہینؠ۔10اوے کوٚر ساروےٕ اسرائیل یو فٲصلہٕ زِ تِم سوزن باہ ساس رٕتؠ سِپاہ یبیس جلعاد تتہِ کیٚن لوٗکن مارنہِ۔ زنانہٕ تہٕ شُرؠ ہٮ۪تھ۔11تِمو ووٚن یِمن نفرن، "توٚہہِ پزِ کرُن یہِ۔ توٚہہِ پزِ یبیس جلعادُک پرٮ۪تھ کانٛہہ مرد مارُن۔ توٚہہِ پزِ پرٮ۪تھ کانٛہہ خانٛدرٕ واجِنؠ زنان تہِ مارٕنؠ۔ مگر یُتھنہٕ کانٛہہ انۂرِش کور مٲرؠ وُن۔12اوے دراے یِم سِپاہ یبیس جلعاد کُن تہٕ مٲرِکھ اتہِ سٲری مرد، نیتھرٕ واجنہِ زنانہٕ تہٕ شُرؠ۔ اتہِ لبہِ یِمو ژور ہتھ انۂرشہِ زنانہٕ۔ یِمہٕ واتناوِ یِمو پننِس لشکر گاہس منٛز سیلا۔ یُس کنعانس منٛز چُھ۔ دریاوس اپارِ جلعاد کِس علاقس منٛز یُس بنیمِینؔ قبیلُک اوس۔13اوٕ پتہٕ سوز ساروٕے اسرائیل یو یِم سمِتھ آمٕتؠ ٲسؠ بنیمِینیٚن شیٚچھ۔ تِمن شیٚن ہتن نفرن یِم رمون کِس پلس نِش ٲسؠ۔ تِمو ووٚن یِمن زِ تِم چھِ تِمن سٟتؠ امن قٲیِم یژھان کرُن۔14اوے آے بنیمِینؔ نفر واپس رمون پلہٕ پٮ۪ٹھٕ۔ اسرائیل یو دِژ یِمن یبیس جلعاد چہِ جوان زنان نیتھرٕ رٔنٛگؠ۔ مگر یِم آسہٕ چھرا ژور ہتھ زنانہٕ۔ یِم آسہٕ نہٕ شٮیٚن ہتن نفرن ہنٛدِ باپتھ کٲفی۔15اسرائیلی رودؠ بیٚیہِ یِتھے ہیٚوؠ بنیمِینؔ قبیلہٕ کیٚن لوٗکن ہنٛدِ باپتھ تکیازِ یہُوواہنؔ ٲسؠ باقےٕ قبیلہٕ یِمن خلاف کٔرؠ مٕتؠ۔16اسرائیلی سردارو ووٚن، "اسہِ مارِ سارے نیتھرٕ واجنہِ بنیمِینؔ زنانہٕ امہِ قبیلہٕ چہِ۔ وۅنؠ کتہِ انو أسؠ یِمن زنٛدٕ بچن والیٚن نفرن باپتھ زنانہٕ۔17یِمن مردن چھِ بچہٕ یاد کرنہٕ باپتھ زنانہٕ ضروری تاکہِ بنیمِینؔ خاندان پکن برونٛہہ۔ یوٚدوے یہِ سپدِنہٕ تیٚلہِ مرِ اکھ اسرائیلی قبیلہٕ سرِ ثوبوت۔18مگر أسؠ ما ہیٚکو پننہِ کورِ یِمن نیتھٕرؠ دِتھ تکیازِ اسہِ چُھ دوٚر اعلان کوٚرمُت زِ یہُوواہؔ سوزِ تس لعنت یُس کانٛہہ پنٕنؠ کور بنیمِینؔ قبیلہٕ کِس کٲنٛسہِ تہِ مردس نیتھٕرؠ دِیہ۔19پتہٕ آو تِمن اکھ خیال۔ تِمو ووٚن، "پرٮ۪تھ وریہ چُھ اکھ وۅرسہٕ لگان یہُوواہؔ سنٛدِس عزتس منٛز سیلا شہر یُس بیت ایلؔ کِس شمالس منٛز تہٕ بیت ایلؔ پٮ۪ٹھٕ سکِم کُن کھسن واجنہِ وتہِ مشرقس کُن چُھ۔ یہِ چُھ لبنا شہرٕکِس جنوبس منٛز۔20اوے ووٚن اسرائیلی سردارو بنیمِینؔ قبیلہٕ کیٚن، "ییٚلہِ ووٚرسُک وق واتہِ، توٚہؠ گژھِو سیلا تہٕ روزیٚو دچھہِ باغن منٛز ژھٮ۪پہِ۔21توٚہؠ روزیٚو زاگ دِتھ پراران تِمن جوان زنانن یِم شہرٕ پٮ۪ٹھٕ اور نیرتھ یِن نژُنا گیٚونا کرنہِ۔ یُتھےٕ تِم یِن وُژھِ دورِو تِمن کُن دچھہِ باغو پٮ۪ٹھٕ۔ توٚہہِ منٛزٕ ہیٚکہِ پرٮ۪تھ کانٛہہ سیلاچہِ أکِس جوان کورِ تھپھ ژٕھنِتھ۔ پتہٕ ہیٚکِو توٚہؠ یِمہٕ زنانہٕ ہٮ۪تھ واپس گرٕ بنیمِینؔ یِتھ۔22یوٚدوے یٔہنٛدؠ مٲلؠ یا بٲے اسہِ نِش یِن تہٕ کرن تہنٛدِ امہِ کارچ شکایت، أسؠ ونو تِمن، "یِمن بنیمِینؔ قبیلہٕ کیٚن مردن سٟتؠ کٔرؠ تو نرمی۔ ییٚلہِ اسہِ یِمن سٟتؠ جنگ کوٚر، اسہِ ترٲو نہٕ اکھ زنان تہِ پتھ کُن زنٛدٕ تہنٛدِ نیتھرٕ باپتھ۔ تہٕ یپٲرؠ چُھو نہٕ توٚہؠ تہِ بنیمِینؔ قبیلہٕ کیٚن مردن پننہِ جوان کورِ نیتھٕرؠ دِوان۔ یِمو نِیہِ یِمہٕ تھپہِ۔ اوے چُھنہٕ توٚہہِ کانٛہہ راہ۔ یوٚدوے زن توٚہہِ ووٚنمُت اوسو زِ توٚہؠ دِیو نہٕ پننہِ کورِ یِمن بنیمِینؔ کیٚن مردن نیتھٕرؠ۔23اوے کوٚر بنیمِینؔ قبیلہٕ کیٚو مردو یُتھ ہیٚو۔ تِم گۓ وۅرسہٕ واتہٕ وُن سیلا تہٕ ییٚلہِ یِمہٕ جوان زنانہٕ نژان کران آسہ، پرٮ۪تھ نفرن رٔٹ اکھ زٔنؠ تہٕ أنِن پانس نیتھٕرؠ۔ اوٕ پتہٕ نِیہِ یِمو پننہِ آشنہِ تتھ زمینس منٛز یۅسہ خداین یِمن دِژمٕژ ٲس۔ یِمو کٔرؠ پنٕنؠ تِم شہر نوِ سرٕ آباد یِم زالنہٕ ٲسؠ آمٕتؠ تہٕ بسییہِ أتی۔24باقےٕ اسرائیلی گۓ پنُن گرٕ تِمن علاقن منٛز یتہِ تہنٛدؠ ٹبر تہٕ خاندان بسان ٲسؠ۔ علاقہٕ یِم تِمن خداین ٲسؠ دِتؠ مٕتؠ۔25اتھ وقتس منٛز اوسنہٕ اسرائیل ین کانٛہہ بادشاہ۔ پرٮ۪تھ کانٛہہ اوس تی کران یہِ تس پننہِ سونٛچہ درُست باسہِ ہے۔
Bridge Connectivity Solutions Pvt. Ltd.