رومؔ14
1کانٛسہِ تہِ سٲتھیس کٔرؠ زیٚو خۅش آوے مسیح ہس پٮ۪تھ ایمان اننس یُس نہٕ پوٗرٕ زانان آسہِ زِ ایمان کتھٕ کنؠ چُھ انُن۔ تِمن گژھِ نہٕ اتھ پٮ۪ٹھ بحث لاگنہٕ باپتھ استقبال کرُن۔2کینٛہہ لوٗکھ چھِ یِمن پژھ چھےٚ زِ تِم ہیٚکن کُنہ تہِ قسمُک کھیٚن کھیٚتھ۔ مگر مسیحس پٮ۪ٹھ ایمان تھاون وٲلؠ کینٛہہ نا پۅختہٕ چھِ یہ سونچان زِ تِم ہیٚکن چارٕ سبزی کھیٚتھ۔3مسیح ہس پٮ۪ٹھ پژھ تھاون وول یُس پرٛتھ قسمُک کھٮ۪ن کھیٚوان چُھ گژھِ نہٕ پننِس سٲتھی ایماندارس حقارت کرُن یُس نہٕ پرٛتھ قسمُک کھٮ۪ن کھیٚوان آسہِ۔ مسیح ہس پٮ۪ٹھ ایمان تھاون وول یُس نہٕ پرٛتھ قسمُک کھٮ۪ن کھیٚوان آسہ تمِس تہِ چُھنہٕ پننِس سٲتھی ایماندارس پٮ۪ٹھ پنُن فٲصلہٕ صٲدر کرُن یُس پرٛتھ قسمُک کھیٚن کھیٚوان آسہِ۔ یہ چُھ اوٕ کِنؠ زِ خدا چُھ یِمن دۅشونی خۅش آوے کران۔4توٚہہ چُھنہٕ پننِس سٲتھی ایماندارس پٮ۪ٹھ فٲصلہٕ صٲدر کرُن یُس دویمِس مٲلکہ سنٛدِس غلام سنٛدؠ پٲٹھؠ آسہِ۔ سُہ آسہِ یا تہٕ پننِس مٲلکس رٲضؠ کران یا نہٕ، یتھٕ پٲٹھؠ مٲلک فٲصلہٕ نِوان آسہِ۔ توتہِ کرِ خدا تس خۅش اوے۔ تکیازِ خداوند ہیٚکہِ یہ کرِتھ۔5کینٛہہ لوٗکھ چھِ مخصوص دوہُن خاص زانان ییٚلہ زن باقی تمام دوہُن ہیٚوی چھِ زانان۔ پرٛتھ فردس گژھِ پوٗرٕ پٲٹھؠ یقین آسُن زِ یہ کینٛژھا تِم کران چھِ تہِ چھِ تِم خدایہ سنٛدِس تعظیمس منٛز کران۔ 6یُس شخص کانٛہہ مخصوص دوٚہہ خاص سمجھان چُھ سُہ چُھ خداوند سنٛدِ تعظیمہٕ باپتھ تہِ کران۔ یُس شخص پرٛتھ قسمُک کھٮ۪ن کھیٚوان چُھ سُہ چُھ خدایہ سنٛدِس تعظیمس منٛز تہِ کران یہ چُھ اوٕ موٚکھٕ زِ سُہ شخص چُھ خدایہ سُنٛد شکُر ادا کران۔ یُس شخص کانٛہہ چیز کھیٚنہٕ نشہٕ انکار کران چُھ سُہ چُھ خدایہ سنٛدِ تعظیمہٕ باپتھ تہِ کران۔ سُہ شخص تہِ چُھ خدایہ سُنٛد شُکر ادا کران۔7یہ چُھ پزر تکیازِ اسہِ مسیحسؔ پٮ۪ٹھ ایماندارو منٛزٕ چُھنہٕ کانٛہہ تہِ صرف پنُن پان خۅش تھاونہٕ باپتھ زُوان تہٕ اسہِ منٛز چُھنہٕ کانٛہہ تہِ پننہِ پانہٕ چہِ خۅشی باپتھ مران۔8پزر چُھ یہ زِ یۅتام أسؠ مسیح سنٛدؠ ایمان وٲلؠ زنٛدٕ چھِ، أسؠ چھِ زُوان خداوند سنٛزِ خۅشی باپتھ۔ ییٚلہ أسؠ مران چھِ تہٕ أسؠ چھِ خداوند سنٛزِ رضا خٲطرٕ مران۔ لہٰذا أسؠ زُوو یا مرو أسؠ چھِ خدایہ سنٛدؠ۔9بنیٲدی چُھ یوٚہے وجہ زِ مسیح مود تہٕ پتہٕ گو دوبارٕ زنٛدٕ۔ تاکہ سُہ بنہ زنٛدن ہُنٛد تہٕ مۅردن ہُنٛد خداوند۔10یۅتام زن تُہنٛد تعلُق چُھ، توٚہہِ منٛزٕ یِم پننٮ۪ن سٲتھی ایماندارن فٲصلہٕ دِوان چھِ، تِمن پزِ نہٕ تہِ کرُن۔ توٚہہ پزن نہٕ پننٮ۪ن سٲتھی ایماندارن حقارت کرٕنؠ! تِم کامہِ مہٕ کٔریٚو، تکیازِ اکھ دوٚہہ واتہِ ییٚلہ خدا اسہ سارنےٕ ہُنٛد فٲصلہٕ کرِ یِمو مسیح ہس پٮ۪ٹھ ایمان اوٚنمُت چُھ۔11بنیٲدی چُھ یہ یسعیاہنؔ صحیفن منٛز لیٚوکھمُت، "خداوند چُھ فرماوان زِ یتھٕ کنؠ زن بہٕ زندٕ چُھس، یہ کتھ چھےٚ یقینی زِ پرٛتھ کانٛہہ کرِ میانؠ عبادت تہٕ پرٛتھ کانٛہہ کرِ مےٚ بحثیتِ خدا تسلیم" 12لہٰذا چُھ پرٛتھ اکِس یس تہِ مسیح ہس پٮ۪ٹھ ایمان چُھ یقیناً خدایس برُونٛہہ کنہِ جواب دیُن یہ کینٛژھا أسؠ کران چُھ، یۅتام أسؠ زنٛدٕ چھِ۔13اوٕ کِنؠ چُھ اسہِ باقی ایماندارن ہُنٛد انٛزرُن تراوُن۔ امہِ بجایہ چُھ اسہِ تِژھ کانٛہہ کٲم نہ کرنُک اِرادٕ کرُن یۅسہٕ سانٮ۪ن ایماندار سٲتھین گناہ کرنس پٮ۪ٹھ آمادٕ کرِ۔14مےٚ چُھ خداوند یسُوع سنٛدِ طرفہٕ پوٗرٕ یقین دنہٕ آمُت زِ کانٛہہ تہِ کھیٚن چُھنہٕ فطرتن مسیح سنٛدٮ۪ن ایمان والیٚن باپتھ کھیٚون گناہ۔ اگر کانٛہہ کُنہِ چیزس پانس پٮ۪ٹھ حرام کرِ تہٕ تمسنٛدِ باپتھ چُھ سُہ کھیٚن کھیٚون حرام۔15پنٕنؠ سٲتھی ایماندار مہٕ کٔرووکھ گناہ کرنس پٮ۪ٹھ آمادٕ، تکیازِ اگر توٚہؠ پننٮ۪ن سٲتھی ایماندارن تِم چیز کھیٲوِتھ غمگین کٔرووکھ یمہ کھیٚنؠ تِم گناہ سمجھان چھِ، تیٚلہ چُھو نہٕ توٚہؠ محبتہٕ سان کٲم کران۔ کانٛہہ سٲتھی ایماندار مہٕ بنٲے وون یمہِ کتھِ ہُنٛد بٲعث زِ یہ توٚہؠ کھیٚون یژھان ٲسیٚو تہٕ تمہِ موجُب ترٲیو خدایہ سُنٛد بھروسہٕ تہٕ سپدیٚو ہمیشہٕ باپت بُرباد! مسیح مود سُہ شخص بچاونہٕ باپتھ!16لہٰذا مہٕ کٔریٚو تِژھ کانٛہہ کٲم یمہِ سٟتؠ کانٛہہ تِمن اصلیٚن چیزن بد ونہِ یمہٕ توٚہہ خداین دِتؠ نو۔17تمہٕ کٔریٚو تکیازِ کھیٚون چیٚون چُھنہٕ خدایہ سنٛز بادشٲہی ظٲہر کران۔ بلکہ چھےٚ راستبٲزی، امن تہٕ خۅشحٲلی پاک روح کہ ذریعہ خدایہ سنٛز بادشٲہی ظٲہر کران۔18یقیناً یُس تہ کانٛہہ ایماندار یمو کامیٚو سٟتؠ مسیح سنٛز خدمت چُھ کران چُھ خدایس پسنٛد، تہٕ باقی لوٗکھ تہِ کرن تمِس شخصس پسنٛد۔19لہٰذا پزِ اسہِ بےٚ صبری سان پننٮ۪ن سٲتھی ایماندارن سٟتؠ امنہٕ سان روزنٕچ کوشش کرِنؠ تہٕ اکھ اکِس مدد کرنٕچ کوشش کرٕنؠ تاکہ سُہ سپدِ روحٲنی طور بالغ۔20خداین یہ کینٛژھا کوٚڑ تتھ مہٕ واتنٲیو زخ تکیازِ توٚہؠ چُھو کینٛہہ خاص غذا کھیٚون یژھان۔ خدا چُھ اسہِ پرٛتھ کُنہِ قسمُک کھیٚن کھیٚنُک اِجازت دِوان۔ وۅنؠ گوو کانٛسہِ باپتھ چُھ کانٛہہ کھیٚن کھیٚون گناہ، اگر تہِ کرنہٕ سٟتؠ تُہنٛد کانٛہہ سٲتھی ایماندار گناہ کرنس پٮ۪ٹھ آمادٕ ییہِ کرنہٕ۔21بہتر چُھ کانٛہہ ماز نہ کھیٚون، نہ شراب چیٚون یا کانٛہہ تِژھ کٲم نہ کرٕنؠ یۅسہٕ تُہنٛدٮ۪ن سٲتھی ایماندارن گناہ کرنس پٮ۪ٹھ آمادٕ کرِ۔ یا یۅسہٕ تمِس شخصس ٹھیس واتناو یا تمِس شخصس روحٲنی طور کمزور وزنہٕ دِیہ۔22تہِ کرو یتھ پٮ۪ٹھ توٚہہ پژھ چھےٚ یہ خدا توٚہہ کرُن ونان چُھ، چُھ توٚہہ تہٕ خدایس درمیان۔ سُہ شخص یُس نہٕ تتھ متعلق خطا زد محسوس کران چُھ یتھ سُہ صحی مانان چُھ سُہ چُھ بختہٕ وول۔23اتھ برعکس چُھ خدا تِتھس کانٛسہ شخصہٕ سُنٛد فٲصلہٕ کران یُس کینٛہہ کھیٚون گناہ یا درنٛگی چُھ سمجھان تہٕ تہِ چُھ کھیٚوان۔ یہ چُھ اوٕ موٚکھٕ زِ تمؠ شخصن کٔر نہٕ تمہِ مطٲبق عمل یہ سُہ شخص صحی مانان چُھ۔ یُس شخص کانٛہہ تِژھ کٲم کران چُھ یۅسہٕ تمِس شخصہٕ سنٛدِ ماننہٕ مطٲبق صحیح آسہِ نہٕ، سُہ چُھ گناہ کران۔
Bridge Connectivity Solutions Pvt. Ltd.