رومؔ9
1بہٕ چُھس تی ونان یہ پوٚز چُھ اکِس شخصہٕ سنٛدِ حثیتہٕ یُس خداین مسیحس سمکھو۔ بہٕ چُھس نہٕ سۅ کتھ ونان یۅسہٕ اپُز آسہِ۔ پاک روح چُھ یمہ کتھہِ ہُنٛد تصدیق کران زِ میٚون ضمیر کمہِ کتھِ ہنٛز گوٲہی چُھ مےٚ دِوان ییٚلہ بہٕ ونان چُھس۔2زِ میون دل چھُ مُتوٲتِر سیٹھاہ دۅکھٕ زد! 3بہٕ چُھس یہ کران تکیازِ بہٕ چُھس یہ پوٚز یقین تھاوان زِ خدا والہ مےٚ لعنت تہٕ مےٚ کرِ مسیحس نِش پوٗرٕ پٲٹھؠ دوٚر تاکہ میٲنؠ سٲتھی رشتہٕ دار ین بچاونہٕ۔ تِمن ہُنٛد جسمٲنی تعلق چُھ مےٚ سٟتؠ۔4یِم میانؠ رشتہٕ دار چھِ اسرائیلی۔ یِم چھِ تم یِم روحٲنی طور خداین منگتہٕ رٔٹؠ۔ خداین دیُت تِمن یہ آزماونُک اِجازت زِ سُہ کوتاہ جلالہٕ وول چُھ۔ خداین کوٚر تِمن سٟتؠ عہد۔ خداین دِتؠ تِمن پنٕنؠ قانون۔ خداین ہٲو تِمن پنٕنؠ عبادت کرنٕچ وتھ۔ خداین کٔرؠ تِمن سٟتؠ وعدٕ تہِ۔ 5سٲنؠ یہُودؠ جدٕاجداد "ابراہامؔ، اسحاق تہٕ یعقوب" ٲسؠ بنی اسرائیلی۔ مسیح تہِ چُھ تِمو منٛزٕ اکھ، یتھٕ کنؠ زن تِمن سٟتؠ کانٛہہ جسمٲنی رشتہٕ تھاوان چُھ۔ مسیح چُھ پرٛتھ چیزس پٮ۪ٹھ حکومت کران۔ سُہ چُھ ابدی محمود خدا۔ یی ٲسِنؠ!6امہِ باوجود گوو نہٕ خدا تہِ کرنس منٛز ناکام یمیُک تمؠ اسرائیلین وعدٕ دیُت۔ یہ چُھ پزر، تکیازِ تِم سٲری لوٗکھ یمنہٕ جسمٲنی طور اسرائیل پٮ۪ٹھٕ آمٕتؠ چھِ، چھِ پٔزؠ اسرائیلی۔7یتہِ چُھنہٕ پوٚز زِ تِم سٲری لوٗکھ یمہٕ جسمٲنی طور ابراہامؔ سنٛدؠ اولاد چھِ کیا چھِ ابراہامؔ سنٛدؠ حقیقی اولاد۔ یتھٕ کنؠ زن خدای صحیفن منٛز ابراہامس ووٚن، "بہٕ پرزٕناوکھ چٲنؠ حقیقی اولاد اضحاق سنٛدِ وساطتہٕ۔ یہِ دِنُک مےٚ وعدٕ کوٚرمُت چُھے۔" 8دویمٮ۪ن لفظن منٛز ونو تِم لوٗکھ یِمن جسمٲنی طور ابرہامسؔ سٟتؠ تعلق چُھ تِم چھنہٕ خدایہ سنٛدؠ روحٲنی اولاد۔ بلکہ چھِ خدایہ سنٛدِس وعدٕ کِس نتیجس منٛز تِم یِم خدایہ سنٛدؠ روحٲنی فرزنٛد بنیاے چھِ ابراہامؔ سنٛدؠ حقیقی روحٲنی فرزنٛد رنٛگؠ گنٛزرنہٕ یوان۔9در اصٕل چُھ یہ تی یمیُک خداین وعدٕ اوس کوٚڑمُت، ییٚلہ تمؠ صحیفن منٛز ووٚن زِ بہٕ یمہٕ پننِس وقتس پٮ۪ٹھ، نتیجہٕ نیرِ یہ زِ سارہؔ ہس زیوِ نیٚچو۔ 10یہ چُھنہٕ صرف خدایہ سُنٛد کوٚڑمُت اکھ وعدٕ۔ بلکہ اوس خدایہ سُنٛد وعدٕ یتہِ زِ ربقہ سپٕز تس نفرٕ اضحاق سنٛدِ سٟتؠ حٲملہٕ سُہ چھُ اسہِ اسرائیلین ہنٛد جد۔ 11بنیٲدی ژور خداین تمسنٛدیٚو دویو اولادو منٛزٕ صرف اکھ اولاد ییٚلہ زن تٔمؠ وُنہِ تِمن زایُن اوس نہٕ دیتمُت تہٕ تِمو اوس نہٕ وُنہِ کینٛہہ صحی یا غلط کوٚڑمُت۔ خداین کوٚڑ یہ اوٕ موٚکھٕ زِ یُس تٔمؠ گۅڈٕ لوٗکھ ژارنہٕ کِس سلسِلس منٛز منصوبہٕ بنومُت اوس سُہ بنہِ ہے۔12تمؠ سنٛزو کامٮ۪ن ہنٛدِ سببہٕ ژور نہٕ خداین تمسنٛدیٚو اولادو منٛزٕ صرِف اکھ۔ بلکہ اوس یہ اوٕ موٚکھ زِ خدا چُھ پننٮ۪ن ژٲرِمتٮ۪ن لوٗکن ناد دِتھ انان۔ یوٚہے وجہ چُھ زِ خداین ووٚن ربقہسؔ صحیفن منٛز، "چون بوٚڈ نیٚچو بنہِ چٲنِس لۅکٹِس نیٚچوس غلام" 13یہ چُھ تہِ یہ خداین صحیفن منٛز ووٚن، "بہٕ چُھس لۅکٹِس نیٚچوس یعقوبس سٟتؠ محبت کران، مگر بہٕ چُھسن بوٚڈ نیٚچو عیسو پوٗرٕ پٲٹھؠ رد کران۔" 14کانٛہہ اکھ ونہِ، "اگر ژےٚ پوٚز ونُتھ تیٚلہ گژھِ خدا یقیناً ناراستباز آسُن" پتہٕ ونہٕ بہٕ، پٔزؠ پٲٹھؠ نہٕ!"15أسؠ چھِ زانان زِ خدا چُھ پٔزؠ پٲٹھؠ راستباز تکیازِ خداین ووٚن موسیٰ ہس صحیفن انٛدر، "بہٕ آسہٕ تس کٲنٛسہِ پٮ۪ٹھ رحیم یمِس پٮ۪ٹھ بہٕ رحم کرُن یژھٕ۔ 16مگر خدایہ سنٛز رحمت حٲصِل کرنُک انحصار چُھنہٕ یتھ کتھِ پٮ۪ٹھ زِ کُس کوتاہ یژھِ۔ خدایہ سنٛز رحمت کس چھےٚ میلان چُھنہٕ یتھ کتھِ پٮ۪ٹھ تہِ دٔرِتھ زِ کُس کٲژاہ کوشش کرِ۔ بلکہِ چھےٚ اتھ کتھِ پٮ۪ٹھ درِتھ زِ خدا کیاہ یژھِ۔ سُے چُھ، یُس رحم کرن وول چُھ۔17بنیٲدی ووٚن خداین صحیفن منٛز فرعونس یی، مےٚ دیُتمےَ ژےٚ مِصرس منٛز بادشاہ بننُک اجازت اوٕ موٚکھٕ تاکہ بہٕ ہیٚکتھ ژٕ یہ زٲنرٲوِتھ زِ بہٕ کوتاہ طاقتور چُھس، مےٚ دیُتمے ژےٚ بادشاہ بننُک تہِ موقہٕ تاکہِ مےٚ میلہِ پورٕ دنیاہس منٛز شہرت۔ 18بس، خدا چُھ مہربان یُس ہمیشہٕ رحم کرُن یژھان چُھ۔ مگر یس پٮ۪ٹھ سُہ یژھان چُھ تس چُھ غضب کران۔19یہ کینٛژھا مےٚ ووٚن تمہِ کِس ردِعملس منٛز ہیٚکہ مےٚ توٚہہ منٛزٕ کانٛہہ تہِ ونِتھ، یہ ژےٚ ونُتھ اگر تہِ پوٚز چُھ، تیٚلہ پزِ نہٕ یقیناً خدایس لوٗکن پٮ۪ٹھ اِلزام لاگُن یہ کینٛژھا تِم کران چھِ! خدایس پزِ نہٕ تہِ کرُن۔ تکیازِ یہ سُہ یژھان چُھ تہِ کرنہٕ نشہِ ہیٚکہ نہٕ تس کانٛہہ تہِ رُکٲوِتھ۔"20پتہٕ ونہٕ یورٕ بہٕ، "توٚہؠ میانیٚو لوٗکو! یُس بحث توٚہؠ خدایس سٟتؠ کران چُھو پزنہٕ پٲٹھؠ چُھو نہٕ توٚہؠ تتھ قٲبِل، یتھٕ پٲٹھؠ خداین بنوو یقیناً پزِنہٕ توٚہہ تس خدایس ونُن یمؠ سُہ بنومُت چُھ، ژےٚ پزٕ ہے نہٕ بہٕ یُتھ بناوُن۔"21خدا ہیٚکہِ پٔزؠ پٲٹھؠ تہِ کٔرِتھ یہ سُہ پننٮ۪ن بنٲوؠ مٕتٮ۪ن چیزن سٟتؠ کرُن یژھِ۔ تِتھے پٲٹھؠ، یتھٕ پٲٹھؠ کانٛہہ شخص کُنہ بانس منٛز کینٛہہ تھاوِ پتہٕ یہ خۅش گژھیس تہِ ہکیٚس کٔرِتھ۔ تٔتھؠ موادس ہیٚکہ سُہ کرال کُنہٕ خاص استعمالہٕ باپتھ تہٕ عام استعمالہٕ باپتھ دونوے بانہٕ بنٲوِتھ۔ 22وۅنؠ پزِنہٕ توٚہہ پٔزؠ پٲٹھؠ خدایس سٟتؠ بحث کرُن، تکیازِ تٔمؠ کٔرؠ تِم لوٗکھ سیٹھاہ صبرٕ سان برداش یِمن سُہ سزا دنہٕ وول اوس تہٕ ہمیشہٕ باپتھ بُرباد کرنہٕ باپتھ تیار اوس۔ تٔمؠ کٔرؠ تِم برداش تکیازِ سُہ اوس یہ ہاوُن یژھان زِ تمِس کوتاہ شرارتھ چُھ تہٕ یہ ہاوُن یژھان زِ سُہ کوتاہ طاقتہٕ وول چُھ۔ 23خدا چُھ تِمن لوٗکن تہِ برداش کران یِمن سُہ سزا دییہِ یُتھ یہ ہاوِ زِ کوتاہ جلالہٕ وول چُھ تِمن لوٗکن باپتھ یِمن پٮ۪ٹھ سُہ رحم کرِ۔ خداین کوٚڑ گۅڈے تِمن لوٗکن پوشہٕ وُن جلال دِنُک انتظام۔24أسؠ تہِ چھِ، تِمو لوٗکو منٛزٕ یِمن پٮ۪ٹھ خدا مہربان چُھ تہٕ یِم خداین ناد دِتھ أنؠ۔ خدا چُھ لوٗکن ژھانٛڈان یہُودیٚو منٛزٕ تہٕ غٲر یہُودؠ لوٗکو منٛزٕ تہِ۔ 25یتھے پٲٹھؠ ووٚن خداین ہوشیعسؔ ہس تہِ، "بہٕ دمہٕ تِمن لوٗکن پنُن ناو یِم نہٕ میانیٚو لوٗکو منٛزٕ ٲسؠ، بہٕ دمہٕ تس شخصس تہِ پنُن عزیز آسنُک ناو یس سٟتؠ نہٕ بہٕ محبت کران اوسُس۔ 26خداین ووٚن ہوشیعسؔ ہس یتہِ، "پتہٕ سپدِ یہ تٔتھؠ جایہ یتہِ مےٚ تِمن گۅڈے ونمُت اوس زِ "توٚہؠ چُھو نہٕ میانؠ لوٗکھ، بہٕ دمہٕ تِمن ناو، خدایہ سنٛدؠ شُرؠ یُس زنٛدٕ چھُ۔" 27در اصٕل چُھ صحیفن منٛز دویمہِ جایہ یسعیاہؔ بنی اسرائیلس متعلق آلو دِوان، "اگرچہِ سمندر بٹِھس پٮ۪ٹھ سیٚکہ دانن ہنٛدؠ پٲٹھؠ بنی اسرائیلی ٲسؠ، مگر خدا روزِ تِمن منٛز صرف کینٛژنےٕ لوٗکن سزا دِنہٕ نِشہٕ پتھ۔ 28یہ چُھ اوٕ موٚکھٕ زِ خداوند یُس وعدٕ کرِ سُہ انہِ تتھ پوٗرٕ پٲٹھؠ زمینہِ پٮ۪ٹھ عملہِ منٛز۔" 29یتہِ چُھ تِتھُے ہیٚو یتھٕ کنؠ برُونٛہہ یسعیاہنؔ صحیفن منٛز لیٚوکھ، "اگر سبوتٕکؠ خداوند یُس فرشتن ہنٛدِس فوجس پٮ۪ٹھ حکومت کران چُھ، سانٮ۪ن اولادن رٲچھ کرِ ہے نہٕ، تہٕ سُہ کرِہے اسہِ انٛد ہیٚتھ فناہ یتھ کنؠ تٔمؠ سدومؔ تہٕ عمورہ شہر تباہ کٔرؠ۔" 30چونکہ یمہٕ کتھٕ چھےٚ پزٕ، اوٕ کِنؠ پزِ اسہِ ضروری ونُن زِ ہرگاہ قوم چھنہٕ راستباز بننٕچ کوشش کران، اما پوٚز تِم بنیاے خدایس پٮ۪ٹھ پژھ کٔرِتھ راستباز۔31اتھ برعکس کوٚڑ اسرائیل کیٚو لوکو راستباز بننہٕ باپتھ تِم قانون پالنٕچ کوشش یِم خداین تِمن دِتؠ۔ مگر تِم قانون مٲنِتھ ہیٚکؠ نہٕ تِم راستباز بنِتھ۔32امیُک وجہ اوس یہ زِ تِمو کوٚر نہٕ خدایس پٮ۪ٹھ بھروسہٕ کٔرِتھ راستباز بننٕچ کوشش۔ امہِ بجایہ کٔر تِمو تمسنٛدِ باپتھ کٲم کرِتھ راستباز بننٕچ کوشش۔ امہِ کِنؠ کٔرؠ تِم مسیحنؔ ناراض ییٚلہِ سُہ آو۔ گویا مسیح چُھ اکھ پل یتھ سٟتؠ تِمن ٹھونٛکرٕ لوٚگ۔33خدایس اوس مطلب ییٚلہ تٔمؠ یسعیاہؔ کلامِ مقدس لیکھنوو، "دھیان تھاو بہٕ چُھسن یروشلمس منٛز اکھ تیٚوتھ شخص تھاوان یُس اکہِ کنہِ ہنٛدؠ پٲٹھؠ یتھ سٟتؠ لوٗکن ٹکر سپدان چُھ تہٕ اکھ سۅ کٔنؠ یۅسہٕ لوٗکن تکلیف واتناوان چھےٚ، مگر خدا کرِنہٕ کانٛسہِ تِتھِس شخصس رسوا یُس تمِس پٮ۪ٹھ پژھ تھاوان چُھ۔"
Bridge Connectivity Solutions Pvt. Ltd.