1 کورنتھین1
1بہٕ، پولُسؔ، چُھسو توٚہہِ چِٹھؠ لٮ۪کھان، تہٕ سوستِھینس سٲنؠ سٲتھی ایماندار چھِ مےٚ سٟتؠ۔ خداین ژورنس بہٕ یسوعؔ مسیحؔ سنٛز نمایندگی کرنہٕ خٲطرٕ تکیازِ خدا اوس یی یژھان۔ 2بہٕ چُھس یہِ چِٹھؠ سوزان توٚہہِ توٚہؠ یِمہ خدایہ سنٛزِ ایماندار جمٲژ منٛز چھِ یِم کورنتھؔ شہرس منٛز چھِ۔ خداین مِلووُکھ ژٕ یسوعسؔ سٟتؠ پانس الگ کرنہٕ باپتھ، تہٕ تٔمؠ ژورُکھ ژٕ پننٮ۪ن لوٗکن خٲطرٕ۔ توٚہؠ چُھو دین دار جمٲژ ہنٛدؠ حصہٕ یِم واریہن ملکن تہٕ شہرن منٛز سٲنِس خداوند یسوعؔ مسیحؔ سنٛز پرستِش چھِ کران۔ یسوعؔ مسیحؔ چُھ تیہُنٛد خداوند تہٕ سون خداوند۔3خدا یعنی سون بب تہٕ خداوند یسوعؔ مسیحؔ تھٲوِن اسہِ سارنےٕ پٮ۪ٹھ پنُن فضل تہٕ سلامتی قٲیِم۔4بہٕ چُھس تُہنٛدِ امہِ حیثیتہٕ باپتھ خدایہِ سُنٛد شکریہ کران۔ بہٕ چُھس یہِ اوٕ کِنؠ کران زِ زانان چُھس خداین کوت خٲر کوٚرُو توٚہہِ یسوعؔ مسیحؔ ہس سٟتؠ جورِتھ۔5ییٚلہِ بہٕ یہِ ونان چُھس زِ خداین کوٚر توٚہہِ پٮ۪ٹھ پنُن فضل۔ میون مطلب چُھ زِ خداین کوٚرو توٚہہِ پٮ۪ٹھ فضل۔ تہنٛز زندگی پرٮ۪تھ رنگہٕ تہٕ درجہٕ مسیحؔ ہس سٟتؠ جورِتھ۔ تہِ سورےٕ ہٮ۪تھ یہِ توٚہہِ ووٚنو یا زٲنِو۔6خداین کوٚرُو فضل تہٕ سورےٕ پزرٲوِتھ یہِ اسہِ توٚہہِ مسیحؔ ہس متعلق ووٚنو یا ووٚنمُت اوسو7خداین کٔرؠ یِم چیز تہنٛدِ باپتھ اوٕ کِنؠ زِ توٚہؠ بٔنیٚو روحٲنی طور باصلٲحیت تہٕ پورٕ اعتماد سان روزیٚو پزرؤنؠ یسوعؔ مسیحؔ سٕنٛدِس دُبارٕ یِنس۔ 8یتھٕ پٲٹھؠ زن مسیحؔ ہن سٲنؠ تعلیم پزرٲو تِتھے پٲٹھؠ پزراوِ سُہ یسوعؔس پٮ۪ٹھ تۅتام تُہنٛد ایمان یوٚتام توٚہؠ یتھ زمینہِ پٮ۪ٹھ زندٕ روزیٚو۔9خدا چُھ پنُن دیُتمُت قول ہمیشہٕ بامل انان تہٕ تٔمؠ چُھو توٚہؠ خاص پٲٹھؠ ژٲرؠ مٕتؠ پننِس گۅبرس سٲنِس خداوند یسوع مسیحؔ ہس سٟتؠ پرٮ۪تھ چیزچہِ شراکژ باپتھ۔ 10میانیو دینی سٲتؠ باجیو۔ یسوعؔ مسیحؔ سٕنٛدِ حکمہٕ چُھس بہٕ توٚہہِ التماس کران زِ توٚہؠ روزیٚو یک زبان۔ بہٕ چُھسو سوال دوان بیوٚن بیوٚن ٹوگجن منٛز مٕہ پیٚیِو۔ بلکہِ روزیٚو پانہٕ وٲنؠ صلاح سان تہٕ اکھ أکِس سٟتؠ روزیٚو پننس وننس دپنس تہٕ کرنس منٛز یک زبان تہٕ یِکہٕ وٹہٕ۔11بہٕ چُھسو توٚہہِ میانیو دینی باجیو یہِ التماس اوٕ کِنؠ کران زِ خلوے ٹبرکیو کینٛژو فردو ووٚن مےٚ توٚہہِ متعلق۔ تِمو ووٚن مےٚ زِ توٚہؠ چُھو پانہٕ وٲنؠ ہر تُلان تہٕ لایہِ لایہِ کران۔12بہٕ چُھسو توٚہہِ یہِ اوٕ کِنؠ ونان زِ توٚہہِ منٛزٕ کٲتیاہ چھِ مثلاً میانہِ یعنی پولُس سنٛزِ جمٲژ ہنٛدؠ آسنُک دعوا کران یا چُھو اپولُس سُنٛد جمٲژ منٛز آسنُک دعوا کران۔ یا کیفس سنٛز جمٲژ سٟتؠ نتہٕ مسیحؔ سنٛز جمٲژ سٟتؠ آسنُک۔ 13کٲنٛسہِ تہِ بٲگروو نہٕ مسیحؔ جمٲژ منٛز۔ توٚہہِ تہِ پزِ نہٕ سُہ بٲگراوُن۔ کٲنٛسہِ دیُت نہٕ پولُسؔ تُہنٛدِ خٲرٕ باپتھ پھییہ۔ نَہ دِتو بالکُل کٲنٛسہِ توٚہہِ پولُسؔ سٕنٛدِس ناوس پٮ۪ٹھ بپتسمہ۔14بہٕ چُھس شکُر کران خدا سُنٛد زِ مےٚ دیُت نہٕ تہنٛزِ جمٲژ منٛز کٲنسے بپتسمہ بغٲر کرسپس تہٕ گیس۔15چونکہِ مےٚ دیُت کژن تام نفرنےٕ بپتسمہ تاکہِ توٚہہِ منٛزٕ ونہِ نہٕ کانٛہہ زِ مےٚ دیُت توٚہہِ بپتسمہ تہٕ توے چُھو توٚہؠ میٲنؠ۔16وۅنؠ گو مےٚ دیُت ستفناسس سٕنٛدِس ٹبرس تہِ بپتسمہ۔ امہِ علاوٕ چُھنہٕ مےٚ ژٮ۪تس زِ مےٚ کیا دیُت بیٚیہِ کٲنٛسہِ تہنٛزِ جمٲژ منٛز بپتسمہ۔17توٚہہِ منٛزٕ کژن تامنےٕ بپتسمہ دِنُک وجہہ چُھ یہِ زِ بہٕ سوزُس نہٕ مسیحؔ ہن بپتسمہ دِنہِ بلکہِ توٚہہِ خوش خبر دِنہِ زِ بہٕ چُھس یہِ انسٲنی معیارو بہترین لفظ ورتاونہٕ وراے کران۔ یتھٕ پٲٹھؠ چُھس نہٕ دارس پٮ۪ٹھ مسیحؔ سٕنٛدِ یمہِ عالمہٕ نیرنہ کہِ پٲغامچ قوت زٲیل یژھان کرٕنؠ۔18بہٕ چُھس نہٕ دٲنش مندانہٕ لفظ ورتاوان تکیازِ مسیحؔ سُنٛد دارس کھٔسِتھ زُو دنُک پٲغام چُھ کینژھن لوٗکن احمقٲزی باسان۔ وۅنؠ گو خدا چُھ اسہِ نجات پراون والیٚن اہم پٲغام دِنُک یژھان۔19توٚہؠ ہیٚکو سیٚودے ؤنِتھ زِ یہِ چُھ پوٚز تکیازِ یہِ چُھ ووٚنمُت نبی ایساہن ، "بہٕ کرٕ دٲنِش مندن ہنٛز دٲنِش مندی لژھِ تہٕ عٲقلن ہنٛز عقل بے کار۔"20تاکہِ زاننس منٛز ییہِ زِ داناہن ہنٛز دانائی چھنہٕ کانٛہہ دانائی تہٕ حکیمن ہنٛز حکمت چھنہٕ کانٛہہ حکمت تہٕ دلیل تہٕ دعوا وادس واد کرن وٲلؠ چھِنہٕ ہرگز کُنہِ کارٕکؠ۔ تکیازِ یِم سٲری چھِ یتھ موجود دُنیہس سٟتؠ تعلق تھاوان۔ ژکہِ چُھ خدا ہاوان زِ یہِ کینٛژھا یتھ دنیہس منٛز دانٲئی باسان چھےٚ چھنہٕ ہرگِز تہِ کانٛہہ دانٲئی۔ 21خدا چُھ کران یہِ یتھٕ پٲٹھؠ خداین کوٚر ژور پرٮ۪تھ کینٛہہ بڈٕ دانٲئی سان تاکہِ پژھ نَہ تھاون وٲلؠ ہیٚکن نہٕ خدایس پننہِ دانٲئی سٟتؠ زٲنِتھ۔ اوٕ کِنؠ کوٚر خداین فٲصلہٕ زِ مسیحؔ ہس پٮ۪ٹھ پژھ تھاون والیٚن نجات بخشنُک۔ یم پژھ تھاون والیٚن ہنٛز احمق پٲغام سٟتؠ۔22اکہِ پاسہٕ چھِ واریاہ یہُودؠ برقوت، عظمتہٕ واجنہِ کامہِ یژھان۔ دویمہِ پاسہٕ چھِ یونٲنؠ دانٲئی ہنٛزِ ژھٲنٛڈ منٛز۔23اسہِ چھِ، یپٲرؠ مانان زِ مسیحؔ دراو یمہِ عالمہٕ دارس پیٚٹھےٕ واریاہ یہُودؠ چھِ اتھ پٲغامس پانس خلاف زانان تہٕ واریاہ غٲر یہُودؠ لوٗکھ اتھ احمقٲزی۔24مگر وۅنؠ گو أسؠ، یِم خداین لوٗکھ ژٲرؠ مٕتؠ چھِ چاہے أسؠ یہُودؠ چھِ یا یونٲنؠ چھِ زانان زِ خدا چُھ امہِ پٲغامہٕ سٟتؠ اسہِ مسیحؔ ہس متعلق اکھ اہم یہِ عظیم خبر دِنؠ یژھان۔25تکیازِ یہِ خدا چُھ کران تہِ ہرگاہ احمقٲزی چھےٚ انسٲنؠ کرنہٕ کھۅتہٕ عظیم تہٕ یہٕ خدا کرِ یوٚدوے سُہ کمزور تہِ آسہ چُھ انسٲنؠ کرنہٕ کھۅتہٕ پر قوت۔26امکِس ثبوتس منٛز سونچؠ تو زِ خداین ژٲرِو توٚہؠ پننیٚو کمزوریو باوجود پنٕنؠ ایمان وٲلؠ۔ بوزو وے تہٕ انسٲنؠ لِکھہٕ چھِ توٚہہِ منٛزٕ واریاہ رٕتؠ پٲٹھؠ سونچِتھ سمجِتھ تہِ ہیٚکان۔ نَہ کانٛہہ عظیم کٲمےٕ کٔرِھ ہیٚکان تہٕ نَہ خاص اہم خاندانٕکؠ حصہٕ۔27مگر خداین کوٚر فٲصلہٕ داناہن پنٕنؠ زمین ہاونہٕ باپتھ یا دانا لوٗکن مدٕ والنہٕ باپتھ احمق باسن والیٚن لوٗکن ہُنٛد استعمال کرن۔ خداین کوٚر فٲصلہٕ تِمن لوٗکن تہٕ چیزن پتھرِس والنہٕ باپتھ یِم پنٕنؠ کِنؠ عظیم کامہِ چھِ کران۔ کمزور تہٕ لیژؠ باسن والیٚن ہنٛز استعمال کرن۔28خداین کوٚر فٲصلہٕ غٲر اہم تہٕ حقارتہٕ سان وُچھنہٕ یِنہٕ والیٚن لوٗکن ہند استعمال کرُن۔ زنتہٕ زن یِتھؠ ہیو چیز وجودسےٕ منٛز چُھنہٕ مگر خداین کوٚر فٲصلہٕ یِمو سٟتؠ تِم چیز بناونُک یِمن باقےٕ سٲری غٲر اہم زانان چھِ۔29خداین کوٚر یہِ سورےٕ اکہِ خاص مقصدٕ تاکہِ کانٛہہ تہِ انسان ونہِ نہٕ پانس متعلق کینٛہہ عظیم تاکہِ کٲنٛسہِ تہِ انسانس باسہِ نہٕ پنُن پان خدایس برونٛہہ کنہِ عظیم۔30خدایہ نےَ جورِو توٚہؠ یسوعؔ مسیحؔ ہس سٟتؠ۔ مسیحؔ سٕنٛدِ برکتہٕ بنٲوؠ أسؠ خداین دانا۔ تٔمؠ کوٚر سانہِ بے گناہ آسنُک اعلان۔ ٲسؠ ژاران پنٕنؠ لوٗکھ تہٕ دِتُن نجات بدی ہنٛدیو طاقتو نِشہ۔ 31اوے تہٕ چونکہِ خدا چُھ یہِ سورےٕ کرن وول اسہِ پزِ کرُن یہِ زن نبی یرحیما ووٚن ، "یوٚدوے لوٗکھ کُنہِ باپتھ کانٛہہ عظیم کتھ ونٕنؠ یژھان آسن تِمن پزِ یہِ عظیم کتھ ونٕنؠ خداوندس متعلق۔"
Bridge Connectivity Solutions Pvt. Ltd.