رومؔ10
1میانیٚو ایماندار سٲتھیو! میانؠ دلی خٲہِش چھےٚ زِ خدا بچاوِ بنی اسرئیلین۔ بتہٕ چُھس تہنٛدِ نجاتہٕ باپتھ دُعاگو!2تکیازِ بہٕ چُھس ذٲتی طور یہ تصدیق کران زِ تِم چھِ خدایس نیسبت باغٲرت۔ تاہم چھنہٕ تِم پوٗرٕ پٲٹھؠ خدا زاننہٕ باپتھ غٲرتی۔3تکیازِ تِم چھنہٕ زانان زِ خدا کِتھٕ پٲٹھؠ چُھ لوٗکن راستباز بناوان تہٕ تِم چھِ پنٕنؠ پٲٹھؠ راستباز بننٕچ کوشش کران۔ یوٚہے وجہ چُھ زِ تِم چھِ تتھ طریقس تٲبع روزنس نکار کران یمہِ طریقہٕ خدا لوٗکن راستباز بناوان چُھ۔4تِم چھِ غلط پٲٹھؠ پنُن پان راستباز بناونٕچ کوشش کران، تکیازِ یسُوعؔ مسیح ہن کٔرؠ تِم قانون ختم یِم خداین یہُودین دِتمٕتؠ ٲسؠ۔ مسیحؔ ہن کوٚڑ یہ اوٕ موٚکھٕ تاکہ خدا بناوِ پرٛتھ اکِس شخصس راستباز یس یسوعسؔ پٮ۪ٹھ پژھ آسہِ۔5بنیٲدی چُھ یہ تی یہ موسیٰؔ ہن صحیفن منٛز لیٚوکھ زِ خداین ووٚن یہُودٮ۪ن دنہٕ آمتٮ۪ن قانونن پٮ۪ٹھ عمل کٔرِتھ راستباز سپدنس متعلق: "یُس شخص خدایہ سنٛدٮ۪ن سارنےٕ قانونن پٮ۪ٹھ پوٗرٕ پٲٹھؠ عمل کران چُھ سُہ روزِ تہِ کرنہٕ سٟتؠ ہمیشہٕ زنٛدٕ۔" 6تاہم چُھ یہ تی یہ صحیفن منٛز وننہٕ آمُت چُھ زِ لوٗکھ چھِ خدایس پٮ۪ٹھ ایمان اننہٕ سٟتؠ راستباز بنان، پٲنؠ پانس مہٕ ؤنیو، پٔزؠ پٲٹھؠ ہیٚکہ نہٕ کانٛہہ آسمانس پٮ۪ٹھ کٔھسِتھ! "امیُک مطلب گو مسیح زمینس پٮ۪ٹھ والنٕچ کوشش کرٕنؠ۔"7موسیٰ ہن ووٚن یمہٕ ؤنیٚو زِ کانٛہہ تہِ ہیٚکہ نہٕ بوٚن وسِتھ سیٚٹھاہ سرٔنِس چہَس منٛز! "امیُک مطلب گو زِ مسیح سنٛدِ مرنہٕ پتہٕ چھےٚ دوبارٕ زندٕ گژھنٕچ کوشش کرٕنؠ۔"8تاہم ووٚن موسیٰ ہن صحیفن منٛز یتہِ زِ لوٗکن ہُنٛد خدایس پٮ۪ٹھ بھروسہٕ کٔرِتھ راستباز بننس متعلق، "توٚہؠ ہکیٚو آسٲنی سان زٲنِتھ زِ خداین کیاہ ووٚن، توٚہؠ ہکیٚو امیُک اعلان کرِتھ تہٕ ذٲتی طور زٲنِتھ۔" یہ چُھ تتھ کتھِ کُن اِشارٕ یۅسہٕ خداین تمِس پٮ۪ٹھ بھروسہٕ کرنَس متعلق ؤنؠ۔ یہ چُھ تی یمیُک أسؠ مسیح ہس مانن وٲلؠ اعلان کران روزان چھِ۔ 9یمیُک أسؠ اعلان کران روزان چھِ، سُہ چُھ یہ زِ خدا بچاوِ توٚہہِ منٛزٕ پرٛتھ اکِس یُس زبٲنؠ سٟتؠ تسلیم کران چُھ زِ یسوعؔ چُھ پرٛتھ چیزُک خداوند تہٕ ذٲتی طور چُھ پژھ تھاوان زِ خداین کوٚڑ یسُوع مرنہٕ پتہٕ دوبارٕ زندٕ۔10یہ چُھ پوٚز، تکیازِ خدا چُھ پرٛتھ تس شخصس راستباز بناوان یُس پانہٕ یسوعسؔ پٮ۪ٹھ پژھ تھاوان چُھ تہٕ سُہ چُھ پرٛتھ تس شخصس بچاوان یُس زبٲنؠ سٟتؠ اقرار کران چُھ زِ یسوع ہےٕ چُھ خداوند۔11در اصٕل چُھ صحیفن منٛز یی وننہٕ آمُت، "یُس تس شخصس پٮ۪ٹھ پژھ تھاوان چُھ، خدا کرنہٕ تس ذلیل۔" 12بنیٲدی چُھنہٕ خداوند یسُوعؔ یہُودٮ۪ن تہٕ غٲر یہُودٮ۪ن منٛز فرق کران۔ یہ چُھ اوٕ موٚکھٕ زِ یسُوع چُھ سُے خداوند یُس پرٛتھ کٲنٛسہِ پٮ۪ٹھ حکومت کران چُھ۔ سُہ چُھ وژھ، وانجہ تمام لوٗکن برکت سوزان یمہٕ تس بچاوٕ باپتھ فریاد کران چھِ۔13بے شک چُھ یوئل صحیفن منٛز لیٚکھان زِ خدا بچاوِ تِمن تمام لوٗکن یمہٕ خداوندس منٛگان چھِ، اسہِ بچاو تہٕ" 14مگر لوٗکھ منٛگن نہٕ پٔزؠ پٲٹھؠ خداوند یسوعسؔ پننہِ بچاوٕ باپتھ اگرنہٕ تِم تس پٮ۪ٹھ پژھ آسن تھاوان۔ تہٕ لوٗکھ کرن نہٕ پٔزؠ کِنؠ یسوعسؔ پٮ۪ٹھ پژھ اگر نہٕ تِمو تس متعلق بوزمُت آسہِ۔ لوٗکھ بوزن نہٕ پٔزؠ پٲٹھؠ یسوعسؔ متعلق اگر نہٕ کانٛہہ تِمن برُونٛہہ کنہِ اعلان کرِ زِ سُہ کُس چُھ۔15تہٕ پٔزؠ کِنؠ کرن نہٕ لوٗکھ اعلان باقی لوٗکن زِ یسوعؔ کُس چھُ، یوٚتام نہٕ کانہٛہ تِمن نٮ۪بر کُن روانہٕ کرِ۔ یسعیاہؔ سُنٛد اوس یی مطلب ییٚلہ، تٔمؠ صحیفن منٛز لیٚوکھ، "یہ چھےٚ اکھ خوبصورت کتھ ییٚلہ لوٗکھ گژھن تہٕ دویمٮ۪ن لوٗکن ونن خوشخبری رٕتٮ۪ن چیزن متعلق" 16تاہم کٔرنہٕ ساروےٕ یہُودیٚو یسوعسؔ متعلق رٕژ شیٚچھ قبول۔ در اصٕل اوس یسعیاہؔ سُنٛد یوٚہے مطلب ییٚلہ تٔمؠ صحیفن منٛز وون، "خداوند، یہ أسؠ ونان چھِ تتھ پٮ۪ٹھ چُھنہٕ کانٛہہ پژھ کران" 17صرف ہیٚکہ اکھ شخص یسوعسؔ متعلق بوزتھےٕ تمِس پٮ۪ٹھ پژھ کرِتھ۔ تہٕ صرِف ہیٚکہ اکھ شخص یسوعسؔ متعلق سُہ پٲغام بوزِتھ یُس مسیحس متعلق چُھ۔18تاہم چُھس بہٕ یہ ونان زِ یہودیو بوز پٔزی یہ پٲغام۔ یہ چھےٚ اکھ حقیقت۔ یتھ پٲٹھؠ زن داوودنؔ صحیفن منٛز لیٚوکھ، آسمٲنی مخلوق زنتہٕ چھےٚ گواہ تہٕ سٲرسےٕ دنیاہس منٛز ہیٚکہ پرٛتھ کانٛہہ بوزِتھ زِ تِم کیاہ چھِ ونان" 19یتہِ چُھ یہ بہٕ ونان چُھس، "پٔزؠ پٲٹھؠ سمجھ اسرائیل کیٚو لوٗکو پٲغام" خداین ووٚن ساروےٕ برُونٛہہ موسیٰ سنٛدِ ذریعہ صحیفن منٛز، "بہٕ وۅتلاوٕ ذٲتی طور اکھ سُہ قوم استعمال کرِتھ توٚہہ حسد تہٕ شرارتھ یتھ نہ آسہِ مےٚ سٟتؠ تعلقےٕ تہٕ نہ آسہِ مےٚ زانٲنی" 20مذید یتہِ زِ خداین کوٚڑ بڈٕ ہمتہٕ سان یسعیاہؔ سنٛدِ ذریعہ صحیفن منٛز اعلان، "مےٚ کوٚڑ پنُن پان تِمن غٲر یہُودؠ لوٗکن منٛز ظٲہِر یمنہٕ مےٚ زاننس منٛز کانٛہہ دلچسپی تھاوان ٲسؠ تہٕ نہ ٲسؠ مےٚ متعلق پرژھٲنی"21تاہم ووٚن خداین اسرائیل کٮ۪ن لوٗکن صحیفن منٛز، "بہٕ چُھسو توٚہہ ہمیشہٕ دعوت دِوان زِ مےٚ زٲنیٚو، مگر توٚہؠ چھو ہمیشہٕ میانؠ نافرمٲنی تہٕ مخالفت کران"
Bridge Connectivity Solutions Pvt. Ltd.