رومؔ15
1بے شک پزِ اسہ، یِم مسیحسؔ پیٚٹھ روحٲنی طور پۅختہٕ ایمان تھاوان چھِ، پننٮ۪ن تِمن ایماندار سٲتھین حمایت کرٕنؠ یِمن روحٲنی طور مسیحس پیٚٹھ ایمان نا پۅختہٕ چھُ۔ اسہِ پزِ نہٕ صرف تہِ کرُن یہ اسہِ پانس خۅش چُھ گژھان۔2اسہِ سارنی یمہ مسیحس پٮ۪ٹھ پژھ چھِ تھاوان پزِ تِتھے پٲٹھؠ رُت کرُن یہِ سانٮ۪ن باقی ایمان والیٚن سٲتھین پسنٛد چُھ۔ تاکہِ تہِ سپدِ یہ تِہنٛدِ باپتھ جان روزِ تہٕ تِمن روحٲنی طور بالغ سپدنس منٛز مدد میلہِ۔3مثال کرو، یسُوع مسیح ہن تہِ کوٚر نہٕ پننہِ خۅشی باپتھ کینٛہہ بلکہ رود سُہ دویمٮ۪ن ہنٛزِ خۅشی باپتھ زندٕ۔ داوود سُنٛد تہِ اوس یوٚہے مطلب ییٚلہ تٔمؠ پننٮ۪ن صحیفن منٛز لیٚوکھ زِ مسیح ہن ووٚن خدایس، "ییٚلہ لوٗکھ ژےٚ توہین کران چھِ تِم چھِ میٚتہِ توہین کران۔ 4اصلی لیٚوکھ گۅڈٕ نبیو اسہِ ہیٚچھناونہٕ باپتھ تہِ سورےٕ۔ تِمو لیٚکھؠ صحیفہٕ تہِ، تاکہ اسہِ میلہ تِمو کتھو سٟتؠ یقین یمہٕ صحیفن منٛز وننہٕ چھےٚ آمژٕ یمہٕ اسہِ برداشت کرنس منٛز مدد دِوان چھےٚ تہٕ اسہٕ حوصلہٕ بخشان چھےٚ۔5بہٕ چُھس دُعا کران زِ سون صٲبِر تہٕ حوصلہٕ دنہٕ وول خدا دِین توٚہہ اکھ اکِس سٟتؠ مِلژار سان روزنُک توفیق، یتھ کنؠ زن یسُوع مسیح رودمُت چُھ۔6بہٕ چُھس دُعا کران زِ توٚہؠ روزیٚو اکھ اکِس سٟتؠ رلِتھ میلِتھ تاکہ ییٚلہ توٚہؠ خدایہ سنٛدؠ تعریف کٔریٚو توٚہؠ ٲسیٚو یکُت کٔرِتھ۔ سُہ چُھ سٲنس خداوند یسُوع مسیح سُنٛد بب۔7پننٮ۪ن سٲتھی ایمان والیٚن کٔریٚو تِتھے پٲٹھؠ خۅش آوے یتھ پٲٹھؠ یسُوع مسیح ہن خدایہ سنٛدؠ تعریف کرنہٕ باپتھ توٚہہ استقبال کوٚر۔8پزر چُھ یی زِ بہٕ پولُسؔ چُھسو توٚہہ ونان زِ یسُوع مسیح چُھ ختنہٕ کٔرمتٮ۪ن یہُودٮ۪ن ہنٛز خدمت اوٕ مۅکھٕ کران زِ خدا کوتاہ قٲبلِ اعتماد چُھ۔ تمؠ کوٚر یہ اوموٚکھٕ تاکہ سُہ چیز ییہِ محفوظ تھاونہٕ یمیُک وعدٕ خداین یہُودٮ۪ن ہنٛدٮ۪ن جدٕاجدادن، ابراہامس، اضحاقسؔ تہٕ یعقوبس سٟتؠ کوٚرمُت اوس۔ 9یسُوعؔ ہن تہِ کوٚر تی یُتھ زن قوم خدایہ سنٛدؠ حمد کرن۔ تکیازِ سُہ چُھ سیٚٹھاہ رحم دل۔ داودسؔ اوس یہ مطلب ییٚلہ تمؠ صحیفن منٛز لیٚوکھمُت اوس، "ییٚلہ بہٕ قومن درمیان آسہٕ تہٕ بہٕ کرٕ اعلان زِ ژٕ کُس چُھکھ، تہٕ گیٚوان گیٚوان پرٕ چٲنؠ ثناہ" 10پتہٕ ووٚن موسیٰؔ ہن کلامِ مقدسس منٛز، "توٚہؠ تمام قوم، منٲیو خدایہ سنٛدٮ۪ن لوٗکن سٟتؠ رلِتھ جشن" 11تہٕ یتہِ لیوکھ کٔمتام صحیفس منٛز زِ، "اے تمام قوم کیٚو لوکو، خداوند سنٛدؠ تعریف کٔریٚو! تمام لوٗکھ کٔرؠ زیٚو تمسنٛدؠ حمد۔ 12نبی یسعیاہنؔ ووٚن صحیفن منٛز یتہِ زِ یُس داوود نِس مٲلِس یسیؔ سنٛدِ پُشتہٕ منٛزٕ چُھ سُہ ییہِ تہٕ لاگہ قومن پٮ۪ٹھ حکومت، تمسنٛدِ سببہٕ سپدِ قومن اکھ اعتماد حٲصِل" 13بہٕ چُھس دُعا کران زِ سُہ خدا یُس لوٗکن اعتماد بخشان چُھ سپدِن توٚہہ تمِس پٮ۪ٹھ بھروسہٕ کرنہٕ سٟتؠ سیٚٹھاہ خۅشی تہٕ دینو سکوٗنُک احساس! بہٕ چُھس دُعا کران زِ خدا کٔرِن یہ، یُتھ زن روح القدس سنٛدِ ذریعہ توٚہہ اتھ قٲبِل بناوِتھ توٚہہ واریاہ اعتماد حٲصل سپدِ۔14میانیٚو ٹاٹھیو ایمان والیٚو، خداین کوٚرس بہٕ پانہٕ تہِ قٲیل زِ توٚہہ منٛزٕ چُھ پرٛتھ اکھ واریاہ جان۔ واریہن چیزن ہُنٛد بہتر علم تھاون وول تہٕ دویمٮ۪ن ہیٚچھناونس قٲبِل تہِ۔15یتھ خطس منٛز لیٚوکھ مےٚ توٚہہ کینٛژن کتھن متعلق بےٚ پھُروکؠ پٲٹھؠ یمہ یسوعسؔ پٮ۪ٹھ پژھ تھاوان چھِ تاکہ توٚہہ روزیٚو تِمن متعلق یاد۔ مےٚ کوٚر یہ، تکیازِ خداین دیُت مےٚ یہ کرنُک اختیار۔16خداین کوٚر یہ، اوٕ موٚکھٕ زِ بہٕ کرٕ یسُوعؔ مسیح سنٛز خدمت غٲر یہُودؠ لوٗکن منٛز خدایہ سنٛدِ طرفہٕ یہ خۅش خبر بوزنٲوِتھ، زنتہٕ بہٕ اکھ کاہن چُھس۔ بہٕ چُھس یہ امہِ کِنؠ کران، غٲر یہُودؠ لوٗکو باپتھ یمہ یسُوعؔ ہس پٮ۪ٹھ بھروسہٕ کران چھِ، کرن تیٚوتھ کینٛہہ چیز یُس خدایس پیش آسہِ کرنہٕ آمُت تہٕ یہ روح القدس تمِس باپتھ الگ تھاوان چُھ۔17لہٰذا چُھس بہٕ اکِس تِتھس شخصہٕ سنٛدؠ پٲٹھؠ یسُوع مسیح ہس سٟتؠ رٔلِتھ، یس یتھ کتھ پٮ۪ٹھ فخر کرنس بہترین وجہ چھِ یہ خدا میانہِ ذریعہ کران چُھ۔18در اصٕل ونہٕ بہٕ یہ کتھ فخرٕ سان زِ مسیح ہن کیا کیا کرنوو میانہِ ذریعہ یمہ سٟتؠ قومن فرمانبرداری کرنس منٛز خدایہ سنٛزِ خۅشخبری پٮ۪ٹھ بھروسہٕ چُھ۔ مٮسیحؔ ہن کوٚر تہِ یہ مےٚ ووٚن تہٕ کوٚر۔19مسیحنؔ کوٚڑ یتہِ زوردار تہٕ حٲرت انگیز معجزو ذریعہ، زنتہٕ خدایہ سنٛدؠ روحن بہٕ طاقتور بنووُس۔ نتیجہ دراو یہ زِ مےٚ کوٚڑ یروشلمہٕ پٮ۪ٹھ الرَکُم تام مسیح سنٛزِ خوشخبری ہُنٛد اعلان مکمل۔20تہٕ یتھے کنؠ اوسُس بہٕ یہ خۅش خبری تِمن جاین تام واتناوُن یژھان یتہِ نہٕ لوٗکو زانٛہہ تہِ مسیح ہس متعلق بوزمُت اوس۔ بہٕ اوسُس نہٕ یژھان کانٛسہِ ہنٛزِ کامہِ منٛز مداخلت کرٕنؠ۔ بلکہِ اوسُس بہٕ سُے تعمیر کھالُن یژھان یتھ کانٛسہ کٕن دیتمُت آسہِ ہے۔21بلکہ چھُس بہٕ تِم لوٗکھ خۅشخبری بوزناوان یمو نہٕ زانٛہہ بوزمٕژ ٲس۔ یہ چُھ تی یہ یسعیاہنؔ صحیفن منٛز لیٚوکھمُت اوس، "تِمن لوٗکن یِمن نہٕ تمِس متعلق کٲنٛسہِ ووٚنمُت چھُ کرن مشٲہدٕ زِ کُس چھُ سُہ۔ یِمو لوٗکو نہٕ تمِس متعلق بوزمُت چھُ تِمن ترِ فکرِ زِ سُہ کُس چھُ۔ 22تٔمؠ رُکووُس بہٕ رومسؔ منٛز بار بار توٚہہ سارنےٕ سمکھنہٕ نِشہ۔ 23مگر تمہِ وزِ ٲس نہٕ مےٚ تِمن علاقن منٛز گژھنہٕ باپتھ خۅشخبری وننہ خٲطرٕ کانٛہہ تہِ جاے۔ بتہِ اوسُس کینٛژو وریو پٮ۪ٹھٕ توٚہہ سمکھنُک انتہٲیی خٲہِش منٛد۔24لہٰذا ییٚلہ تہِ بہٕ صوبہ اسفانیہؔ گژھان چُھس تہٕ بہٕ رومہٕ منٛزؠ پکن وزِ توٚہہ سمکھنٕچ امید تھاوان۔ بہٕ چُھس یہ امید تہِ تھاوان زِ توٚہؠ سٟتؠ کینٛژس کالس لُطف اندوز سپدِتھ کٔریٚو مےٚ توٚہؠ اسفین گژھنہٕ کِس سفرس منٛز مدد۔25مگر فِلحال گژھٕ بہٕ یروشلم یُتھ بہٕ تتہِ خدایہ سنٛدٮ۪ن لوٗکن خدمت کرٕ۔26بہٕ چُھس یہ کران تکیازِ مکدُنیہ تہٕ اخیہ کٮ۪ن صوبن ہنٛدؠ ایماندار چھِ یروشلمس منٛز روزن والیٚن خدایہ سنٛدٮ۪ن غریب لوٗکن پونٛسہٕ دِتھ مدد کرنس منٛز خۅش۔27بنیٲدی ٲسؠ تِم ایماندار سیٹھاہ خۅشحال تہٕ تِمن پزِ ہے یروشلم کٮ۪ن غریب ایماندارن مدد کرُن۔ یہ چُھ اوٕ کِنؠ زِ غٲر یہُودؠ ایمان وٲلؠ چھِ یہُودؠ پژھ، والیٚن نِش روحٲنی فٲض حٲصل کران۔ لہٰذا پزِ غٲر یہُودؠ ایمان والیٚن زِ تِم کرن یہُودؠ ایمان والیٚن ہنٛز خدمت یۅسہٕ تِمن جسمٲنی طور درکار چھےٚ۔28اوٕ کِنؠ ییٚلہ بہٕ یہ کٲم انٛد واتنٲوِتھ یروشلم کٮ۪ن غریب ایماندارن یہ رقم بہتر پٲٹھؠ واتناوٕ تہٕ بہٕ نیرٕ اسفین گژھن وزِ تُہنٛدے شہرٕ کِنؠ۔29مےٚ چھےٚ پژھ زِ ییٚلہ بہٕ توٚہہ سٟتؠ ملاقات کرٕ تہٕ مسیحؔ کرِ اسہِ بٔڈ برکت!30میانیٚو سٲتھی ایماندارو، بہٕ چُھس توٚہہ گذٲرش کران پننِس خداوند یسُوع مسیح سنٛدِ وساطتہٕ زِ پاک روحن کتھٕ کنؠ بنٲوؠ أسؠ اکھ اکِس سٟتؠ محبت کرنس لایکھ۔ أتھؠ بنیٲز پٮ۪ٹھ چُھس بہٕ توٚہہ درخواست کران زِ مےٚ سٟتؠ کٔریٚو میانِس حقس منٛز خدایس نِش دُعا!31دُعا کٔرزیٚو زِ خدا گوٚژھ مےٚ یہُودیہ صوبہٕ کٮ۪ن یہُودین نِش نجاتھ دیُن یِم نہٕ یسُوعؔ ہس مانان چھِ۔ یہ دُعا تہِ کٔرؠ زیٚو زِ یروشلمس منٛز گژھن خدایہ سنٛدؠ لوٗکھ سُہ رقم قبول کرٕنؠ یُس بہٕ تِمن تتہِ غریب ایماندارن باپتھ دمہٕ۔32یہ دُعا تہِ کٔرؠ زیٚو زِ بہٕ یمہٕ خۅشی سان توٚہہ برُونٛہہ کُن یتھٕ پٲٹھؠ زن خدا یژھان چُھ تہٕ أسؠ کرو اکھ اکِس تازٕگی عطا۔33ٲخرس پٮ۪ٹہ چُھس بہٕ دُعا منٛگان زِ سُہ خدا یُس اسہِ سکون عطا کران چُھ آسہِ توٚہہ سارنی سٟتؠ۔ تی سپدِن پزرٕ سان!
Bridge Connectivity Solutions Pvt. Ltd.