رومؔ16
1بہٕ "پولُسؔ" چُھس توٚہہ پننہِ سٲتھی فیبےؔ ناوچہ بیٚنہِ تہٕ ایمان واجنہِ ہنٛز سفٲرش کران۔ سۅ چھےٚ تمہِ ایمان واجنہِ جمٲژ ہنٛز تہِ خدمت کران یمہٕ کنخریہؔ شہرس منٛز سمٕکھؠ۔ 2بہٕ چُھس توٚہہ فوبیؔ ہنٛز تہِ سفٲرش کران یُتھ توٚہؠ سۅ خداوند یسُوعؔ سنٛدٮ۪ن ایمان والیٚن منٛز اکھ سٲتھی ایمان واجِنؠ قبول کٔرؠ وون۔ سۅ کٔرؠ وون تتھٕ پٲٹھؠ قبول یتھ پٲٹھؠ خدایہ سنٛدٮ۪ن لوٗکن خٲطرٕ منٲسب روزِ۔ بتہِ چُھس تُہنٛدِ باپتھ تمِس سفٲرش کران تاکہ تمِس گژھ پرٛتھ رنٛگہٕ مدد یمہِ تہٕ چیزٕچ تمِس توٚہہ نِش ضرورت آسہِ۔ یہ کٔرؠ زیٚو تکیازِ تمہِ کوٚر پانہٕ مےٚ سان واریہن لوٗکن مدد۔3پرسکہِ تہٕ تمسنٛدِس خاندار اکولہؔ ہس ؤنؠ زیٚو میانؠ سلام۔ تِمو کٔر مےٚ سٟتؠ یسوع مسیح ہس متعلق لوٗکن وننس دوران واریاہ کٲم۔4تِمو ترُوو میٚون زُو بچاونہٕ باپتھ پنُن پان رومیٚو دٔسؠ قتٕل سپدن کِس خطرس منٛز۔ بہٕ تہٕ ایمان واجنہِ تمام قومی جمٲژ چھےٚ تِمن شکُر گذار۔5امہِ علاوٕ ؤنؠ زیٚو تتھ پژھ، واجنہِ جمٲژ تہِ سلام یۅسہٕ پرسِکلا تہٕ اکولؔہ سنٛدِس گھرس منٛز سمکھِ۔ میانِس ٹٲٹھِس اپینتسسؔ ؤنؠ زیٚو سلام، سُہ چُھ آسیہ صوبُک لۅکُٹ تہٕ گۅڈنیُک شخص یمؠ یسُوعؔ مسیح ہس پیٚٹھ ایمان اوٚن۔6مریمسؔ ؤنؠ زیٚو سلام۔ تمہِ کٔر تُہنٛدِ باپتھ واریاہ محنت۔7اندرُنِکسؔ تہٕ یونِیاسس ؤنؠ زیٚو سلام۔ تِم چھِ میانؠ یہُودؠ سٲتھی، تہٕ أسؠ ٲسؠ یکہٕ وٹہٕ قٲدس منٛز۔ یمہٕ یسوعنؔ پنٕنؠ نمایندگی کرنہٕ باپتھ سوزمٕتؠ ٲسؠ۔ سُہ چُھ تِمن اصٕل پٲٹھؠ زانان۔ خداین رلٲوؠ تِم مسیح ہس سٟتؠ امہِ برُونٛہہ زِ ییٚلہ تمؠ مےٚ سٟتؠ یہ کوٚر۔8امپلیاطُسؔ کٔرؠ زیٚو سلام۔ بہٕ چُھس تس محبت کران خداوند یسُوع مسیح سُنٛد اکھ ٹوٹھ ایمان وول آسنہٕ موٚکھٕ۔9اُربانس ونؠ زیٚو سلام۔ سُہ چُھ یسُوع مسیح ہس متعلق لوٗکن وننس دوران اسہِ سٟتؠ کٲم کران۔ استخسس تہِ کرؠ زیٚو سلام، یس بہٕ سیٚٹھاہ لول بران چُھس۔10اپلیسؔ کرؠ زیٚو سلام یُس یسُوع مسیح ہن قبول کوٚرمُت چُھ۔ تِمن ایمان والیٚن کٔرؠ زیٚو سلام یمہٕ ارستُبولسؔ سنٛدِس گھرس منٛز روزان چھِ۔11میانِس یہُودؠ سأتھی ہیرودیٚونسؔ ونؠ زیٚو سلام۔ تِمن لوٗکن ونؠ زیٚو سلام یمہٕ خداین خداوند یسوعسؔ سٟتؠ رلٲوؠ یمہ نرکِسسؔ سنٛدٮ۪ن گھرٕ بٲژن سٟتؠ روزان چھِ۔12تروفینہؔ تہٕ تروفوسسؔ کرؠ زیٚو سلام۔ یمہ زنہِ خداوند یسوعس متعلق لوٗکن وننہٕ خٲطرٕ لول بران چھےٚ۔ پرسِسسؔ ونؠ زیٚو سلام، یمِس بہٕ محبت کران چُھس۔ تمؠ کٔر خداوند یسوعسؔ متعلق لوٗکن وننس دوران کٲفی محنت۔13روفسس ونؠ زیٚو سلام۔ سُہ چُھ خداوند یسُوعؔ ہن ژورٕمُت، تمسنٛزِ ماجہِ تہِ ونؠ زیٚو سلام۔ سۅتہِ ٲس زنتہٕ مےٚ پنٕنؠ موج۔14اسنکرِتس، فِلگونس، ہرماسسؔ، پترُباسس، ہرمیسسؔ، تہٕ تِمن باین یِم تِمن سٟتؠ چھِ ونؠ زیٚو سلام۔15فِللُگس، یولیہؔ ہس، نیریُوسس تمسنٛزِ بیٚنہِ تہٕ اُلمپاسسؔ ونؠ زیٚو سلام، بییہِ ونؠ زیٚو تِمن سارنی لوٗکن سلام یمہ تِمن سٟتؠ وتھان بہان چھِ۔16اکھ أکِس کٔرِو محبتہٕ سان سلام۔ پژھ، واجنہِ تمام جمٲژ یمہ مسیح ہس سٟتؠ تعلق تھاوان چھِ، چھِ توٚہہ اتھ علاقس منٛز سلام کران!17میانیٚو سٲتھی پژھ، والیٚو! بہٕ چُھسو توٚہہ تلقین کران زِ تِمو لوٗکو نشہِ روزؠ زیٚو حیٚسہٕ یمہٕ پانہٕ وٲنؠ ژُوان چھِ تہٕ اکھ اکِس گُنہن کُن نِوان چھِ، یہ اسہِ توٚہؠ ہیٚچھنٲیو تتھ خلاف چھِ۔ تِمو نشہٕ روزؠ زیٚو دوٗر!18حقیقتن چھنہٕ یتھؠ لوٗکھ سٲنِس خداوند یسُوع مسیح سنٛز خدمت کران، بلکہ چھِ تِم پنٕنؠ بۅچھٕ ہمراوان۔ تمہ، مُدرِ زبٲنؠ تہٕ چاپلوٗسی سان کتھ کران چھِ تِمن لوٗکن دونٛکھٕ دِوان یِمن نہٕ فِکرے تران چُھ زِ اپُز کیاہ چُھ۔19بہٕ چُھس توٚہہ یمہ کتھٕ ونان، تکیازِ واریہو لوٗکو چُھ بوزمُت زِ توٚہؠ کِتھٕ کنؠ چُھ خدایہ سنٛز عبادت کران۔ نتیجہ چُھ یہ زٕ بہٕ چُھس تُہنٛدِ سٟتؠ واریاہ خۅش! مگر بہٕ چُھس یتہِ زانان زِ توٚہؠ چُھ اصلیٚن کتھن متعلق دٲنشمنٛدی کٲم ہیٚوان تہٕ بُرٕ کامیٚو نشہِ روزؠ زیٚو بے قصور۔20یُس خدا اسہِ سکون بخشان چُھ سُہ کرِ جلدےٕ اسہِ شیطانس پیٚٹھ غٲلب، گویا توٚہؠ ٲسؠ وون سُہ پننٮ۪ن کھۅرن تل متھان۔ بہٕ چُھسو دُعا کران زِ خداوند یسُوع مسیح روزِنؠ توٚہہ پیٚٹھ مہربان! 21تیمُتھیس یُس مےٚ سٟتؠ کٲم کران چُھ، لوٗکن یسُوعؔ ہس متعلق ونان چُھ، چُھو توٚہہ سلام سوزان۔ میٚون سٲتھی یہُودؠ لوکیُسؔ، یاسونؔ تہٕ سوسِپطرس چُھو توٚہہ سلام سوزان۔22بہٕ چُھس ترتیُسؔ یہ نامہٕ لیٚکھن وول، یہ زن پولُسنؔ مےٚ ووٚن۔ چُھسو توٚہہ سلام ونان بحثیتِ اکھ ٹوٹھ ایمان وول خداوند یسُوعؔ سُنٛد۔23گیسؔ چُھو توٚہہ سلان ونان۔ سُہ چُھ میانؠ تہٕ سارنےٕ پژھ، والیٚن ہنٛز میزبٲنی کران یمہ یتہِ سمکھان چھِ۔ اراستُسؔ چُھ یمہ شہرُک خزانچی سُہ تہٕ سون سٲتھی ایمان وول کوارتُسؔ چُھو توٚہہ سلام سوزان۔24بہٕ چُھس دُعا کران زِ سون خداوند یسُوع مسیح روزِن توٚہہ پیٚٹھ مہربان۔ یی سپدِن!25بہٕ چُھس دُعا کران زِ پرٛتھ کانٛہہ پٔرِن خدایہ سنٛز تسبیح۔ سُے چُھ یُس توٚہہ اتھ خۅشخبری ہنٛدِس بنیادس پیٚٹھ طاقت عطا کرِتھ ہیٚکہ یُس بہٕ یسُوع مسیح ہس متعلق ونان چُھس۔ یُس بہٕ اعلان کران چُھس سُہ تمہِ پُر اسرار منصوبُک حصہٕ یُس خداین ظٲہر کوٚرمُت چُھ مگر امہِ برُونٛہہ اوس واریہس وقتس لوٗکو نشہِ ژوٗرِ تھاونہٕ آمُت۔26تاہم کوٚر خداین ووٚنؠ سُہ پُر اسرار منصوبہٕ ظٲہر تِمو کوٚر پننٮ۪ن نبین ہنٛدِ ذریعہ یِمن کتھن ہُنٛد اظہار یِمو اتھ متعلق پننٮ۪ن صحیفن منٛز لیٚوکھمُت چُھ۔ تِمو کوٚر یہ تمہِ مطٲبق یہ زن تاابد پوشہٕ ونؠ خدایہ سُنٛد حکم اوس تاکہ تمام قوم کرن یسُوعؔ مسیح ہس پیٚٹھ بھروسہٕ کرِتھ خدایہ سنٛز فرمانبردٲری۔27صرف چُھ خدا عظمت وول۔ بہٕ چُھس دُعا کران زِ پرٛتھ کانٛہہ پٔرِن یسُوع مسیح سنٛدِ ذریعہ ہمیشہٕ باپتھ تمسنٛز تسبح! یی سپدِن!
Bridge Connectivity Solutions Pvt. Ltd.