مکاشفہ6
1پتہٕ وُچھ مےٚ یہ برٕ موم کیٚو ستو ٹُکرو منٛزٕ گۅڈنیُک ٹُکرٕ مُژراوان یُس طومارس مُہرٕ سٟتؠ بند کٔرِتھ اوس۔ ییٚلہ تمؠ یہ کوٚر تہٕ مےٚ وُچھ ژورو جاندارو منٛزٕ اکھ زورٕ گگرایہِ ہنٛدؠ پٲٹھؠ ژرِ پوٚپ کران تہٕ بڈِ بڈِ ونان، "ؤلیٚو برُونٛہہ کُن!2پتہٕ وُچھ مےٚ حٲران کروُن اکھ چیز، اکھ سفید گُر یمسُنٛد سوار اکھ تیر کمان تہٕ تیر رٔٹِتھ اوس۔ خداین دیُت تس اکھ تاج یُس سُہ تِمن کامیٲبین ہنٛدِس اعزازس منٛز لٲگِتھ تھاوِ یِمہٕ سُہ زینن وول اوس۔ سوار دراو آسمان پیٚٹھٕ، یُس خدا سنٛدین دشمنن سٟتؠ لڑنٕچ تہٕ تِمن شکس دِنٕچ مکمل صلاحیت تھاوان اوس۔3پتہٕ کھول کٹہٕ برن مومُک بیاکھ ٹُکرٕ یتھ منٛز مُہر بنٛد طومار اوس۔ ییٚلہِ تٔمؠ یہ کوٚر تہٕ مےٚ بوز دویِم جاندار یہ ونان، "ولیٚو برُونٛہہ کُن!"4پتہٕ گو بیاکھ گُر ظٲہِر یُس وۅزُل اوس۔ تمِس گُرِس پیٚٹھ تہِ اوس اکھ سوار بہِتھ۔ خداین دیُت تس زمینس پیٚٹھ جنٛگ کرناونُک طاقت۔ یتھٕ پٲٹھؠ مارن دنیاہٕکؠ لوٗکھ اکھ اکِس۔ امہِ مقصدٕ باپتھ کٔر خداین تیز سُرخؠ گُرؠ سوارس اکھ بٔڈ تلوار عطا۔5پتہٕ کھول کٹہٕ برن مومُک ترییِم ٹُکرٕ تہٕ تُجن طمارس مُہر۔ ییٚلہِ تمؠ یہ کوٚر تہٕ مےٚ بوز تریمِس جاندار سنٛز کتھ یمؠ ووٚن، "ؤلیٚو!" پتہٕ وُچھ مےٚ بیاکھ قٲبلِ ذکر چیزاہ: اکھ سیاہ گُر یمسُنٛد سوار اتھس کیٚتھ ترکٕر رٔٹِتھ اوس ۔6پتہٕ بوز مےٚ اکھ آواز یۅسہٕ آواز زنتہٕ ژورن جاندارن درمیان ۅتلان ٲس، ونان ٲسؠ زِ "کٕنکھ کٔرؠ ووکھ تیٖتؠ نایاب زِ اکھ کِلو ہیٚنہٕ باپتھ گژھِ اکِس نفرس دوٚہس مزوٗرؠ کرٕنؠ پیٚنؠ۔ امہِ علاوٕ کٔریٚو جو تیٚوت نایاب یتھ انسان دوٚہس محنت کرِتھ ترےٚ کِلو ہیٚکہِ مٔلؠ ہیٚتھ۔ وۅنؠ گوو یہِ کتھ بنٲیو یقینی زِ زیتون تیل تہٕ شراب روزِ تیوٗت زیادٕ دستیاب زِ تہنٛدؠ باو ہُرن نہٕ ۔7پتہٕ کھول کٹہٕ برن مومُک ژورِم ٹُکرٕ یتھ منٛز طومار مُہر بنٛد اوس۔ ییٚلہِ تمؠ یہ کوٚر، تہٕ مےٚ بوز ژورمِس جاندار سُنٛد یہ ونُن، "ؤلیٚو!"8پتہٕ وُچھ مےٚ بیاکھ قٲبلِ ذِکر چیز: زرٕد رنٛگُک اکھ گُر اوس چونکہِ سُہ اوس بٮ۪مار مگر تس ٲسؠ زٕ سوار۔ گۅڈنِکس سوارس اوس ناو سُہ یُس لوٗکن مرنُک بٲعث بنان چُھ تہٕ بیاکھ یُس تمِس پتہٕ کنہِ گُرس پیٚٹھ بہِتھ اوس یمسُنٛد ناو اوس سۅ جاے یوٚت مودؠ مٕتؠ لوٗکھ گژھان چھِ۔ خداین کوٚر یِمن سوارن دنیا کٮ۪ن سارنےٕ لوٗکن ہُنٛد ژورِم حصہٕ مارنُک طاقت عطا۔ تِم ہیٚکن تِمن جنٛگ، قحط یا وبٲئی بٮ۪مارٮ۪ن ہنٛدِ بہانہٕ یا ہیٚکن جنٛگلی جانور آبٲدی والیٚن علاقن منٛز سوزِتھ تہٕ لوٗکن مٲرِتھ۔9پتہٕ کھول کٹہٕ برن مومس ولِتھ پٲنٛژِم طومار تہٕ تُجنس مُہر۔ ییٚلہِ تمؠ تہِ کوٚر، تہٕ مےٚ وُچھ، آسمانس منٛز اکِس قربان گاہس تل تِمن لوٗکن ہنٛدؠ روح یمہٕ باقیٚو یمہِ کِنؠ مٲرؠ مٕتؠ ٲسؠ زِ تِمو اوس قٲبلِ بھروسہٕ گواہن ہنٛدِ حثیتہٕ خدایہ سُنٛد پٲغام وفادٲری سان ونمُت۔10یِمو روحو دیُت بڈِ ہٹہِ خدایس ناد، "اے مٲلکہٕ! ژٕ چُھکھ ہمیشہٕ بہتر کران تہٕ صحی فٲصلہٕ نِوان، لہٰذا کٔرؠ تو مہربٲنی کٔرِتھ زمین پیٚٹھٕ کٮ۪ن تِمن لوٗکن ویٚشران تہٕ بیٚیہِ دی توکھ سزا یمو أسؠ قتل کٔرؠ"11پتہٕ دیُت خداین تِمو منٛزٕ پرٛتھ أکس جامہٕ دار لباس۔ خداین ووٚن تِمن ہنا صبٕر کرنہٕ باپتھ، تکیازِ بییہِ تہِ ٲسؠ کینٛہہ لوٗکھ یمہٕ مرن وٲلؠ ٲسؠ امہِ بجایہ زِ تِم کرن یسوعسؔ پیٚٹھ ایمان تھاونہٕ نِشہٕ انکار۔ مگر یُتھےٕ تِم سٲری مودؠ، خدا دییہِ تِمو، منٛز سارنے لوٗکن سزا یمو تِم قتٕل کٔرؠ تہٕ تِم لوٗکھ کٔرِکھ قتٕل یہنٛدؠ روح ووٚنؠ جنتس منٛز چھِ۔12پتہٕ وُچھ مےٚ کٹہٕ برٕ مومُک شییِم ٹُکرٕ مُژران یمِچ مُہر طومارس ٲس۔ ییٚلہِ تمؠ یہ کوٚر تہٕ زمین لٔج زورٕ زورٕ ہِلنہِ۔ آفتابس لوٚگ گرہُن، زنتہٕ لٲگِن کریہنِس ژھاولؠ سنٛز جٔژ ہنٛدؠ ؤنمٕتؠ ماتمی پلو، زوٗن ٲس پوٗرٕ تہٕ گےَ تیژ سورخ یوٗت خوٗن چھُ ۔13پتہٕ آے تارک آسمانہٕ پیٚٹھٕ زمینس لاینہٕ۔ تِم پیی تِتھٕ کنؠ زنتہٕ انجیر کُلِس پتھ کُن رودؠ مٕتؠ انجیر تیز ژھٹہِ سٟتؠ کُلیٚن دٕنن گٔژھِتھ پتھر پیٚوان چھِ ۔14آسمان پھوٚٹ تہٕ آو دۅشویٚو اندو وٹنہٕ، یتھ پٲٹھؠ اگر زن طومارس زٕ حصہٕ گژھن دۅشوٕیو انٛدو چُھ وٹنہٕ یوان، تمام پہاڑ تہٕ جزیرٕ تہِ ڈٔلؠ پننہِ پننہِ جایہِ نِش ۔15پتہٕ ژاے زمین پیٚٹھٕکؠ تمام لوٗکھ، حطاکہِ بادشاہ، حٲکمِ اعلیٰ، فوجی افسر، امیر تہٕ با اثر لوٗکھ تہِ گۅپھن تہٕ گارن منٛز بالہٕ پلن انٛدر ژوٗرِ روزنہِ ۔16تِمو ووٚن پہاڑن تہٕ کنٮ۪ن، اسہِ پیٚٹھ پیٚتھ تھٲے تو اسہِ ژورِ، یُتھ نہٕ اسہِ آسمانس منٛز تختس پیٚٹھ بہِتھ خدا اسہِ وُچھِتھ ہیٚکہِ۔ تہٕ یِتھ پٲٹھؠ ہیٚکہِ نہٕ اسہِ کٹہٕ برٕ سزا دِتھ ۔17تکیازِ از چُھ سُہ وہناک دوٚہہ یمہِ دوٚہہ خدا تہٕ برٕ تِمن لوٗکن سزا دِن یِمو غلط کوٚر تہٕ أسؠ چھِ زانان زِ اسہِ منٛزٕ چُھنہٕ کانٛہہ تہِ بے گناہ"
Bridge Connectivity Solutions Pvt. Ltd.