مکاشفہ3
1یہ پٲغام لیٚکھ تہٕ سردیسؔ شہرٕ کٮ۪ن ایمان والیٚن ہنٛدِس فرشتس: بہٕ چُھس سُہ اکھ یمِس نِش خدایہ سنٛدؠ ستھ روح تہٕ ستھ ستارٕ چھِ۔ مےٚ چھِ توٚہہِ وننہٕ خٲطرٕ یِم چیز: بہٕ چُھس تُہنٛزن کامٮ۪ن وٲقف، توٚہہ چھےٚ اکھ پرتیٖتھ روحٲنی طور مضبوط آسنہٕ موکھٕ، مگر توٚہؠ چھو نہٕ پزنہٕ پٲٹھؠ میانہِ باپتھ جوشہٕ سان کٲم کران۔2حیٚسہٕ روزیٚو! توٚہہ چُھ مکمل پٲٹھؠ میٚون عقیدٕ راونُک اہتمال لاحق۔ تتھ عقیدس منٛز أنِو نویٚر یُس وُنہِ تہِ توٚہہِ منٛز باقےٕ چھُ۔ توٚہہِ چُھنہٕ ازتام تہِ سورےٕ کوٚرمُت یہ خدا زانان چھُ زِ توٚہہِ گوٚژھُو آسُن کوٚرمُت۔3یاد کریٚو، ییٚلہ توٚہہ خدایہ سنٛدؠ ہِدایت بوزیٚو توٚہہ کمہِ بےٚ تٲبی سان کریٚو تِم قبول۔ پننہِ نافرمٲنی پیٚٹھ روزیٚو نٲدم تہٕ کریٚو دوبارٕ فرمانبردٲری کرٕنؠ شروع۔ اگر توٚہؠ میانؠ کتھ ماننس منٛز محتاط چھو نہٕ، تہٕ بہٕ کرٕ تُہنٛد فٲصلہٕ ییٚلہ زن نہٕ توٚہؠ تمیُک توقع کران ٲسِو۔ توٚہہ لگہِ نہٕ پتہےٕ زِ بہٕ کر آسہٕ توٚہہِ سزا دنہٕ وول۔4حالانکہ امہِ باوجود چھِ سردیس شہرس منٛز کینٛہہ ایمان وٲلؠ یِم نہٕ غلط کامہِ کران چھِ۔ تِم روزن ہمیشہٕ مےٚ سٟتؠ تہٕ پرٛتھ رنٛگہٕ روزن پاک۔ یہ چُھ تہِ یمِکؠ تِم مستحق چھِ۔5یتھٕ پٲٹھؠ کرن بہٕ سُہ فتح پراون وول مکمل پٲٹھؠ پاک. بہٕ بناوٕ یہ کتھ یقینی زِ امسُنٛد ناو روزِ زندگی ہنٛزِ کتابہِ منٛز ہمیشہٕ موجود۔ بہٕ ونہٕ پننِس بب تہٕ تمسنٛدٮ۪ن فرشتن زِ ذٲتی طور زانن بہٕ یہ۔ 6پرٛتھ کانٛہہ شخص یُس روحٲنی طور سمجھدار آسہِ دییہِ یور کُن توجہ زِ پاک روح کیاہ چُھ ایمان والیٚن ہنٛزن جمٲژن ونان"7فِلدلفیہؔ شہرٕچہِ ایمان واجنہِ جمٲژ ہنٛدِس فرشتہٕ سنٛدِ ناوٕ لیٚکھیٚو یہ پٲغام: " بہٕ چُھس سُہ یُس ہمیشہٕ تہِ کران یہ بہتر چُھ۔ بہٕ چُھس سُہ یُس ہمیشہٕ پوٚز ونان چُھ۔ یتھ پٲٹھؠ بادشاہ داوودسؔ لوٗکن یروشلمہٕ کِس قدیم شہرس منٛز دٲخل سپدنُک اِجازت دِنُک اختیار اوس، تِتھے پٲٹھؠ چُھ مےٚ لوٗکن جنتس منٛز دٲخل سپدنُک اِجازت دِنُک اختیار حٲصِل۔ اگر بہٕ کانٛسہٕ تہِ اکِس یہ موقعہ فراہم کرٕ تہٕ کانٛہہ ہیٚکہِ نہٕ تمسنٛدِس تتھ موقس انکار کرِتھ۔ ووٚنؠ اگر بہٕ کانٛسہِ سُہ اکھ موقہٕ فراہم کرٕنہٕ نشہٕ انکار کرٕ۔ یِمہ کتھٕ چھےٚ مےٚ نِش توٚہہِ وننہٕ خٲطرٕ: 8"بہٕ چُھس زانان زِ توٚہؠ کیاہ چُھو کران، بہٕ چُھس زانان زِ یودوے توٚہؠ کمزور چُھو مگر توٚہہِ کٔرو میانٮ۪ن احکامن ہنٛز تعمیل، توٚہہ کوٚرو تصدیق زِ توٚہؠ چُھو مےٚ پیٚٹھ پژھ تھاوان۔ حٮ۪سہٕ روزیٚو بہٕ چُھسو توٚہہِ اکھ موقہٕ فراہم کرن وول، یتھ نہٕ توٚہہِ کانٛہہ اکھ تہِ انکار کٔرِتھ ہیٚکہِ۔9دھیان تھٲوؠ زیٚو! کینٛہہ لوٗکھ چھِ یتھ کتھِ انکار کران زِ توٚہؠ چھُو میٲنؠ لوٗکھ۔ تِم لوٗکھ چھِ دعوا کران زِ أسؠ چھِ یہُودؠ مگر تِم چھِنہٕ تمہِ طریقہٕ عمل کران یِتھٕ پٲٹھؠ تِم لوٗکھ کران چھِ یِم پٔزؠ پٲٹھؠ خدایہِ سنٛدؠ چھِ۔ ییٚلہ تِم یِکوٹہٕ سمان چھِ تِم چھِ خدایہ سنٛز خدمت کرنہٕ بجایہ شیطانس مدد کران۔ ظۅن تھٲیو بہٕ زٲنراوکھ تِم لوٗکھ زِ بہٕ چُھسو توٚہہ محبت کران۔ ییٚلہِ تِم یہ زانن تِم ین تہٕ کرن توٚہہ کٲفی عزت۔10توٚہہ مونو میٚون ییٚلہ مےٚ توٚہہ صبرٕ سان مصیبت برداشت کرنُک حکم دیُت۔ تہٕ یتھٕ پٲٹھؠ تھاوو بہٕ توٚہؠ مصیبتہٕ نِشہٕ محفوظ یمیُک بُتھ عنقریب سٲرسےٕ انسٲنیتس وُچھن پییہِ۔ پرٛتھ جایہ ہنٛدؠ لوٗکھ کِتھٕ پٲٹھؠ کرن امہِ مصیبتُک مقابلہٕ تہِ دِیہِ ہٲوِتھ زِ حقیقتاً کِتھؠ چھِ تِم۔11بہٕ چُھس جلدےٕ ینہٕ وول۔ لہٰذا تھٲیو مےٚ پیٚٹھ پژھ قٲیِم۔ کانٛسہِ مہٕ دِیو تمہِ انعامہٕ نِشہٕ محروم روزنُک موقہٕ یُس خدا توٚہہِ عطا کرُن یژھان چُھ۔12بہٕ تھاون سُہ اکھ خدا سنٛدِ ہیکل کہ ستونٕکؠ پٲٹھؠ محفوظ یُس فتح یاب سپدِ۔ سُہ روزِ ہمیشہٕ باپتھ خدا سنٛدِس ہیکلس منٛز۔ بہٕ لیٚکھٕ تمِس پیٚٹھ پننِس خدایہ سُنٛد ناو۔ بہٕ لیٚکھٕ تمِس پیٚٹھ پننِس خدایہ سنٛدِ شہرُک ناو تہِ۔ سُہ شہر چُھ نوو یروشلم۔ سُہ وسہِ میانِس خدا سنٛدِ طرفہٕ آسمانہٕ پیٚٹھٕ بوٚن۔ بہٕ لیٚکھٕ پنُن نوو ناو تہِ تمِس پیٚٹھ یُس فتح یاب آسہِ۔ 13پرٛتھ کانٛہہ فرد یُس روحٲنی طور سمجھدار چُھ تھاوِ اور کُن توجو زِ پاک روح کیاہ چُھ ایمان واجنیٚن جمٲژن ونان"14یہ پٲغام لیٚکھ لودیہ کہِ شہرچہِ ایمان واجنہِ فرشتن ہنٛزِ جمٲژ ہنٛدِس فہرشتس: " بہٕ چُھس سُہ یُس خدا سنٛدین تمام وعدن ہنٛز تصدیق کران چُھ۔ بہٕ چُھس سُہ یُس خدایس متعلق پورٕ اعتبارٕ سان گوٲہی دِوان چُھ۔ بہٕ چُھس خدایہ سنٛدین تمام مخلوقن ہُنٛد حٲکم۔ مےٚ نِش چھِ یِم چیز یِم بہٕ توٚہہ ونہٕ،15"بہٕ چُھس زانان زِ توٚہؠ کیاہ چُھو کران، توٚہہِ ژھنُوو نہٕ پنُن ایمان ترٲوِتھ۔ مگر توٚہؠ چُھو نہٕ مےٚ سٟتؠ زیادٕ محبت کران، بہٕ چُھس یژھان زِ توٚہؠ جوڑیو پنُن پان مےٚ سٟتؠ یا روزیٚو مےٚ خلاف!16مگر توٚہؠ چُھو کمتر، توٚہؠ چُھو نہٕ مےٚ سٟتؠ زیادٕ محبت کران، مگر امہ باوجود چُھو توٚہؠ یہ دعوا کران زِ توٚہہ چُھ مےٚ پیٚٹھ یقین، یہ چھُنہٕ مےٚ خوش لگان، تہٕ امہِ سببہٕ چھُس بہٕ توٚہہِ انکار کرن وول۔ 17توٚہؠ چُھو دم دِوان زِ توٚہؠ کٲتیاہ امیر چُھو۔ توٚہہِ چُھو نہٕ احساسےٕ زِ توٚہؠ چُھو بنیٲدی ناخۅش۔ توٚہہِ چھےٚ تمِس شخصہٕ سنٛز ضرورت یُس توٚہہِ پیٚٹھ رحم کرِ۔ توٚہؠ چُھو در اصٕل غریب، أنؠ تہٕ نیٚتھٕ نٔنؠ۔18بہٕ چُھسو توٚہہ مشورٕ دِوان زِ مےٚ نِش کٔریٚو پرٛتھ کانٛہہ سُہ چیز حٲصِل یُس توٚہہ ضرورت چُھ، زنتہٕ توٚہؠ مےٚ نِش خٲلص سۅن مۅلؠ ہیٚوان چُھو یُس توٚہہ پٔزؠ پٲٹھؠ دولت منٛد بناوِ۔ بہٕ بناوو توٚہؠ راستباز، زنتہٕ توٚہؠ مےٚ نِش سفید کپُر ہیٚوان چُھو یُتھ توٚہؠ بے شرم پٲٹھؠ ننٛگے روزنہٕ بجایہ پلو لٲگیٚو، مےٚ دِیو پانس مدد کرنُک موقہٕ یُتھ توٚہؠ پزر زٲنِتھ ہکیٚو، زنتہٕ توٚہؠ پننٮ۪ن بٮ۪مار أچھو باپتھ مےٚ نِش لاگنہٕ خٲطرٕ سۅرمہٕ ہیٚوان چُھو تاکہ توٚہؠ ہکیٚو وُچِھتھ۔19بہٕ چُھس پرٛتھ کانٛسہِ یس سٟتؠ بہٕ محبت کران چُھس احتیاط سان نظم و ضبطٕ باپتھ ونان۔ پنُن رویہ کٔریٚو خلوصہٕ سان تبدیل۔20ظۅن تھٲیو! بہٕ چُھس توٚہہِ منٛزٕ پرٛتھ أکِس مےٚ سٟتؠ پوٚز لول ورتاونُک تٲکید کران، زنتہٕ بہٕ تُہنٛدِ گرکِس دروازس پیٚٹھ کھڑا چُھس تہٕ توٚہہ دروازٕ مُژراونہٕ باپتھ ٹُھک ٹُھک کران چُھس۔ اگر مےٚ کانٛہہ محبتہٕ سان جواب دییہِ تہٕ بہٕ بنہٕ تمسُنٛد اکھ عزیز دوس۔ زنتہٕ بہٕ تمؠ پننِس دروازس پیٚٹھ آلو دِوان وچُھس تہٕ تمؠ مُژرو دروازٕ تہٕ بہٕ ژاس تمسُنٛد گرٕ تہٕ کوٚر یکہٕ وٹہٕ کھٮ۪ن چٮ۪ن۔21مےٚ چھےٚ فتح حٲصِل کرمٕژ تہٕ ووٚنؠ چُھس پننِس ببس سٟتؠ حکومت کران۔ یتھے کنؠ دمہٕ بہٕ تمِس یُس فتح منٛد سپُدمُت آسہِ پانس سٟتؠ حکومت کرنُک اجازت۔22پرٛتھ کانٛہہ فرد یُس روحٲنی طور سمجھدار آسہِ دییہِ یتھ کتھِ کُن توجہ زِ پاک روح کیاہ چُھ ایمان واجنیٚن جمٲژن ونان۔
Bridge Connectivity Solutions Pvt. Ltd.